أقول لكم قصة ذا الكريم أصلا انا ما احب اخربط واضع على وجهي اي شئ بس ذا الكريم
شريته جارتي بكمية كبيرة واعطتني منه 2 وقالت جربيه مرة حلو ويقولون ينحط ككريم اساس
ويوم كانت عندي حاطة منه ككريم اساس كان بالمرة حلو المهم انا ما صدقت خبر كنت احط منه لما اجي أنام وفي الصباح اغسل وجهي والله انه ثالث يوم لإستخدامه وجهي بدأ يتقشر واحسه
يحكني بقوة وشفايفي صارت تتقشر من الأطراف كأني كنت في مكان بارد وسبب لي حفى أنا
ما شكيت في الكريم ويوم كنت اسأل جارتي عن السبب قالتي اتركي الكريم ترا هو السبب
وانا سوا فيني كذا ويوم شفت السالفة كذا تركته لأن وجهي ولله الحمد ما يحتاج اقشره قلت ماله الا ذاك المكان والله اني كنت احط منه على منطقة الأبطين وفي الصباح اخذ شور وأغسل نفس المنطقة جيدا واسستخدم السكر مع الصابون في غسيل المنطقة عشان أتأكد من التقشير والله انه جاب نتيجة في وقت قياسي واصلا انا كنت فاقدة الأمل والله حتى اخواتي لا حظوا الفرق والله على ما أقول شهيد
لكن ممكن يعطي نتيجة مع ناس وناس لا والله ما ادري.

يبيض يعني ولا بس يقشر ؟؟

ويصير حق المنطقه الحساسه ولا لا ؟؟

شو هذا الكريم ؟؟
وين ينباع ؟
انا من الامارات

أنا استخدمه بعد تنظيف البشره (مزيل المكياج من لوريال)أضعه على الوجه ماعدا منطقة العين وهو يقشر البشرة تقشير خفيف ويبيضها وتسطيعين أن تستعمليه بعد الاستحمام مباشره

في الإمارات ينباع في الجمعيات أناشريته من جمعية الشارقه بدرهمين