مرحبا اخواتي صراحه انا وصفته لي الدكتوره وصار لي الان علبتين ولا زال لي السوادالناتج من اثر الحبوب وما ادري يمكن الاجسام تختلف
حبيت افيدكم بتجربتي بس

هلا حبيباتي
انا قريت بمجلة الجميله ...وحده كانت تسأل عن علاج اثار غامقه بصدرها ...واجاب جراح التجميل موريسيو فيل انه العلامات تزول باستخدام كريم مشقر وذكر هذا الكريم اللي هو سولا كوين لمدة شهرين ................والحمدلله انك قلتيلنا واكدتيلي فايدته جزاكي الله خير بس على الله نلاقيه
تحيااااااااااااااتي
سهـــــــــــــــــــــــــــــــــووووووووره

حبيبتيبنت الشواهين
أنا عندي بقع على أقدامي هل أقدر استخدم الكريم ؟؟ لأن البقع واييد مزعجه

و متى تشوفين النتيجه؟

أشكرك كل الشكر ياأخت((بنت الشواهين)) وأنا فعلا محتاجته خاصة حول العينين والرقبة واشكرك اكثر اذا نفع معاي.......
لكن طبعا ما راح استخدمه الا بعد استشارة طبية ..................................كيتي.....................................................

بسم الله ...


اولا...
للي تسألني كم يبيله لين تطلع نتياجه .. والله انا استخدمته تقريبا 3 اسابيع وبانت النتايج ... كنت استخدمه مره الصبح ومره يوم انام... طبعا استجابة كل انسان للعلاج سواء كان كريم او غير الكريم تختلف...

ثانيا...
اللي تسال عن بقع في اقدامها.. حبيبتي انتي...
فيه كريم من نفس الماركه للجسم ... اسمه (eidoquin fort 4% cream)
... استخدميه يمكن يكون تأثيره افضل من كريم الوجه لان بشرة الوجه تكون دايما ارق عن القدم وبالتالي يكون كريم الوجه خفيف التاثير... استخدمي اللي للجسم واتمنى انه يعطيج النتايج اللي ترضيج....

ثالثا...
اللي قالت بتستخدمه( لتحت العيون ... والرقبه ..)
حبيبتي .. عيوني .. روووحي.... البشره اللي تحت عينج رقيقه جدا ما تستحمل هالكريم فلااااااااااااااااا تفكرين انج تستخدمينه لتحت عيونج الغاليه... اما رقبتك... فمش مشكله ممكن تدخل المخ لكن عيونج لا تستخدمينه ....

رابعا...
واللي تبي تعرف ان كان مبيض او لا... هو في البدايه موحد للون بعديم يبدا يفتح ويصفي ...
لكن مش مامون للاماكن الحساسه اللي بالي بالك ههههههه ... لانها مثل ما قلتي حساسه...

اتمنى اني اكون فدتكم بشي ... واذا عندكم اي سؤال لاتترددون...
وعيدكم مبارك
اختكم دائما..
بنت الشواهين