كسبو فيني اجر...ما ابي نعق عمي و لا ابي اظلم عيالي

اهلا باخواتي

بدخل على طول بالموضوع

ابي النصيحة و الشور العدل لو مكاني شتسوين

يا طويلات العمر ام زوجي و خالتي بنفس الوقت توفت الله يرحمها يا رب كنت اعزها واجد
المهم بعد فترة بسيطة عمي قال يبي يتزوج و الصراحة شلت هم كبير لان انا ساكنة مع اهل زوجي هم تحت و انا فوق و زوجي مع ابوه بالشغل و لا عنده شغل ثاني
فانا خايفة من المرة الجديدة تدرون الحريم نفسيات و اخاف تاخذ الاولي و التالي و القصص كثيرة لان عمي طيب واجد فبسهولة تقدر تلف راسه و هي مرة جديدة بتقوله اضمن حقي و من هالخرابيط

و انا زوجي الحين اهوا المسئول عن الشغل لان عمي معتمد عليه اعتماد كلي لان ما عنده الا هالولد و الباقي متزوجات

ما ابي عيالي يسكنون مع مرة ابو و انا موجودة و حية

شسوي اطلع من البيت وين اروح او اظل في البيت و ايدي على قلبي من هالمرة
بناته يقولون حق ابوهم اجر شقه و تزوج لان ما يقدرون يشوفون وحدة مكان امهم و انا ما ابي اظلم عمي و اقوله اطلع من البيت و نعقه و لا ابي اظلم عيالي

لانه اهوا يبي يحط المرة الجديدة تحت مكان خالتي شفتو الزمن
و اذا صارت معاي بالبيت راح تطالعني في كل شي وين رحت و شنو شريت خصوصا ان المالية وحدة
اكيد بتقلب راس عمي علينا
و انا عيالي متعودين ينزلون تحت و اصلا اكلنا كله تحت لان ما عندي حماه اتغطى عنه

يعني حياتي بتتغير كليا

و الله انا حيرانة موت ما ابي اظلم احد

و على فكرة خالتي الله يرحمها صارت في نفس وضعي عمها تزوج و الزوجة الثانية عذبتها و عذبت عيالها و كانت تطالعهم بكل شي
و بعد عمي كان نفس الشي مع ابوه بالشغل و وحيده

انا خايفة الزمن يعيد نفسه و اعيش نفس العذاب

شيرو علي شسوي :(:(:(

ارجوكم ادعو لي الله يسهل هالموضوع و يفرجها ياااااااااااااارب ارجوووووووووووووووووكم