كسرت جرس الباب

والسبب اننا ساكنين في عمارة اهل زوجي وفيها خمس شقق لاخوان زوجي منها شقه لامه والجرس من العصر لقرب الفجر طن طن مايوقف طالعين نازلين الاطفال كم مرة قلتلهم الجرس لاتدقونه دقوا الباب اسمعكم شققنا صغيرة والجرس مزعج زوجي ينام بعد صلاة التروايح لان دوامة الساعه ٦ الصباح ومنزعج جدا فوق طنطنة الجرس اولاد سلفاتي طول اليوم عندنا خاصه وحدة تفكهم من يوم يصحون لقرب الفجر اكثر الاحيان انا بس اطلعهم ويزعلون كمان يحسونها طردة
كم مرة اقول لزوجي انت تصرف طلعهم بس احسه يراعي اهاليهم يخاف يزعلون
تخيلوا طول اليوم عندنا انظف البيت وراهم طول اليوم حتى الوجبات حاضرينها معنا صرت احط حسابهم في الاكل وتعالوا شوفوا البنت الصغيرة تحوووس وتكبكب اجلس امسح وراهم
بالعافيه عليهم بس تحسين قهر امهم مرتاحة وانتي تطبخينلهم وتاكلينهم
وحدة من سلفاتي تقول انها قالتها اطفش منهم عشان كذا تخليهم عندنا طول اليوم طيب انا ايش ذنبي يكفوني اولادي
وبعض الاحيان اطلعهم مع اولادي عند امهم في نيتي اخليهم شويه وانزل اولادي ومافي فايده لازم ينزلون معهم بعض الاحيان الساعه ٢ الليل ماعندهم مشكلة
تعبت من الازعاج طول الليل احس ماني قادرة اخذ راحتي في البيت حتى في لبسي حتى لما اتخاصم انا وزوجي اكثر الاحيان يسمعون ويشوفون احس حياتي مكشوفه واذا جينا نخرج مكان يسألون وين رايحين اولادي يقولون لهم نتمشى ولا نروح السوق يروحون عند اهلهم يقولون شوفوا يعايرونا انهم بيخرجون وامهم وابوهم يزعلون ليش مانسكت طيب اولادكم عندنا طول اليوم طبيعي يعرفوا تفاصيل حياتنا حتى لو ماتكلمنا يشوفوا بعينهم
تخيلوا الايامً العاديه قبل رمضان ينزلون من الظهر حتى الساعه عشرة مافي مشكله مع انها ايام مدارس زوجي يجي من الدوام يوميا وهما فيه يطفش من ازعاجهم ولا كمان امهم تتصل تسألني اكلوا شي
مايراعون احد الجرس طول اليوم يدق اخرتها قبل شوي نازلين طالعين والجرس ماوقف قمت فكيته من الجدار مع اني احتاجة ايام المدارس عشان اولادي لكن مافي الا هذا الحل عشان ارتاح من صوته وعشان اولادي مايفتحون الباب لهم لان لو علي مافتحت لكن اولادي يسابقون يفتحون
اخواتي يقولون اكلم امهم تمسكهم لكن هي جدا زعوليه مجرد اطلع اولادها تتحسس ويقولون طردناهم
ايش رايكم احد مثلي هل هو طبيعي يحدث في عماير الاهل واللي مثل حالتي كيف تتصرف تخلي الاطفال على راحتهم ولا تحط نظام معين انا نفسي اقفل بابي بالمفتاح بس احزن على اولادي يطفشون لانه لو خليت مجال يدخلون بيتي مايخرجون الا اخر اليوم