كسرت جواله

السلام
الموقف حقيقي ما احلل لي جاي تكذبني وتقول كذب الله لايوفقها
اقسم بالله اني زهقت وتعبت
اليوم الصباح كسرت جوال ابن زوجي مرة ثانية
والله اضحك على نفسي
اقسم بالله بالغلط ومدري ليه لمسته وطاح مني بقوة من الدرج للارض
هو كان غايب عن مدرسته ولما شافه صار يصرخ وكمل عليه وهو يسب شال شنطة وحط أغراضه وقالي انا رايح وقفته ما رضا وقال انا رايح عند امي بس راح عند ام زوجي ورجع زوجي دوره ورجعه البيت وهو يراضيه
يقولي انتي متعمدة تكسرينه والله لا اشتري له أحدث جوال من فلوسك بعد يلا هذا الشهر مافي مصروف طلع مشوار ساعة اشترى ايفون 11 ورجع عطاه وابنه يقوله شكرا بابا وزوجي يقوله ياقلبي انا لي لازم اقولك شكرا وقالي تكسريه ثاني تعتبري نفسك مطلقة اي بطلقك لاتستغربي
انا رديت عليه قلت يوم تطلقني بسوي حفلة بس ليت الولد يرد لك الدين يوم تكبر
جاوبني قال انا ما اطيح الا واقف وما احتاجه يوم أصير عجوز ويمكن ربي ياخذني قبل مايكبر بس اهم شي اكون صنت الأمانة معاه وعيشته معزز مكرم عندي وهذا آخر درس المرة الجاي لاتزعلي يا ثوثة واذا طلقتك وسويتي حفلة انا بتزوج بقاعة الافراح لي قدام بيتكم وعرسي يكون 3 ايام مع بعضها وصار يضحك وراح
والله ماقصدت ولا قربت منه سبحان الله المشاكل تجي منه شيب شعري الله يفكني منهم ويخرجني على خير كل ما اقرر اتجاهله قلبي يحن عليه وضعه مثل وضع اليتيم يكذب على نفسه كل مرة يهدد يروح عند امه وامه ماتبغاه ولما اجي اهتم فيه تصير مصيبة بسببه وابوه وقت المصيية يطلع من تحت الارض