كسرت خاطري المسكينه وهي تشيل الاغراض عن الرجال

كل عام وانتم بخير معروف شهر رمضان شهر الرحمه شهر العطف
اليوم وانا انتظر زوجي في السياره وهو دخل السوير ماركت شفت رجال على قولهم عريض المنكبين جسم ماشاء الله عليه طالع من السوبر ومعاه شغاله مسكينه عصفوره ضعيفه عظم على لحم ومعاهم ولد صغير يعني 7 سنوات كذا الشغاله مخليها تدفع العربه وهي مليانه اغراض وهي مسكينه تدفها بقوه مبين العربه ثقيله وهو ولا شيء ولا حرك ساكن يمشي يد ورى ويد قدام وصلو لسياره ركب وركب ولده وياه وهي المسكينه تلبق الاغراض في بكس السياره الخلفي حتى يوم جات تصكها مسكينه قصيره الشغاله قامت تناقز تناقز كم مره يالله وصلت للباب حق البكس حتى بنتي قامت تضحك تقول يمه شوفي الشغاله تناقز ولا قام حرك عمره وساعد هالفقيره ما كانها صايمه زيه والله كانو هنود اثنين واقفين على باب السوبر يناظرون فيهم من طلعو وهم مستغربين في هالرجال الي مخلي الحرمه تدفع العربه وكل واحد يناظر الثاني تتوقعون ش بيقولو عنا

والله رجعت البيت وانا افكر في هالفقيره الي مستعبدينها اقول اجل في البيت حتى كاس الماي تجيبه لهم

ارحمو من في الارض يرحمكم من في السماء