اتوقع يزوجها السواق عشأن تتأدب احنا بأنتظارك ياحلوووووووه

شكرا لكل الي رفع موضوعي الله يرفع قدركم وشكراعلى تفاعلكم وتفضلوا البارت الثالث

*********************
****************************




الأب : شفت إلي سوته أختك اليوم سوت شيء ما ينتسوى كذبت على نفسها عشان تتخلص منه إنا بصراحة مقدر عليها وعلى دلعها اليوم سوت كذا بكره تجيب لنا مصيبة أختك لازم تتربى وشرايك

لو زوجتها لواحد يكسر راسها ويادبها ويخليها
تعرف إن الله حق لكن انا ماعندي بنت غيرها وهي غاليه عندي لازم اعطيها واحد يحافظ عليها ويكون رجال بمعنى الكلمه وشرايك انت بركان اتوقع انه ماعليه كلام
*******************
تركي : ركان والله لو أختي تلف الدنيا كلها ما تلاقي أحسن منه لكن ركان من عايله محافظه ومايحب الحال المايل ومراح يوافق عليها
**************
الأب : إنا فكرت إني أخليه يوافق اكتب مصنع كامل باسمه
إذا وافق واشترط عليه انه يادبها ويعلمها الأدب وترى أختك بسم الله عليها موناقصها شيء بس فيها الدلع زايد الله يهديها و شرايك
*******************
تركي : مالي رأي بعد رأيك يابوي إذا يوافق أكيد إنا بكون مطمأن على أختي معاه
********************
ورجعوا عند تركي في المجلس قاله
الأب : شوف ياولدي إنا ادري إن الظروف ملطشه معاك وانك عندك شهادة وما لقيت وضيفه وان الوالد ظروفه صعبه
وانأ ماخليتك سواق بنتي الأبعد ماسا لت عنك زين ماسا لت احد إلا ومدح لي فيك بعرض عليك عرض إن وافقت عليه بكتب لك مصنع كامل باسمك بكامل معداته وعماله وش رأيك
*******************
ركان : ايش مصنع كامل باسمي وش هالعرض إلي
يخليك ياعمي تسوي كذا
**************
الأب : شوف ياولدي أنت في بدايت حياتك وأكيد تحلم يكون عندك زوجه وعيال والحياة صعبه وعشان تتزوج لازم أشياء كثيرة وانأ بمشي على المثل إلي يقول اخطب لبنتك ولاتخطب لولدك بنتي الظروف خلتها كذا انشغالي عنها ودلع أمها الزايد لها هو إلي خلاها تصير كذا إنا أبيك تتزوجها وتأدبها الأدب إلي مادبناه لها إنا وأمها وإذا وافقت إنا أقولك وش تسوي وزواج كله علي بسوي لكم زواج عمرك ماكنت تحلم فيه والسكن أبيك تسكنها عند أمك وخواتك أبيك تكسر رأسها وتخليها تبطل دلع وشرايك

**************
ركان : بصراحة أنت فاجأتني ياعمي بكلامك مدري وش اقولك لكن هذا زواج ماهو لعبه عطني فرصه أفكر وارد عليك
*******************
ركان كان طوال الطريق للبيت سرحان ماهو مصدق معقولة
إلي صار صدق ولا حلم ؟
اتزوجها وكنت من مده بسيطة كنت كارها وكاره اشتغل عندها ؟ معقولة هي تصير زوجتي وشريكة حياتي إلي كنت احلم فيها
وتذكر دعاء أمه يوم دعت له أنها تشوفه عريس في ها السنة
معقولة تكون هذي هي دعوت أمي استجابت ؟
********************
ركان دخل على أمه وأبوه وسلم عليهم وكان مصدوم ماهو مصدق إلي صار كنه يحلم
******************
الام : وشفيك ياولدي عسى ماشر وش فيك شكلك مو على بعضك
*******************
ركان : إنا بخذ رأيكم بشيء وأبي رأيكم فيه والي تقولون لي عليه بسوية وقص عليهم إلي صار من أول لأخر
******************
الام : بفرحه معقولة ياولدي هذه ولافي الأحلام وين بتلاقي أحسن من كذا مصنع كامل والزواج كامل على أبوها والله فرصه ولا أحسن وأنت كذا تراك منت خسران شيء وشرايك يابوا ركان
********************
أبو ركان : والله أنت فاجأتني ياولدي القرار قرارك وهذي حياتك لكن لاتتخذ قرار تندم عليه لان هذا زواج وعمر
ماهو لعب عيال فكر زين قبل تقول لا أو إيه
*****************
ركان : إنا موقادر أفكر صحيح عرض أبوها فرصت عمري عمري ماحلم فيه لكن إني أتزوجها هي مره متكبرة وشايفه نفسها ومو عاجبها احد وانأ طايح من عينها من أول لحظه
وانأ كنت احلم بوحده زي خواتي محتشمة متسترة هي كثير متحررة
***************
إلام : ياولدي الحرمة على زوجها وأبوها قالك اكسر خشمها وربها من أول وجديد بعد وش تبي اسمع مني وانأ أمك
وافق
*******************
ركان : تصدقين يمه أنها في نفس ألجامعه إلي فيها
منى ونورة خواتي
*****************
وعلى سفرة الطعام سألوا منى قالت
: من تقصدون ألجوري إلي معانا بالجامعة معقولة ؟!!
هذي البنات كلهم يستنونها بس تجي يشوفون وش لابسه وشو تسريحة شعرها ماتلبس إلا أخر موديل ملابسها كلها من فرنسا وايطاليا لكنها شايفه نفسها أكثر من ألازم حتى أنها ماتكلم أي احد ولاتصادق أي احد معقولة هذي تصير زوجت اخوي ومعاي في نفس البيت ماني مصدقه تكفا ياخوي طلبتك توافق نفسي يصير راسي براسها وووو روعه الله يخليك وافق
****************
مرام : عساها عاد حلوة وجميله على ها النفخة والغرور
*****************
نوره : حلوه وبس تهبل اصلا امها مو سعوديه عشان كذا كأنها قمر الجسم كأنها عارضت أزياء والشعر حرير ودايما أخر موديل

منى : يا سلام يانورة وليه السعوديات مو حلوات هذا إنا قدامك اكبر مثال سعوديه أبا عن جد ومملحوه بسم الله علي وش زيني لكن والحق ينقال مره ماتصلح لركان كلشي عندها فري عادي إذا جت تطلع العبايه ضيقه ومطرزه والعطر ريحته واصله لأخر الشارع مره كنت واقفة
قدامها وانأ مدري ماحسيت إلا وهي تنغزني لو سمحتي ممكن تبعدين الخيمة حقتك تتريق حضرتها عشان عبايتي واسعةومحتشمة
******************
ركان : اجل تقول خيمة إنا أوريها وشلون تصير الخيمة
والله لأخليها تلبسها خلاص اجل إنا بوافق على عرض أبوها أول وأخر إنا مو خسران شي لكن يابنات
لأوصيكم أبيكم تخوفونها مني عشان تسمع كلامي وتحترمني
********************
مرام : الله يا دنيا أنت تخذ هذي أنت كنت تشوف وحده فينا مولا بسه قفازها اوشرابها تسوي لنا قصه تخذ هذي
******************
ركان : لا تخافين بخليها تصير زيكم وتشوفين
******************
بعد موافق ركان وقال لوالدها فرح كثير الأب ودخل
عندها الغرفة :
الأب : هلايا بنتي كيف حالك
****************
الجوري : الحمد لله بخير يابوي بشرني عساك طردت السواق
****************
الاب : معقولة يابنتي بعد إلي سواه فيك اطرده لاطبعا إنا أجبرته يصلح غلطه والحمد لله وافق
******************
الجوري : يصلح غلطه كيف يصلحه يعني ؟؟
****************
الاب : يتزوجك على سنت الله ورسوله
*****************
الجوري : إنا أتزوج السواق مستحيل
******************
الاب : إنا سالت عنه والحمد لله الكل يمدح فيه وهواصلا موسواق بس اشتغل كذا عشان ظروفه والحين لقا له شغله بسيطة وماقال لها على المصنع
******************
الجوري : لايبه حرام إنا بنتك وحيدتك كيف تسوي فيني كذا
*******************
الأب : لازم يتعاقب على إلي سواه اجل أخليه بعد عملته
*******************
الجوري : وهي تبكي تكفى يابوي لاتسوي فيني كذا أنت عاقبتني إنا موهو هو أصلا ولايحلم يتزوج وحده زيي لكن إنا
مستحيل أتزوجه
****************
الأب : خلاص إنا عطيته كلمه ومستحيل ارجع بكلامي لو ايش مايصير استعدي زواجك بعد شهرين جهزي نفسك
وطلع وخلاها تبكي بكى مابكته من قبل
*******************
الام : يابنتي ما بيدي شيء حاولت لكن ماقدرت تعرفين أبوك إذا صمم صمم
*******************
الجوري : يمه والله مصار شيء إنا كذبت عليه عشان تطردونه موتزوجوني له حرام عليكم تسون فيني كذا
*******************
تركي دخل عليهم بعد ماسمع الكلام : أحسن تستاهلين اجل في وحده عاقله تسوي سواتك تكذب هالكذبة
*********************
الجوري : سوا فيني إلي بتسونه لكن لاتزوجوني هذا
ماهو من مستواي وصارت تبكي بكاء حن قلب تركي عليها أول مره يشوفها تبكي كذا
****************
تركي : جوجو حبيبتي أنتي أختي الوحيدة ومستحيل اسمح إن احد يضرك لو ماعرف إن ركان رجال ونعم الرجال واعرف أخلاقه زين عشرت سنين معاه مكان خليتك تتزوجينه عمرك مراح تندمين وبتقولين تركي قال
*****************
الجوري : بعد مافقدت الأمل انهم يوافقون طيب وين بيسكني
إنا متعودة على القصور مو يسكني في عشه أبيه يسكني بقصر زي هذا وزواجي موفندق ثلاث نجوم ابي خمس نجوم
يقدر هو على هذا
*****************
تركي : لاتخافين الزواج ابوي بيسوي لك زواج لا كان ولا صار لكن السكن تفاهمي مع زوجك
********************
بكت الجوري لين تعبت من البكا لكنها بالأخير استسلمت للأمر الواقع
الجوري : الو هلا شهد كيف حالك
************
شهد : ياهلا والله وينك يا لقاطعة وش ها لغيبة
هذا وأنتي ماعرستي وشحال لواعرستي معاد بنسمع صوتك
********************
الجوري : يا شيخه والله اسكتي إنا لاهيه بالجهاز كل يوم أروح السوق مابقى وقت تعرفين الزواج باقي له كم يوم ولازم اخلص
**********************
شهد : ولحد الحين ما كلمك ولا جاكم
********************
الجوري : لاوالله لاكلم ولاجاء ولاشفت وجهه
طبعا مايجروء يكلمني بس اوريك فيه
*******************
شهد : يالخبلة اعقلي هذا صار زوجك موسواقكم
******************
الجوري : لازم أوريه العين الحمرا من أول عشان يعرف من هي الجوري مويحسب انه ماخذ بنت حيالله الاماقلت لك أهله جو أمه وخواته جو هنا يقالك يسلمون لو تشوفين خواته
ملابسهم عاديه موماركات تخيلي لاوالعباية تحفه واسعة وقفازات وشربات وحالتهم حاله ههههههههه ههههههه
تدرين خواته منى ونوره إلي معانا بالجامعة
****************
شهد : ايوا عرفتهم نوره عاديه بس منى صحيح مومره كشخه لكن تهبل صراحة حلوه مملوحة
*********************
الجوري : إلي نفسي أموت وعرفه وين بيسكني محد راضي يقولي كل مسال احد يقولي مادري ودي اعرف أخاف يسكني في بيت صغير الله يستر وحظرته مافكر حتى يرسلي رسالة
*****************
يوم الزواج بعد ماطلعوا من الفندق عند السيارة وهي لابسه فستان الزواج : بسرعة افتح لي الباب ماتشوفني واقفة
*****************
ركان : افتحيه أنتي مالك يدين ولامكسره يدينك يالله اركبي خلصينا وركب وسكر الباب
****************
الجوري : ركبت وسكرت الباب أنت مجنون كيف تكلمني كذا أنت ماتعرف إنا مين
*****************
ركان : بس ولاكلمة اعرف زين أنتي مين أنتي الحين زوجتي ولواسمع لسانك بقصه لك سامعه إنا زوجك ولازم تحترميني ولا ماتعرفين إن الزوجة لازم تحترم زوجها يابنت الاصول
*****************
الجوري : حست أنها خافت منه وسكتت بعد شوي سالت بهدوء طيب وين بتسكني
******************
ركان : وين يعني تحسبين اني بسكنك بقصر بتسكنين في بيتي مع امي وابوي وخواتي الاربعة
****************
الجوري : حرام عليك انا كل عمري عايشه بقصور ماني متعوده على بيوت
***************
ركان : منتي متعوده تعودي من هنا ورايح
إنا ماني غني إنا رجال على قد حالي وأنتي بتعيشين زي مانا عايش هذا بيتنا شوفيه إلي هناك
*******************
الجوري : معقولة هذا كوخ موبيت حرام عليك انا بقول لبوي يسكنا بقصر انا بنته ومراح يرفضلي طلب
******************
ركان : ولاتقولين له ولاشيء انتي تسكنين مكان ماانا ساكن
وتعيشين العيشة إلي إنا عايشها سامعه يالله ياعروسه انزلي
شوفي بيتك
****************
نزلت وفرجها على البيت كان دورين لكنه بنسبه لقصرهم صغير
وأخيرا قال لها هذه غرفتك
الجوري : ارجوك قدر ظروفي إنا تعبانه وأعصابي تعبانه
مابيك تنام هنا روح غرفه ثانيه ونام فيها إنا تعبانه
*****************
ركان : والله ما أحلاني وانأ قدام أبوي وأمي في ليلت عرسي
نايم في غرفه ثانيه إنا بنزل تحت لحد ماتغيرين ملابسك
وترتاحين وبرجع هذي غرفتي زي ماهي غرفتك
*****************
الجوري بعد ماطلع رمت نفسها على السريرانا الي سويت كذا بنفسي ليتني ماكذبت عليهم
ودخلت أخذت شور ولبست بجامه نعومه عليها رسومات ناعمة وجلست على السرير تتفرج على غرفتها الجديدة
كانت الغرفة مرتبه ناعمة اختيارها كان ذوق لكنها كانت بسيطة جدا قطع عليها صوت الباب وهو يفتح كان ركان
خافت وقالت أشفيك
*********************
ركان : اشفيني واحد وداخل غرفته بينام بنام على سريري
*******************
الجوري : وانأ وين أنام
****************
ركان : مسك نفسه عشان ما يضحك وقال نامي فوق الدولاب بعد وين تنامين وعطها ظهره ونام
******************
الجوري : ايش أنت بتنام
***************
ركان : ايوا بنام تعبان من الصبح وأنتي موتقولين تعبانه
ولا الحين ماصرتي تعبانه
******************
الجوري : الاتعبانه ونص بس ماقلتلي وين بنسافر بكره
*******************
ركان : ومين قالك إن احنا بنسافر شهر العسل من اسمه عسل
بالله احنا في شهر عسل نامي ولاتكثرين كلام تراني انا بعد تعبان
*********************

في الصباح لبست فستان ليموني نعوم وفتحت شعرها وكان المصبوغ أشقر وكانت قاصه شعرها فيكتوريا ولبست طوق فيه ورد اصفر وحطت
ميك أب خفيف ونزلت تحت لقت إلام والبنات جالسين يفطرون ويضحكون شافوها
قالت إلام : ياهلا بنتي تعالي افطري معانا تونا حطيناه مابغينا نصحيك و نزعجك تعالي
*******************
الجوري : ايش هذا انتوا تجلسون على الأرض ما عندكم
طاوله وكراسي
******************
الام : الا طبعا عندنا بس إحنا متعودين نجلس على الارض والطاوله مخلينها إذا جوا عندنا ضيوف
*****************
الجوري : اوماي قود إنا مو متعودة اجلس على الأرض
في احد لحد الحين يجلس على الأرض
*******************
إلام : قوموا يابنات وحده منكم تجيب لها كرسي عشان تجلس
********************
مرام : إنا بروح اجيب لها
******************
تركي توه داخل : اجلسي يامرام تجلس زي مانجلس ألريشه إلي فوق رأسها وشلناها وبعدين الناس إذا دخلوا يسلمون
مو يدخلون يتآمرون أنتي هنا مافيك زود عن احد راسك برأس أي وحده فيهم ويالله بوسي رأس أمي قبل تجلسين
*********************
إلام : خلاص ياولدي مايحتاج
****************
ركان : لايحتاج بوسي رأسها يالله أشوف
****************
سلمت على راس امه من غير نفس وجلست قرفانا
كانوا خواته كثير حبوبات يمزحون ويسلفون والام كانت
تعاملها أحسن من ماتعامل بناتها لكن هي
ركان : مد الفنجان وقال صبي لي قهوة
****************
الجوري : نعم تبيني إنا اصب لك
************
منى : هات إنا اصب لك ياخوي
*************
ركان : لاهي تصب لي
************
الجوري : مسكت الدلة وصبت له باطراف اصابعها خذ
*************
ركان : وش خذ هذي قولي تفضل موخذ
*************
الجوري : تفضل

ركان : منى تراني مانسيت وعدي جبت لك بلاك بيري
***************
منى : ياحبيبي ياخوي الله لايحرمني منك
**************
الجوري : ليه انتي مكان عندك بلاك
*************
منى : لا تعبت وانا اقولهم لكن محد معطيني وجه لكن اخيرا
استجابوا لي الاانتي وشو جوالك
**************
الجوري : إنا من زمان شريت البلاك لكن جلس شهرين ماعجبني دفش وكنه حق رجال وشريت بعده ايفون
وشريت بعدجلاكسي توب والحين عندي هذا توني شريته وطلعته وكلهم قالوا الله وووووو هذا حلو مره بس أول مره نشوفه
**********************
الجوري : هذا لسا مانزل هنا انا جبته معاي يوم رحت
أوربا
****************
نوره : هذا حلو بس جالكسي وشو سويتي فيه
****************
الجوري : موجود عندي بس إنا الحين استعمل
هذا أكثر وانتي نورة وش جوالك
****************
نوره : انا جوالي بلاك بس ودي جالكسي لكن غالي
**************
الجوري : لاموغالي انا شريته بثلاث ألاف أول مانزل والحين يقولون رخص يمكن إلفين وخمس بس
****************
ركان : أف ثلاث ألاف موغالي حرام عليك إنا راتبي كله ثلاث ألاف
طبعا ركان مقال لها إن ابوها سجل المصنع باسمه لكنه قال لها انه توظف وظيفه بسيطه بس هذا بناء على طلب أبوها لكن يوم شاف ضيقت صدر خواته يوم شافوا
جوالها قال لهم الله يقدرني واجيب لكم احسن جوال
*********************
بصوت واحد : تسلم ياخوي
*************
الجوري : ابيك توديني لامي اليوم ودي أشوفها
**************
ركان : طيب تجهزي وانا بروح مشوار وبرجع اوديك بس ترى موكليوم تقولين لي ودني بس مره وحده بالأسبوع سامعه
********************
ياترى وين المشوارالي بيروح له ركان واش بيصيرللجوري بعد واش بيسوي فيها ركان بعد اتمنى يكون البارت اعجبكم
وانا في انتظار ردودكم وتوقعاتكم 00000الماهرات

البارت الرابع بكره باذن الله 0000الماهرات

مشكووووووووووووورة

رووووووووعة متي يجي بكرررررررررررررة