ررففعع

يعطيك العااااافية .. منتظرينك

تسلمون يالغاليات كلكم ذوق اسعدني مروركم وكلماتكم

والحين تفضلوا طويل زي ماطلبتوا



**** ( البارة الثاني )***


ركان : طبع اعرف
************
تركي : مين تكفى دلني عليه
***************



ركان : إنا

إنا مستعد اشتغل شهرين ثلاث لحد ما تخلص من المصنع وبعدين أجي عندك
**************
تركي : أنت مهبول أنت جامعي ومعاك شهادة ونبي تشتغل سواق الله يهديك
*****************
ركان : إنا مراح اشتغل على طول بس فتره معينه زي ما قلت لك وبعدين الشغل ماهو بعيب الخمس ألاف إلي مو عاجبتك انا تنفعني هالكم شهر بصراحة احنا على قد حالنا وأبوي رجال كبير ومتقاعد وانأ أتمنى أساعد أبوي في مصاريف البيت تكفى ياتركي وافق
**********************
تركي : افا عليك اوكي موافق على بركت الله بصراحة إنا محظوظ إني صادقت واحد مثلك
*********************
ركان : يمه أبشرك لقيت وظيفة زينه ومقت
بخمس ألاف وبعد كم شهر بشتقل عند خوي بالمصنع
حقه براتب 25 الف وشرايك يمه
*********************
الام : الله يبشرك بالخير الحمد لله أخيرا
*******************
مرام : مشاء الله خمسه وعشرين وش بتشتغل
عشان يعطونك كذا
***************
ركان : بشتغل مدير المصنع
****************
منى : لا تنسى ترى وعدتني تشتري لي بلاك بيري
****************
ركان : لا تخافين إنا عند وعدي بس استلم أول راتب
*****************
نوره : يا سلام وش معنى منى
*****************
مرام وفي : وانأ بعد وش معنى
******************
ركان : و لا يهمكم كلكم بشتري لكم بس أتوظف مدير كلكم بجيب لكم بس منى إنا وعدتها لأنها دعت لي دعوه حلوه
******************
منى : ألا ما قلت لنا وشو بتشتغل الكم شهر هذي
******************
ركان : ااااااا بشتغل سواق بس موقت لأنها فرصه وجت عندي لأني مقدر اقعد هالكم شهر فاضي بدون عمل
***************
الام : عاد سواق يا ولدي
**************
ركان : مافيها شيء الشغل مو عيب وموقت مو على طول
**************
الام : بتوفيق يا ولدي
*****************
تركي دخل بيتهم وقال
تركي : يمه وين أبوي عندي له بشارة زينه
**********
الأب :هلا ياولدي هذا إنا هنا جيت وش البشارة
***********
تركي : لقيت سواق لأختي ونفس الشروط إلي تبيها وأحسنبعد
***************
الأب : الحمد لله أخيرا ومن هذا يا ترى عساك تعرفه
**************
تركي : اعرفه زين واعرف اخلاقة خويي ركان
شاب مكافح ومافي زيه
**************
الأب على بركت الله اجل قله يبدأ يوصلها الجامعة من بكره
***************
في الصباح الساعة ثمانية بضبط كان ركان عند الباب
بيب بيب

طلعت يا محلا نورها ....كانت تلبس عبايه مخصرة
مطرزه تطريزه كبيره بلون سكري وطرحه مطرزه تطريزه
زي تطريزه العبايه وكانت تلبس شنطه فخمه بالون سكري وتلبس نظاره مكتوب عليها الحروف الاولى من اكبرا الماركات بالكريستال وكانت تلبس حذاء سكري كعب عالي وتنزل الدرج بدلع يا ارض أنهدي ماعليك قدي كان ركان طول ألمده يطالع قدام ما يلتفت عليها لحد ما سمع صوت
************
أنت هي
**********
ركان التفت وشافها واقفة وتطل من الشباك قال إنا
**********
قالت : ايوا أنت في احد غيرك هنا تحرك انزل وفتح لعمتك الجوري الباب
***********
نزل ركان وفتح لها تفضلي
***********
الجوري : ايوا كذا خلك مودب
**********
سكر ركان الباب ورآها وهو معصب وقال بهدوء اللهم طولك يا روح
*************
ركب السيارة وداها ألجامعه كانت نفس جامعت أخته منى ونوره وصلها وراح وفي الظهر في نفس الوقت إلي يطلعون كان واقف وينتظر وينتظر طلعوا تقريبا ثلاث أرباع البنات بالعافية طلعت نزل على طول وفتح لها الباب
***********
الجوري : بكره لا نجي بها السيارة خذلك أي وحده من سيارات الموجودة بالبيت هذي السيارة مومن مستواي مآبي أتفشل قدام صديقاتي
*************
ركان : تنهد بضيق وقال حاضر
*************
الجوري : قول حاضر عمتي
***************
ركان : حاضر عمتي
**************
عصب ركان وصار يسرع
***************
الجوري صرخت : ااااااا أنت مجنون شوي شوي وش مستعجل عليه انتظر لاتروح البيت أبي أروح المطعم
بتغدا مع صديقتي
***************
ركان : إنا أسف ما عندي أوامر تروحين مطعم قالوا لي اوديك
ألجامعه والأماكن الضرورية بس سوق زي كذا لكن مطعم محد قالي
********************
الجوري : نعم نعم انت هنا سواق تسمع كلامي وين ماقولك توديني توديني وبس اجل ليش نعطيك راتب
*****************
ركان : اتصلي في الوالد أو تركي وإذا وافقوا أوديك المريخ إن كنتي تبين بعد لكن هم قالوا لي أني ماوديك أي محل ألا بامرهم
*****************
الجوري نزلت وهي معصبه وقالت إنا اوريك انت شكلك مراح تعمر معاي وسكرت الباب بعصبيه اهتزت منها السيارة
******************
ركان انطلق مسرع : أعوذ بالله وش ها البنت معقولة في بنات كذا وش هال تكبر والغرور على ايش شايفة نفسها تحسب أنها اشترتني بالراتب مالت عليها وعلى الراتب ألي بيجي من ورآها إنا مستحيل استمر ألزم ما على الواحد كرامته من عذر حاطين الراتب عالي عارفين بنتهم حتى لو عطوني عشر ألاف سبحان الله من يصدق أنها أخت تركي أدب وأخلاق وعلى طول طلع الموبايل من جيبه وكلم تركي مره مرتين لاكن تركي ماكان يرد وصل البيت ونزل وكان مصمم كل التصميم انه معاد يوصلها مره ثانيه وفي البيت
******************
إلام : ياابو ركان وسع صدرك ركان الحين الحمد لله توظف
ومراح يقصر وبيساعدك
******************
ابو ركان : يعني الولد مسكين اشتغل عشان يصرف علينا
هو عنده الي يكفيه وراه زواج ومصاريف ماهو ناقص أوعي تقولين له إني محتاج إنا بدبر حالي
*******************
ركان سمع كل الكلام وعرف إن ابوه محتاج فلوس
دخل عليهم وسلم على رأس أبوه وأمه
*****************
الأب : الله يرضى عليك يا ولدي بشر وش أخبار الشغل
*******************
ركان : الحمد لله من أحسن مايكون بس إنا ترى حالف حلف لا تردني يبه
****************
الأب : وشو ياولدي
***************
ركان : إنا حالف أول راتب يجيني بعطيك إياه كله
عشان أساعدك ولو شوي من مصاريف البيت
****************
الاب : لا يولدي هذا تعبك وأنت أولى فيه
******************
ركان : خلاص يابوي انا حلفت لاتردني وشرايك يمه قولي له
*****************
الام : وهي تمسك دموعها بالعافية خلاص يابوركان مدام انه حلف لاترده وتخرب فرحته
***********************
ورن موبايل ركان كان تركي استأذن ركان من أمه وبوه
وطلع من الغرفه وسكر الباب سمع امه تقول
الام : الحمد لله ربي فرجها قلت لك الله كريم
*********************
الاب : الحمد لله لاكن مكان ودي اخذ راتبه لكن مدام هو إلي قال وحلف فرجت وكنت أظنها لن تفرجوا الله يعوضه عنهإلف مره
******************
تركي : الو الو ركان وين رحت
**********
ركان : ايوا ايوا معاك شخبارك
***************
تركي : الحمد لله بخير إنا أسف كلمتني من شوي ومارديت عليك كنت مشغول بغيت شيء
****************
ركان كان ناوي يقوله خلاص مابي اشتغل سواق لكن بعد ماسمع أبوه يقول كذا غير رأيه وقال لابس كنت بقولك إن أختك كانت بتروح المطعم بعد ألجامعه مع صديقتها لاكني مارضيت قلت لها إنكم ما قلتوا لي وهي عصبت
*************
تركي : معليش امسحها في وجهي أحسن انك ما رضيت إنا اتفقت مع أبوي إي مكان بتروحه غير ألجامعه بتصل فيك وأقولك غير كذا لاتوافق وإذا بتعصب خلاها تطق رأسها بالجدار معليك منها ركان معليش ترى أختي دلوعه كثير
امي دلعتها لحد ماخربتها استحملها عشان خاطري كلها شهرين ثلاث وأدور واحد ثاني وتشتغل أنت عندي بالمصنع
*********************
ركان : معليش بستحملها ولايهمك
******************
كان واضح إن الجوري ماتبيه سواق كانت تحاول تضايقه باي طريقه لكنه عشان أبوه كان يستحمل سخفاتها ودلعها الماسخ وفي مره اتصل عليه تركي وقال له أنها تبي تروح السوق وفعلا وداها وطبعا نزل يمشي وراها لأنه مطلوب منه
مايخليها لكنها استغلت الفرصة ولفت فيه المجمع كامل مره تحت ومره فوق ومره تحت لحد ماحس انه ماهو قادر يمشي من التعب وفوق هذا كانت تخليه يشيل الإغراض
*******************
ركان : أتوقع إن إحنا كذا شرينا المجمع كامل ولفينا محل محل ممكن نرجع أو لسه باقي ما مخلصتي
*************
الجوري : ليش تعبت والله إنا كذا دايما كذا إذا مو عاجبك
تقدر تقدم استقالتك وتنسحب احسن لك
******************
ركان : لا مستحيل انسحب إنا وعدت تركي وأبوك ومستحيل ارجع بكلامي مهما سويتي لاتتعبين حالك الحين يالله خلينا نروح لان أتوقع كفاية كذا ومشى قدامها
***************
الجوري صارت تمشي ورآه مقهورة وتقوله اصبر كيف تمشي قدامي وقف أقولك
******************
ركان كان يمشي ومعطيها أشكل مطنشها وكأنه مايسمعها وفي السيارة
ركب وخبط في الباب بعصبيه
****************
الجوري : أنت أكيد مجنون اسمعني بقولك
****************
ركان بعصبيه: اسمعي أنتي احترمي نفسك ولاتطولين لسانك مره ثانيه إنا ماشتغل عندك أبوك هو إلي يعطيني راتب إنا سواق مو خدام لو سمحتي احترمي نفسك ولاتتكلمين ولأكلمة
مالك مني غير اوديك واجيبك مابي اسمع صوتك مره ثانيه
سامعه إنا ولد ناس وعايلة محترمه وانأ يكون في علمك
جامعي ومعاي شهادة ولو ماظروفي كان ماشفتيني هنا استحمل أهانتك
*********************
الجوري هنا حست بالخوف من عصبيته وسكتت ولأكلمة
لأكنها كانت تقول من غير مايسمعها طيب إنا اوريك إنا أخليك تند م على هذا الكلام بتشوف كيف ترفع صوتك على الجوري وبخليك تعرف إنا مين وشو اقدر أسوي
*****************
دخلت البيت ورمت الإغراض في الصالة وطلعت الدرج تبكي لقت أمها في الدرج ضمتها وقالت يمه ألحقيني يمه
*****************
إلام : ضمتها بسم الله عليك يمه وش فيك عسى ماشر
***************
الجوري : ماقدر يمه ماني مصدقه إلي صار إنا قلت لكم مآبي
سواق سعودي لكنكم صممتوا وصارت تبكي بصوت عالي
*****************
إلام : قولي لي وش صار وش سوى تكلمي خوفتيني
****************
تركي : وشو مستحيل انا اشك في نفسي وركان لا أكيد إن بنتك تكذب مستحيل ركان يسوي كذا
******************
إلام : أقولك أختك جت وهي تبكي وكانت منهارة وبالعافية قدرت أسكتها تعال بسرعة هذي سالفة ماينسكت عنها
*****************
تركي : الحين إنا جاي
*************
الأب : تركي هذا إلي تقول لي انه ثقة وأخلاق وأدب
يسوي كذا
***************
تركي : يا بوي إنا متأكد إن الجوري تكذب مستحيل ركان يسوي كذا إنا اعرفه زين
*******************
الام : معقولة أنت تكذب أختك وتصدقه هو
********************
تركي : يمه لأني اعرفه زين عشرت سنين ماهي سنه ولاسنتين والجوري أصلا كانت ماتبيه سواق واعرف دلعها وعيارتها زين
*****************
الاب : الحين تتصل عليه وتقوله يجي ولاتجيب له سيره أو اني هنا والله ياويله مني لو اعرف إن السالفة صدق بنتي الوحيده ويسوي لها كذا ياويله يا سواد ليله لكن إنا معاك أختك دلوعة وممكن أنها تكون بس تتبلا عليه بس كلمه خله يجي
*********************
تركي :يأهلا ركان وش إخبارك أبيك تجي الحين تمرني أبيك ضروري
*********************
ركان : طيب الحين اجيك
***************
ركان جاء وسلم على الأب وتركي
************
الاب : وش إلي سويته لبنتي
*************
ركان : انا وش سويت
*************
تركي : ركان قولي أنت سويت شيء لأختي
*************
راكان : وشو عشان قلت لها إنا ماشتغل عندك ولاترفعين صوتك لأنها تكلمني بطريقه غريبة إحنا انفنا اكون سواق موخدام لها هذا كل إلي صارماتوقعت بصراحة إنكم بتزعلون عشان حاجه تافه زي كذا بصراحة يا عمي لومان ظروفي صعبه وان أبوي محتاج الفلوس كان بصراحة ماقعدت ولا دقيقه وحده لكن ظروفي خلتني اصبر
****************
هنا عرف الأب وتركي إن بنتهم تكذب وإنها سوت كذا عشان انه منعها وإنها ماتبي ركان عشان تأخذ راحتها بروحه والجيه
الأب : صحيح يا ولدي فعلا هي غلطانة وأنت معاك حق بكل إلي قلته ارتاح ياولدي شوي وبنجيك تعال ياتركي أبيك بموضوع
*******************
تركي : سم يبه (أبوي )
**************
الأب : شفت إلي سوته أختك اليوم سوت شيء ما ينتسوى كذبت على نفسها عشان تتخلص منه إنا بصراحة مقدر عليها وعلى دلعها اليوم سوت كذا بكره تجيب لنا مصيبة أختك لازم تتربى وشرايك

ياترى كيف ألطريقه إلي بيربيها فيها أبوها ؟
وهل كذبت الجوري بتعدي على خير أو بتصير دبور وزن على خراب عشه ؟ ايش تتوقعون يصير أتمنى البارت يكون أعجبكم إنا في انتظار ردودكم 00000الماهرات

بااااااااااارت رااااائع انتظر البارت الثالث بفارغ الصبر

روعة
ننتظرك