كسر يكسر يد كل رجال يضرب زوجته

اصعب شي لماتحس الوحده انها ضعيفه وقلبها يضرب بقوه لما يعصب زوجها لانها عارفه يايتكلم كلام وسخ يا يمد يده
لحد يقول اكيد الحرمه ماتعرف لزوجها لا مو هاذ السبب لا لانه نجس اهم شي متعته وبطنه لكن اذ زوجته تعبانه او مريضه او مبتلاه تبشر بدل من رفع المعنويات بتكسير المجاديف
اكثركم ممكن قد قر مواضيعي انا بصراحه خايفه والله من الذنب زوجي ماكان كويس معي لابحمل ولا ولاده ولابنفاس واذ تكلمت هدد ني بالاطفال انا طبعي مو ضعيفه لا مااسكت على حقي لازم اكلم اخوي والا ابوي
بس لما يضربني احس بالانكسار احس اني لاحول لي ولاقوه والله احساس فظيع الله لايجعلكم تجربونه مااحب هالشي فيني ابد
نفسي انه اذ مد يده ربي يعطيني قوه العالم هاذي واكسرها له والله اني احيانن ادعي اماالله يهديه والاياخذه
اربعين يوم نفاس قيصري والله العظيم كلمه حلوه ماسمعت الاشياء اللي بين الزوجين ماشفتها الواحد اذ ولدت زوجته يقبل راسها ويتحمد لها بالسلامه وهالادمي انعزل عني كني مجذومه
والله كانت معي وحده بالغرفه بعد الولاده احسدها لمازوجها بس يسوالف معها تخيلو بس سوالف مشاء الله تبارك الله
وزوجي والله انه يجي ويقعد على الكرسي يايبلع يابالجوال واذ انتهت الزياره تقول اللي جنبي ليش محد زارك اليوم
وش اقول
اللحين بعد ماطلعت من الاربعين حالفه يمين لو اشوفه جنازه ماعبرته لحد يلومني فاقد الشي لايعطيه انسان ماقام بي وان بحاجته ماني ملزومه به
والله العظيم طلبته اعزكم الله سروال طويل لاني ولدت بالبرد وعمليه يبي لي شي واسع قال لي جيبي عشره والله العظيم مااكذب
انا الحمدلله ماني محتاجه اهلي مايقصرون بس الوسخ ذا كلمه تذبح
انا ناويه اخذها من قلبه اذ شفته مريض مااسال فيه والله العظيم مو كاسرني الا بنتي وولدي من اول يهددني ببنتي وهو عارف انها نقطه ضعفي لما جاني اكتئاب النفاس بدل مايشغل لي قران والايجلس معي بدل الوحده يقول لي انتي مريضه مرفوع عنك القلم اخاف تخنقين عيالي لانك تكرهينهم والله مافيه امرض منه فيه احد يقول لنفاس ذالكلام
مره جاتني خالتي ونامت عني بعد ماراحت امي قام يصارخ وجيبي وهاتي ومدري ايش ولمارحت له حذفني بالكاسه دعت عليه خالتي تقول جعله يجيه ولد عجوز مرضعته امه زين يرنه رن لين يعرف ان الله حق بعد يومين تضارب مع واحد بالنادي جاني عينه ورمانه وفي يده ضربه وكل شوي يون منها ولعد راح النادي من الخرشه
خالتي تقول لي مره ثانيه اذ مد ايده عليك قولي فيك خير رح للي ضربك بالنادي والاماتقدر الاعلي صدق الي قال اسد علي وفي الحروب نعامه
طبعا مارح اقول له كذ ا لاني عارفه النتيجه
الله ابيه منكم ياخواتي الي عنها زوج طيب تحافظ عليه وتحمد ربها والله اني استغرب الي تقول وجي يدبل الكبد مو حلو والا زوجي مايسفرني والا لزقه يكفي انه مايتلفظ الفاظ قذره ومحترمك ولايمد يده والي زوجها من اولها خبيث وماتورطت باطفال مالهم ذنب تختارالحريه من البدايه لانه اذ علقتي معه باطفال بتختارين سعادتهم على سعادتك ماابي اكون ممن تخبب امراه على زوجها لا والله
وغير كذ ابيكم تدعون لي الله يقويني ويشفيني ويخليني ويخلي لي عيالي يااااااااارب ويحفظهم من كل سوء
وجزاكم الله خير على سعه صدوركم وتحملكم لي والله حبيت افضفض من زمان مافضفضت