كسكس مغربي ولا أروع ( مسابقة أفضل طبق)

كسكس متوسط
دجاج
خضار : طماطم مطحونة " بطاطس " باذنجان " ملفوف " بصل " جزر " قرع " فلفل حار موية "حمص " ربطة كزبرة وبقدونس
البهارات : زيت زيتون" زنجبيل مطحون مجفف " كركم" فلفل أسود مطحون " ملح " ماجي بقر " ماجي سمن ( ممكن تعوضيهم بماجي دجاج فقط انا جبتهم معي من المغرب) " سمن مغربي .
الطريقة :
احط البصل مقطع طوال و الدجاج والزنجبيل والفلفل الاسود و الملح والكركم والدجاج وزيت زيتون عالنار في قدر الكسكس اغطيه واخلي البصل ينزل شوي وأضيف بعدها الطماطم مطحونة وربطة الكزبرة و البقدونس والحمص (الحمص انقعه ليلة كاملة) .
واغطيها شوي تتسبك بعدها اضيف الخضار القاسية الجزر والملفوف وأطيه بماء ساخن واغطيه .
الكسكس أسقيه بالماء إلى أن يشرب الماء وبعدها افركه بيدي لين يتفكك وأضيف له سويت زيت وارجع ارشه بالماء وأحرك إلى أن يتشرب الماء وأضيفه للقدر حق الكسكس طبعا القدر يجي طبقتين الطبقة الأولى فيها الخضار والثانية فيها الكسكس
بعد ما اشوف البخار طالع من الكسكس أنزله في صحن كبير وارشه بالماء وأضيف له الملح وأشيل الدجاج اذا استوى وأحطه ع جنب وأحط باقي الخضار
وارجع الكسكس نفس الطريقة اذا طلع البخار انزله وارشه بالماء وارجعه اذا طلع البخار انزله وأضيف له سمن مغربي وأحط له الدجاج والخضار والمرق وتحطي صحن من المرقة عشان اللي حاب يزيد .
احنا نقدمه مع اللبن .
أسفة عالاطالة وبالصحة والراحة الأكلة هذه قدمتها لصديقاتي وخلوها كثير وحدة منهم هي اللي كليتو أحس نفسي كأني في المغرب 😍 اتمنى تجربوه اي استفسار انا حاضرة .
وبالعافية 🌸