اول شي حافضي على صلاتك واستعيني بالله واكثري قول لاحول ولا قوة الا بالله

نظمي وقتك نامي بدري واصحي بدري

وزعي شغل البيت كل يوم شغلتين مثلا اليوم غسيل حمامات وتنظيف مطبخ

بكره تمسيح جدران ودرايش ومكيفات

اليوم اللي بعده تنظيف الشفاطات وكنيس البيت وغسيل الملابس

يعني كل اللي يبغالك توزيع الشغل وتعاوني انتي واخت زوجك بالتنظيف وخلي يوم المطبخ عليك والبيت على اخت زوجك واليوم الثاني

تتبادلو على الاقل معاك ناس تساعدك ولا عندك اطفال يحوسون عليك الشغل

وينك اختي طمنينا عنك

كيف حارمينها من الاستقلاليه وهي عايشه حياته وماكأنها معاهم بالبيت وفوق كذا ينظفو من وراها
والبيت مافيه غير الحريم ماظن ترضينها على نفسك وامك تقعدون لحالكم من غير رجال بالبيت اتقي الله قولي خير او اسكتي هي ماشتكت من اهله ولا قالت هادين عليها يكفي يطبخون الاكل ويحسبو حسابها وهي ماتساعد في شي وجزاها الله خير انتبهت على حالها وحست وقدرت صبرهم الله يكثر من امثالها

اختي زوجك ذهب لاتخسرينه لاهو ولا اهله يكفي انهم ماطالبوك بالتنظيف تاركينك على راحتك كمان انتي قدري هالشي وتساعدي معاهم والله يوفقك

السلام عليكم
بغيت اعطيك رايي يمكن يفيدك؛؛
انا من وجهة نظري لا تضغطين على نفسك بالشغل والتنظيف العميق عشان ماتنتكسين بعدين او تنفجرين من كثر الكرف,
يعني نظفي الي تقدرين عليه على خفيف واهم شي غرفتك وحمامك وغسيل الملابس؛؛ والباقي تساعدك فيه اخت زوجك الي هو باقي البيت والمواعين..
وتذكري (قليل دائم خير من كثير منقطع)

الله يخليلك زوجك..

شوفي جبيبتي اول شي ..

الصلاه حلي مشكلتك الاعظم فيها ابدأي عودي نفسك حتى لو توصول انك تقولي لزوجك نبهّني للصلاة وحتى اخت زوجك كل ماشفتيها هي وامها يصلون تعوذي من الشيطااان وقومي فزي واطلبي من الله الهدايه وثبات الطاعه..

المهم راقبي نفسك او خلي احد يذكرك ويوعظك الين قلبك يلين وتبدأين تتعودين على المحافظة عليها,,

ثاني مشكله مشكلة البيت..

ثقي ثقة تامه ان زوجك يحبك وان شاءالله للأبد لكن الخوف من ايش ...

من الانفجار انا خايفة عليك انه يجي اليوم اللي بينفجر فيه وتنصدمين,,


لاتنتظرين ذا اليوم ابد..

وكل يوم قولي لا بقوم بسوي اخاف يتغير اخاف يشوف غيري ..

احيانا تأملي في عيونه وحركاته وكلمي نفسك قولي يافلانه بالله يستاهل اللي اسويه؟

اللهم سخرني له ياقادر ياكريم فأنا أحبه,,

وقومي ابدأي في المكان الليتكونين جالسه فيه دايم حبه حبه..

عودي نفسك انك ماتجلسين معاه الا اقل شي تكون نظيفه المكان اللي يجمعكم ابدأي شغلي شمعه فواحه تنفتح نفسك لاشعوري تبدأين تقولين خليني انظف حمامي فشيله من بعدي يدخل ويشوف شي..

ذكري نفسك في غرفة النوم الحين برتب فراشي اقل شي انفضه والله البكتيريا بتاكل جسمي انا وياه شويه شويه..

بعد ماتطلعين شغلي الاباجورة بخري الغرفه حتى لو تنظيفها موذاك الزود الحين انتي في بدايه انك تهيئين نفسك..

شويه شويه تطمعين تسوين اكثر,,

تنظفين اكثر لان ايش يبدأ زوجك يلاحظ ويبدأ يشيلك بعيونه لماتشوفين استجابة منه والله العظيم راح تحسين براحة وانجاز عظيم,,

وصدقيني طريقة الاستغفار والتسبيح والتكبير قبل النوم شي فضيع ومفعول عظيم تقومين نشيطة ومرتاااحه,,

والله يخليلك اهل زوجك باين عليهم طيبين ولو طلع كلام منا ولامنا متأكدة انك مابتلومينهم لانك في موقف ضعف..

لكن لما تقوين نفسك وتتغلبين على الكسل بتجيك ثقه عمياء وتخرسين ما اللي مايسكت..

الله يوفقك يارب,,