الله يعينك ويعينا جميعا

من جد السهر هذا ماله حل بس الحمدلله ماتعدا الساعه 12 انا قبل ياذن الظهر اصحي والي عنده اطفال مافيه وقت يكسل

الحمد لله انتي معاك شغالة
الله يعينا بس اللي قاهرني عنايتي بنفسي ماعاد سويت اي شي لشعري و لا وجهي

هلا ام السعد نصيحة من اوخيتك اول شي خلي عنك السهر لأجل شي مهم وهو المحافظة على وقت صلاة الفجر ثم عشان صحتك ثانيا نامي مثلا على 12 واصحي صلي واذكري ربك واقري قران بعدين افطري ثم نظفي منزلك وافتحي الشبابيك وبخري بيتك كل جمعة بعد التنظيف تروشي وتضبطي ثم سوي لكم قهوة اجلسي على ألنت الظهر سوي غداك بعدين قيلي واصحي العصر بتلقين الشغل خفيف اذا نظمتي جدولك زيتي شعرك مرتين في الأسبوع عشان ينعم ولايخترب فرشي اسنانك يوميا تفركي بالليفة اذا جيتي تنامين حطي كريم على يديك وارجولك ووجهك وحطي  على شفايفك فازلين يرطبها وعلى فكرة استخدمي فلاش للحمامات كل أسبوع يخليها بيضاء ويطلع الريحة حلوة بس حطي عليك كمام عشان مايكتمك اغسلي سجادتك وشرشفك كل جمعة وبخريها واهم شي حافظي  على اذكارك على نفسك وعلى عيالك وعلى بيتك هذا اللي الله قدرني عليه أفيدك به تكفين ادعي لي و لخواتي بالشفاء أتمنى لك التوفيق 
نصيحتي كوني دائماً مبتسمة 

ضموووني معاكم ، انا والله كنت منظمة شغل البيت وكل يوم انظف شي بس صارلي فترة مررة كسل وماعاد لي مزاج لشغل البيت ابد مجرد تنظيفات بسيطة من كنس وسيراميك والطبخ اكرهه بس لابد منه ، عنايتي بنفسي قلييييلة جدا برضو من الكسل صايرة ادف نفسي عالشغل الله يعين ،
انا احس الروتين اليومي يجيب الملل وشغل شغل شغل شي يطفش ودي اجدد شي بيومي مالقيت
عندي ولد وبنت يدرسون بيتي دور ونص
موكبير مرة وماعندي شغالة ومابيها
بس ودي اجيب شغالة مرة كل اسبوعين او مرتين ، زوجي دوامه من ثمان الى اربع ونص العصر
مادري ايش اغير وايش اسوي عشان اجدد نظام يومي واعدل مزاجي واتحمس لشغل البيت
وللحديث بقية .....