كشخة ،،، كشخة ،،،

السلام عليكم أخواتي ..

ما أدري بصراحة وين أحط الموضوع ... قلت يمكن هنا أنسب مكان

يا بنات حواء يا حلوات وكشخات ودي أصير كشخة :27: مثل هالناس اللي يكشخون دائماً سواءً كانت مناسبة كبيرة أو صغيرة الشنكة مثل الجزمة مثل الربطة مثل الإكسسوار مثل المناكير مثل الروج يعني تجيك الحرمة كلها لون واحد ..

أنا من النوع اللي دائماً بسيطة بس منب كشخة يعني يمكن أمشي نفسي بأي جزمة بأي شنطة أهم شئ عندي

ما تكون الجزمة مبهذلة والشنطة مكروفة لالالالالا ..

يعني بصريح العبارة أحياناً أروح من غير أكسسوار بس خاتم وساعة .. ومكياجي بسيط جداً لدرجة أني أحياناً أنسى أحط الأساس ..
:(
يعني روج أو قلوس مسكرة وكحل عيون داخلي ..

شعري :05: متعب مرررررررة يعني يا مربوط لأنه كيرلي من الدرجة الصعبة جداً كنك ماسكة طريق الهدا .. وإذا استشروت شوي وطار كني متشاوهة مع أحد .. :3_2_21v:

يعني إذا شفت اللي أكبر مني أقول ما شاء الله عليهم حريصين مرررررررة على مظهرهم ومهتمين ..

المشكلة أني ما تعديت العشرينات .. إذا دخلت الثلاثين وش بسوي يمكن بطق المنيخل :55: وألبس كرته وأحط روج أحمر :33: