شخبااااااااركم اخووواتي
انا احب الكشرررري واجد يمي
بس اللي ماحبه فيه طعم البصل المحمر فاقلت لازم استبدله بشي
وجت ببالي اسوي لي هالطرريقه و صارت لذيذه
وعجبتني و كل ماشتهيت الكشري سويتها
نبدأ بسم الله
الكمية على حسب عدد الاشخاص
المقادير :
عدس اسود
رز بشاور <<< عندي الذ من الرز المصري
مكرونه نفس اللي بالطبق حجم صغير او الدواير الصغيره
بطاطس يقطع نص حلقات او اصغر بشوويه وماتكون عريضه كثير
كوسه تقطع قطع صغيره << يمكن الاستغناء عنها
مع بعض ( 2 فص ثوم مفروم + فلفل رومي اخضر قطع صغيره مقدار ملعقه
صغيره + جزر مبشور مقدار ملعقه صغيره )
نص ملعقه صغيره بهارات مشكله
ملعقه ونص صغيره كمون ( سنوت )
ملح
...........
اما مقادير الدقوس الحار نضعهم بالخلاط :
حبة طماطم
1 فلفل احمر حار
بقدونس مقدار ملعقه صغيره
فلفل رومي اخضر مقدار ملعقه صغيره
عصير ليمونه مقدار ملعقه صغيره
ونخلطهم وسط مو تصير سايله
هذا شكله النهائي
اما طريقة الكشري :
نسلق العدس الاسود لحاله
المكرونه نسلقها لحالها نضع بموية سلقها ملح + شوية زيت
الرز نسلقه لحاله ونضعه بموية سلقه ( حبة مسمار ( قرنفل ) + حبة هيل +
عود دارسين ( قرفه ) + شوية زيت )
وبعد مايستوي نشيل بهارات الحب من الرز
وكل اللي سلقناهم نضعهم مع بعض ونقلبهم
ونخليهم على جنب لوقت تحضير البطاطس والكوسه
هذا شكلهم
هناا الجديد في طريقتي بالكشرري :
ناخذ قدر ونضع ملعقه كبيره زيت زيتون
ونحط معه حبة قرنفل و حبة دارسين وحبة هيل عشان تعطي طعم بس ونشيلهم
ثم نحط البطاطس والكوسه
ملاحظه : ( وقت وضع البطاطس والكوسه انتبهي لايكون الزيت حامي
او هم فيهم موويه عشان مايتناثر الزيت عليك )
ونخليهم على نار متوسطه وكل مامرت دقيقتين قلبي فيهم
لين تشووفينهم تحمروو خفيف قلبي
ثم حطي عليهم موويه بمستوى البطاطس
نفس الصوره وخليهم على نار اقل من متوسطه
والغطاء يكون مفتوح شويه لين تنشف المويه
وقتها شوفي البطاطس اذا استوى او لا
اذا تووه قصرري على النار او زيدي شوية مويه
اذا استوى حطي عليهم ( الثوم والفلفل الرومي والجزر )
وحطي بعدها البهارات المشكله والكمون والملح
وقلبي وخليه على نار هاديه دقيقتين
اذا شفتيهم ناشفين حطي شويه زيت زيتون
ثم حطي عليه الرز والعدس والمكرونه وقلبيهم مع بعض
وبالعافيه
يتبع اخواتي
ملاحظه : بأمكانك اضافة البليله ( الحمص ) مع البطاطس
بس ماكان عندي وما أضفته يعطي طعم لذيذ
ولو بغيتي الكشري يكون طبقات مو مخلوطين مع بعض عادي
والثوم مزين الطعم مع البطاطس اذا شلتيه بتغير الطعم
ماتوقع بيجي لذيذ
هذا الشكل النهائي
آسفه اخواتي مدري ليه الخط كذا حوسه وبينهم مسافات طويله
مو راضي يتعدل معي السمووحه
اتمنى ان ينال على اعجابكم
ربي يسعدكم