كشري قصيمية جديده عنيده

قصيميه جديده عنيده :

وسعولي انا جيت ياله نبدء بالكشري بس معلش اعذوروني لان الولاد جم من المدرسه هما وباباهم وكانوا جعانين وانا كالعاده لسه ما خلصتش الاكل فكنت بعمل بسرعه ومش عارفه بصور ايه وما بصورش ايه بس ححاول اعوض بالشرح نبدء بسم الله المقادير : وطبعا حنحتاج ملح وفلفل وكمون وكاري وشطه حراقه نبدء بالطريقه : اول حاجه نغسل العدس ونحطه عليه ميه ونحطه يتسلق علي النار ونسيبه لحد ما يستوي بس ما يتهريش تبق الحبه استوت من جوه بس لسه شكلها زي ما هو ودي صورة العدس بعد السلق نقطع البصله شرائح ونضعه في حله ونضع عليه الزيت والسمن ونقلبه باستمرار حتي يصير لونه ذهبيا بعد ذلك نرفع البصل من الزيت او بالمصري ننشلوا من الزيت كويس نرفعوا بنفس الطريقه الي بالصوره علشان يكون متصفي من الزيت كويس ومقرمش بعد كده بناخد شويه من الزيت الي بالحله ونفضيهم في طبق صغير علشان حنحتاجه بعد كده في عمل الصلصه او الصوص بتاع الكشري وكمان حنحط منه شويه علي المكرونه بعد السلق وحنسيب في الحله باقي الزيت حنحط في الحله فوق الزيت ثلاث كوب من الماء ونضعهم علي النار ونضع عليه الملح والفلفل والكمون والكاري ونتركه حتي يغلي بعد الغليان نحط عليه الرز لوحده ونسيبه يغلي لما يقرب يخلص الميه بتاعه ونهدي عليه النار نحط معاه العدس ونقلبه كويس ونسيبهم يستوا مع بعض علي نار هاديه معلش الخطوه دي نسيت اصورها نسلق المكرونه في ماء مغلي وملح بعد السلق بنصفيها ونضع عليها ملعقه او ملعقتين زيت وشوية كمون وفلفل وكاري ونقلبهم كويس بتكون المكرونه كده مفلفله وما تلزقش والبهارات بتديها طعم جميل مع الزيت لان الزيت اصلا مكان البصل المتحمر فطعمه حلو المهم ما اطولش عليكوا وده الشكل النهائي بس معلش مستعجله فالشكل مش طالع ذي ما كنت عايزه بس طعهمه بيكون جميل واي استفسار انا موجوده

وسعولي انا جيت ياله نبدء بالكشري بس معلش اعذوروني لان الولاد جم من المدرسه هما وباباهم...