كشري ماهو زي الكشري العادي لذيذ جدا

صبحكم الله بالخير يابنات اللي قايمه اليوم وماهي عارفه وش تسوي
غداء تلحقني على المطبخ جايبه لكم كشري بس ماهو زي الكشري
المصري اسهل منه بس يارب يعجبكم.
:02: اربطو شعركم وعلى المطبخ ياطبخات:cook:

الطريقه -
الكميه اللي تحطينها حسب تقديرك انتي الرز يكون هو الكثير وبعدين العدس
يكون اقل من الرز والشعيريه تكون زي العدس اقل من الرز .انقعي الرز
وجيبي العدس البرتقالي ماهو الاخضر وغسليه ونقعيه.
قطعي الدجاجه وكشنيها عادي مع البصل وحطي عليها شوي كمون مطحون
وبهار حب ( هيل وقرفه ومسمار) حطي عليها ماء وتركيها حتى تنضج
بهذا الوقت:time: تكوني مقطعه فصين بصل وكشنيهم مع شوي زبده
اوسمن في قدر صغير وحطي عليهم ليمون اسود مطحون وهيل مطحون
وشوي بهار مطحونوخليهم على جنب .
جيبى الشعيريه اللي تقدرين انها تكفي بحيث انها تغطي الطبقه اللي تحتها
وتكون كميتها حسب رغبتك انتي المهم كسريها وحطي في قدر كميه من
الزيت وحمريها حتى يصبح لونها بني فاتح طفي النار وحطي عليها ماء
ونتبهى على يدك وخليها على جنب .
تكون الدجاجه استاوت طلعيها من الماء وزيدي على ماء الدجاج زيت
وحبه ماجي وشوي ماء بعدين جيبي الصينيه اللي بتدخلينها الفرن
ممكن تستعملين حله القرصان او بيركس تكون عميقه تشخلين الرز
وتحطينه بالصينيه تواسينه وترشين عليه من كشنة البصل اللي حطينها
علي جنب بعدين تغرفين عليه من ماء الدجاج حتى يتغطاء بعدين
تشخلين العدس وتحطينه فوق الرز تواسينه وترشي كشنه البصل
وتصبي من ماء الدجاج حتى يتغطاء العدس وتصفي الشعيريه
وتحطينها فوق العدس وتواسينها حتى يتغطى العدس وما يبين من
تحتها وترشي كشنه بصل وتغطيها بماء الدجاج حتي يرتفع الماء
ثنين اوثلاثه اصابع يعني يغطيها ويرتفع شوي قصدري الصينيه
ودخليها الفرن لمده ساعه اوساعه الاربع دخلي الملعقه وشوفي
من تحت كنها ناضجه سكري الفرن وحمري الدجاج وكولي

طولت عليكم بس هذي الطريقه بالتفصيل اتمنى انها تعجبكم
وبالعافيه:23: