اهلا يابنات ان شاء الله الكل بخير
الطبخه المره دي جونااااااااااااااااااااااان
الكشري المصري حبيب الملايين
جربوه وهتدعولي
وكمان معاه اسرار الصنعه
طيب يالا نبدأ الطبخ
ايه رأيكم تشوفو صورة الطبق الاول
من غير مقادير كله حسب مايحب
اوكي
الاول بسلق مكرونه نوعين نص كيس اسباجيتي ومعاه نص كيس مكرونه صغيره
وبعدين اشطفها بالمايه واحطلها رشة زيت زتون عشان ماتلزقش
ونسيبها علي جنب
نعمل الرز
نسلق عدس بجبه ألي هو الاسود نسلقه نص سلق
ونحط حله علي النار وزيت ذره وشعريه ولما الشعريه تحمر نكون غاسلين رز مصري نضيفه علي الشعريه ونقلب كتير لحد ماالرز يسخن كويس (يتفلفل )
نضيف العدس والمايه ( لكل كوب رز كوبين ماء)
ونظبط الملح وكمون ونغطي عليه ولما يغلي نهدي النار خالص
التكه دي واخداها من ريهام (ورده مفتحه )
أني اجيب بصله واقطعها وادعكها بملح وفلفل وكمون
بالشكل ده
واحمرها بمعلقة زيت ولما الرز يستوي اطشه بيها واقلب تقليبتين واطفي
وده الشكل بتاعه
نعمل الصلصه
بصل متقطع وزيت علي النار ولما البصل يصفر نضيف توم مفروم لحد ما يحمر نحط معلقة خل كبيره ونستني دقيقتين وبعدين طماطم معصوره وصلصه وملح وفلفل وكمون ورشة بهارات
ونجيب شوية حمص مسلوق ونرميهم فيها
( انا علي طول سالقه حمص في الفريزر)
ولما تتسبك نطفي
يتبع
نقطع بصل جوانح ونقلبه في مصفه سلك بالدقيق
ونحمره في الزيت ونصفيه
فاضل الدقه
خل ومايه وكمون وتوم مفروم ونقلبهم كويس وبس
ونغرف المكرونه وعليها الرز وعليها الصلصه واخر حاجه التقليه
وممكن نزود شطه ودقه حسب الطلب
وده شكل الطبق
وبالف عافيه يارب يعجبكم
وماتنسونيش بدعوه من القلب لي ولزوجي واولادي