كشف الدكتورة باليد لعنق الرحم في أول الحمل.....فيه خطورة؟

ليه تشوف طوله؟ والله انا فحملي ماسوت معي كذا.. يعني اذا كان حملك طبيعي-اقصد بدون علاجات- فماله داعي..
بس اللي اعرفه انه ممكن يسبب نزول دم معك..

طيب ممكن تسوي عليك اشعة صوتيه يبين معاها كل شيء

الكشف عن طول عنق الرحم ما اعرف عنه بس هم ياخذوا عينه من عنق الرحم ويشوفوا اذا فيه بكتيريا تسبب الاجهاض ام لا

وما فيه خطوره الدكاتره ادرى بشغلهم ولو فيه خطورة ما طلبته منك

الله يتمم لك حملك على خير:26:

أنا أجهضت في الشهر الخامس وقالت لي الدكتورة عنق الرحم قصير بعد ما

عملت أشعة صوتية وراح تكشف علي أول ما أحمل

أنا متخوفه من هذا الكشف كيف تدخل يدها والرحم مقفول أخاف يسبب سقوط الجنين

أو أي ضرر ثاني

دعواتكم بالذرية الصالحة

هلا
شوفي عزيزتي الدكتورة تستخدم جهاز معين للكشف الداخلي و هي في المرتين الي حملت فيها كشفت علي فيه و قالت لي ان هالجزء بس الي يدخل منه و انه ما يسبب مشاكل و ان ببداية الحمل لازم تتأكد ان الحمل موخارج الرحم ..خاصة و انا كان عندي نزيف خفيف مستمر ما يوقف بحبوب التثبيت ...
و مرة طبيبه كشفت علي و انا مسقطة و بايدها وقالت لي انا بادخل هالأصبع و انه لا يعتبر شيء؟؟؟؟

بالنسبة لي لو حملت مرة ثالثة ما باخليها تكشف علي من داخل الا للضرورة القصوى ..لأنه يخدم بعض الحالات وانا اشوف انها لو كشفت عليج بتتفادى بعض المشاكل
و الله المستعان

ان شاءالله مافيه خطورة

ولازم تتاكد من طول عنق الرحم علشان اذا قصير تسويلك عملية ربط لعنق الرحم في الشهر الثالث