كيفكم إن شاء الله بخير
اليوم مسويه لكم كشك بالعدس
طريقته سهله وطعمه لذيذ جداً
المقادير مع الطريقه
......................
اول شي نخلط
علبتين زبادي مع 5 ملاعق دقيق بالمضرب اليدوي
ونغطيهم و نخليهم ساعتين قبل الطبخ
عشان يبين طعمها
....................
نفرم بصله مع 3 فصوص ثوم
ونحطهم عالنار مع شوي زيت ونقلب
نضيف دجاج مقطع قبل مايحمر البصل عشان
نحافظ على لون الشوربه ونقلب
نضيف تقريبا 6 كاسات ماء ساخن
ويضاف الملح والفلفل الاسود ونضيف تقريبا نصف كوب عدس اخضر بعد مانغسله ونصفيه
نتركه على نار هاديه ربع ساعه ثم نضيف الزبادي والطحين
كما في الصوره
ونخليه يغلي مع التحريك حتى لايلتصق ونهدي النار
وانتبهو كل شوي نحرك
ثم نضيف حبتين طماطم مقطع صغير
وشوي شعيريه مكسرينها صغيره
و نخليهم عالنار 10 دقايق ثم
نطفيء النار
ولما نقدمه نرش على وجهه كزبره خضرا مفرومه او شبت
وعليكم بالعافيه ولازم تطبقونها وتردون لي
