اليوم سويتلكم اكلة عجيبة غريبة!
وايد عيبت اهلي وسهلة وايد وايد
وكل المكونات موجودة بالبيت!
وشكلها يشهي!
المقادير:
2 تونة (تقدرين الاستغناء عنها واستخدام الدجاج مع البهارات)
2شرائح جبن شيدر
2 لبنة
زيتون اسود
ذرة
كيس توست
الطريقة:
تجهزين التونة وتطبخينها بالنار وتحطين ملح والبهارات وتضيفين ملعقتين ذرة وملعقتين زيتون اسود وتبندين النار وتحطين ملعقة مايونيز!
والطريقة بتكون بالصور تابعونا بالصور ----> تطورت وخليتها بالصور هههه
الافضل استخدام الدجاج بس انا سويت التونة لسرعه الانتهاء من استوائه
هذي صورة المكونات
استخدمت نوعين من اللبنة وحده بينار والثانية طعمها حلو فيها حب اسود داخلها ما اعرف شو اسمها الوالده اشترتها تقدرين تستخدمين نوع واحد من اللبنة!
تحطين 2 توست عدال بعض وتدهنينهن باللبنة وتحطين فوقها الحشوة بعدين تغطينها بالتوست مرة ثانية
هنيه توزعين الذرة والزيتون الاسود بعد ما تحطين طبقه لبنة
وبعدين تحطين توست مرة وتدهنينها باللبنة وتحطين شرائح الجبن وبعدين تغطينها بتوست مرة ثانية
وبعدين تحطين لبنة وتحطين الحشوة مرة ثانية وتحطين توست!
سويت 5 طبقات
بعدين تغطينها باللبنة كلها
وتيبين كيس كريمة وتحطين اللبنة وتزينين على كيفج انا سويت حركة الشخابيط طلعت روعه
كما مبينة بالصورة
زينها من فوق بزيتون اسود
الصورة النهائية:
وبعد ما شافوها اهلي قالوا شو مسوية كيك بالعشا قلتلهم انتوا اكلوها وشوفوا يوم كلوها تخبلو عليها
هذي صورة قطعه وحده ومن داخلها الحشوة كلها
شو رايكم؟
عطوني رايكم لاني بزعل محد برد علي!!
ماشاء الله اختي فديت علاوي
حلوة مرررررررة
ذكرتيني انا سويت وحدة من زمان
شفتها بكتاب رابحة ونفس الشي عجبت اهلي وكنت مبسوطة
ولا صدقت نفسي
راح اجرب حقتك باذن الله ونفس حجمها
تسلم يدك على الأطباق اللي دائم رائعة
مشكورة عيوني