كعكة نسكافي سهلة وبتشهي

هاي وصفة لكعكة النسكافي تعلمتها من صاحبتي وكتير عجبتني وأكيد رح تحبوها...:32:
المقادير:
بسكوت شاي
نسكافي سادة
دريم ويب (كريما)
علبة قيمر (قشطة)
سكر
لوز

الطريقة:
بنحط كوب سكر مع حفنة لوز على النار وبنذوبهم حتى يصير لون السكر ذهبي وبسرعة بنحطه على ورق قصدير لبيرد
بنخلط الدريم ويب متل ما هو مكتوب بالتعليمات وبس تجهز بنضيف علبة قيمر وبنخلطها بالخلاط وبنتركها بالثلاجة شوي
بنحضر ماء ساخن وبنحط فيها معلقتين نسكافي وبنحركها على النار دقيقتين وبنسيبها لتبرد شوي (تفتر)
بنغطس البسكوت بالنسكافي بسرعة بحيث ما يطرى البسكوت كتير وبنصفه بالبايركس وهاي بتكون أول طبقة
تاني طبقة بنحط الكريما إلي جهزناها
وبعدين بنحط طبقة بسكوت مغطس بالنسكافي
وبنرجع نحط طبقة كريما
وأخيرا بنكسر(بنطحن) السكر واللوز وبنرشه على الوش وبنحط الكعكة بالثلاجة... :cook:
صحة وعافية