مرحبا شخباركم عساكم بصحه وعافيه
اليوم جايبه لكن معي
كعك بعجينة البف باستري
يالله نجهز العجينه
المقادير:
4 أكواب طحين منخول (ضروري ينخل الطحين عشان يطلع خفيف)
قليل جداً من الخميره الفوريه
ملعقة صغيرة ملح
2/1 1 كوب ماء بارد
نحط المقادير في العجانة، أو نعجنها باليد... و إذا احتاجت ماي نزيد لها شوي...
مهم: العجينة لازم تكون متماسكة و صلبة شوي... يعني ما تكون لينة و تتلزق باليد مثل عجينة الفطاير...
نعجنها على الكاونتر باليد بالضغط عليها لين تصير ملساء... نرش الكاونتر بالطحين و نحطها بالنص... الحين نبدأ خطوات صنع العجينة...
1) نجيب سكين حادة و نشقها بشكل زائد، مثل الصورة...
مثل ما انتوا شايفين، العجينة صارت مقسمة لأربع أقسام...
2) الحين نمسك كل قسم، من الزاوية اللي فوق و نسحبه لبرا... يعني نفتح العجينة... في الأخير بيصير عندنا شكل النجمة... طبعاً الشكل بيكون ملخبط، لأننا مدينا العجينة بيدنا...
صار عندنا أربع زوائد، مثل ما هو واضح في الصورة...
3) نجيب النشابة، و نبعد عن النص شوي، و نبدا نفرد الزوائد... يعني بيصير عندنا شكل زائد كبير... في النص بتكون العجينة سميكة، و الأطراف اللي فردناها بتكون أقل سماكة.
4) نجيب نص باكت من الزبده الي في الثلاجة، و نحطها في منتصف العجينة... اللي هو
الجزء الأسمك في العجينة...
5) نمسك الأطراف واحد واحد، و نبدأ نطويها على الزبدة، يعنيي كأننا نغلف هدية... لازم تكون قطعة الزبدة مغطية بالكامل، يعني نحاول بحذر نمد العجين بيدنا عشان نقدر نغطي قطعة الزبدة، بحيث نتجنب تسرب الزبدة من العجينة أثناء ما نرقها... نشوف الصور...
6) الحين باستخدام النشابة، نبدأ نضرب العجينة بخفة عشان نحاول نرقق قطعة الزبدة اللي داخل... طريقة الضرب بتكون بالعرض... مرة بشكل زائد، و مرة بشكل ضرب... بتشوفون بالصورة شكل الضرب و الزائد واضح عليها...
إذا حسيتوا إن في إرتفاع في جهة أكثر من جهة تقدرون تضربونها بالنشابة عشان تتساوى بشكل خفيف...
7) نبدأ الحين نرق العجينة لكن بحذر... و ما ننسى نرش الطحين تحت العجينة عشان ما تلزق و تتمزق.. و إذا تسربت الزبدة من جهة، رشوا على مكان التسرب شوية طحين عشان يتغطى...
نفرد العجينة بشكل مستطيل تقريباً بطول ذراع... و نحاول إن سمك العجينة يكون متساوي من جميع الجهات...
و نشوف واضح في الصورة إن العجينة سميكة، و الزبدة مبينة في النص..
8) طبعاً مثل ما انتوا عارفين، عجينة البف تتكون من طبقات كثيرة... هذي الطبقات عبارة عن طبقة رقيقة من العجين و طبقة رقيقة من الزبدة...
و السر كله في طوي العجينة... يعني نطويها و نرقها و نرجع نطويها و نرقها مرة ثانية... و عدد مرات طوي العجينة المثالي هو 6 مرات... لكن اللي حاب يزيد، ما في مشكلة...
9) قبل اللف، لازم ننفض عنها الطحين الزايد بفرشاة المطبخ... و بعد ما نلفها، نسوي عليها علامة بالضغط عليها بإصبعنا ضغطة وحدة، عشان نعرف إن هذي أول لفة للعجينة... و نغلفها بورق نايلون و ندخلها الثلاجة لمدة 20 دقيقة... واضح في الصورة مكان ضغطة إصبعي...
بليييييز لا حدا ترد
نرجع نفردها مرة ثانية بشكل مستطيل، لكن أطول بشوي من المرة الأولى... و ما ننسى نرش الطحين تحتها عشان ما تلزق...
11) الحين نطويها للمرة الثانية (و ما ننسى بعد ننفض الطحين الزايد عن العجينة قبل الطوي)، و بوريكم هنا الطريقة الثانية لطوي العجينة...
الطريقة الثانية: هنا الطوي بيصير بشكل أرباع... أول شي نطوي الطرفين على داخل (يعني تقريباً ربع مقاس العجينة من كل طرف) و لازم نترك بينهم مسافة في النص،
بعدين نطبق الأطراف اللي طويناها على بعض بالنص، و بتشوفون كيف صار عندنا أربع طبقات...
و أنا سويت عليها علامة مرة ثانية بالضغط عليها، الحين نضغط بإصبعين (مبينة فوق)، عشان نعرف إن هذي هي اللفة الثانية... نلفها بورق نايلون و نبردها لمدة 20 دقيقة مرة ثانية...
12) نكرر عملية الفرد و الطوي لين نوصل للمرة السادسة، و هي آخر مرة ( و طبعاً كل مرة نضغط عليها بأصابعنا بعدد الطويات عشان نعرف كم مرة طويناها، و كل مرة ننفض الطحين الزايد عنها)... بعدين نلفها بورق نايلون و نخليها ترتاح بالثلاجة لين اليوم الثاني...
هالخطوات بشكل عام، بتاخذ منكم تقريباً 4 ساعات...
13) نجي الحين لآخر خطوة و هي الشغل النهائي عالعجينة... يعني إستخدامها حسب رغبتكم...
إذا كان عندكم مكان كبير للشغل، تقدرون تفردونها كلها مرة وحدة، و إذا ما عندكم مكان، تقدرون تقسمونها نصين، و تشتغلون على كل قسم لحاله...
هذي صورة العجينة بعد ما طلعتها من الثلاجة...بتكون انتفخت شوي
وبتمديها وبتعملي منها الأشكال الي تحبيهاوبتمسحيها بصفار البيض
وقليل من الحليب
هذه أحد الأشكال
وبعد مانطلعها من الفرن نحطها في صحن التقديم مع شاهي بالحليب
أتفضلوا
وبإمكانك ترشيها سكر بودره
وتحياتي لكن أختكن جنات اليمن