أم دحومي الحلو :

هلا بك وياك ياقلبي والله أشوف من خلال التجارب اللي مريت فيها ان التعامل بطبيعتك وببساطة هو أسلم طريق مع الحذر المحمود طبعاً أكثر شيء يوهق ويخرب العلاقات الميانة الزاااايدة والسماح للغير انهم يتدخلون في حياتك الخاصة وأمور زوجك أو انهم يحاسبونك على طلعاتك وتمشياتك أكيد هالنوعيات نادرة الحمدلله بس لو حصل وقابلتي مثلهم أنصحك تخففين العلاقة أو تقللين السواليف مو إساءة ظن فيهم لا والله .. بس ترا الفراغ يذبح .. و بعض الحريم ماعندهم سواليف فيلهون أنفسهم بسواليف الناس يعني لا تقطعين العلاقة تماماً ان ما أعجبك منهم صفة أكيد بتلقين صفة ثانية تعجبك خصوصاً لو كان مالك غيرهم << مصلحجية :35: زوجات أصدقاء زوجك مع الوقت بتعرفين من اللي تستاهل تكون صديقة مقربة ومن اللي الأفضل تكون علاقتك فيها سطحية بس مبدئياً أفضل لك ماتجيبين طاري زوجك ودراسته أو شغله .. لأن بعض الحريم ينقلون ويزيدون الكلام وتخربين على زوجك بدون ماتدرين الحمل والولادة والله أنا تجاربي كانت صعبة وتمرمطت لأن وحمي شديد والولادة ماجربتها في بريطانيا لكن ممكن تسألين البنات اللي معك يمكن يكون عندهم خبرة في لندن أما أسواقهم .. سالفة ثانية .. :) أنصحك استغلي التخفيضات والعروض .. فرصة أنت في لندن .. أحلى بلد في التسوق كل فترة اشتري شيء حلو وجمعي لك أذكر إذا جيت برجع زيارة أبدأ أشتري قبل بشهر أو شهرين وهذا أكبر غلط لأني أصير أشتري لي ولعيالي غير الهدايا تصير متعبة مرة وماتشترين على راحتك لكن فرق لما تشترين وأنت راااايقة أنت تابعي التخفيضات ومواسمها .. زي الحين عيد الأم حقهم قريب على كلام البنات في التجمع فراح يسوون تخفيضات بس خفيفة وقيسي على كذا كل عيد أو مناسبة يسوون عروض وإجازة الإيستر قربت ونفس الشيء فيها تخفيضات .. والتخفيضات الأقوى في الصيف والكرسمس أعمار عيالي الله يصلحهم ويحفظهم ويقبل مادعيتي لهم ويرزقك بالمثل .. عبدالرحمن 8 سنوات، سارة 4 ، محمد بيكمل سنتين ان شاء الله لا بالعكس ماثقلتي علي .. حياك :)

هلا بك وياك ياقلبي والله أشوف من خلال التجارب اللي مريت فيها ان التعامل بطبيعتك وببساطة هو أسلم...