كوبونات الراقية تسجيل الدخول

The first Queen
The first Queen •
عين القمر نجلاء عين القمر نجلاء :
آأإآأإآأإووووووووو كــــــــوين بالكرسي وانا ماعرفت خخخخخخخخ جايتك بالأسئله *_* تكلمي بإيجاز لنا عن شخصيتك ..؟؟؟ وإيش الأشياء الإيجابيه اللي تغيرت فيك بالغربه يعني بمعنى آآآخـــــــر كوين قبل الغربه وبعدهــــــآآآ ..
آأإآأإآأإووووووووو كــــــــوين بالكرسي وانا ماعرفت خخخخخخخخ جايتك بالأسئله *_* تكلمي بإيجاز...
هههههههههههههه ياحبيلك

-شخصيتي بايجاز امممم سؤال مره عايم! ,, صريحه وبارده :hahaha: مااحب التميلح ومااحب اني ادعي المثاليه اقدر الصداقه مره لكن ماادخل بقوه بالناس ,,في الغالب غير اجتماعيه يعني بيتوتيه :27: ..يغلب علي الخجل في اكثر الامور وهاديه جدااااا ,, اعامل الاشخاص لذاتهم مااحب افكر لاي مدينه ينتمي والا لاي مذهب ينتمي والا لاي دين ينتمي,, سلبياتي اني بصراحه ماانسى الجرح بسهوله :35: واكبر سلبيه عندي برود الاعصاب لدرجه ممكن تثير الشخص اللي قدامي لاني يكون مره مطرطع وانا ابتسم واجاوب بهدوء! يعني بالعربي انرفز :hahaha: وبيني وبينك انا اعتبرها ميزه,, اذا فيني نوم اخلاقي تخرب :35:

- الاشياء الايجابيه اللي اكتسبتها من الغربه صرت اعتمد على الله ثم نفسي في كثير من الامور بعد ماكنت اتكاليه جدا :35:
الثقه بالنفس صارت عندي والحمدلله عاليه
صارت عندي جرأه اكثر في طرح رأيي
صرت اصرف باعتدال بعد ماكنت جداااااااااا مسرفه :35:
اني مااعطي الناس اهتمام كثير من ناحيه اني اسوي اللي يريحني يعني العب مع ولدي وماعلي بالناس :04:
هذا ابرز شي واكثر شي اتذكره

ارجعي كملي اسئله هههههههههه
The first Queen
The first Queen •
الأم الحنونة ل الأم الحنونة ل :
إتفضلي حبيبتي إجلسي وبما أنه برد في كندا دفي نفسك كمان أسئلتي إحم إحم إحم لاحضت في كتير ردود لكي إنك دايما متخده الجهه الناقده للشرق هل هذا بحكم التجربه أو أنك لما كنتي في السعوديه كنتي تقولي يارب متى أطلع هل أنتي مؤيده لحقوق المرأه المطالب بها في دولنا لو أعطيتي منصب الرئيس في دوله عربيه فأي دوله تختارين ثم ماهي أول قراراتك
إتفضلي حبيبتي إجلسي وبما أنه برد في كندا دفي نفسك كمان أسئلتي إحم إحم إحم لاحضت في كتير ردود...
هههههههههههه اخاف مااقوم من الكرسي
تسلمين على الكرسي المريح والنار الدافيه

-انقد الشرق لان الغرب مايهمني! فانا مااحب انقد لاني بس ابغى انقد انا ابغى انقد لاني ابغى الخطوه اللي بعدها وهي الاصلاح فلو نقدت الغرب ايش راح استفيد؟! ماراح يقدم ولا يأخر نقدي بس تضييع وقت على الفاضي لكن لو نقدت الشرق فانا منه وفيه ودمي شرقي والحمدلله فراح اطلب الخطوه اللي بعدها الاصلاح لاني راح اعيش معهم وبينهم وتهمني مصلحتهم
بصراحه كنت اتمنى اطلع من السعوديه لاني احب الاغتراب واحب تجربه الاشياء الجديده ومخالطه الثقافات الاخرى واتمنى اني اعيش بينهم لفتره مو مجرد سفره اسبوعين وراجعه لا اتمنى اني اجلس سنوات واشوف الشي بنفسي

- مااغبي عليك اني دخلت لمجموعات المطالبين بحقوق المرأه واطلعت على مطالبهم وطلعت لانها ماتناسبني لان في من النقاط شي شاطح زياده عن اللزوم وفيه انحلال لكن انا ماارغب بالشي هذا ابدا اتمنى المرأه تاخذ حقوقها لكن ارفض انحلالها من العفه والتخبط في بحور الرذيله

- هههههههههههههه بصراحه لو اعطيت المنصب لرفضت :35: فمنصب الرئاسه اكبر مني وفيه امانه ناس كثير معلقه في رقبتي راح يسألني ربي عنها فما راح يرتاح بالي لو كنت رئيسه لكن اكون فرد معطاء مغير للافضل احسن لي!
لكن لو اجبرت على المنصب راح اختار السعوديه لاني احبها واحب ارضها واول قرار راح اتخذه توسيع دائره الاهتمام لتتعدى الرياض وجده والدمام لتصل الى عرعر وجيزان وكل القرى الصغيره في اطراف المملكه ووسطها والاهتمام يشمل كل شي يظمن حياه مريحه للشعب الحبيب :27: وثاني قرار اعطاء المرأه حقوقها اللي تسمح لها بالحياه الكريمه بدون انحلال اخلاقي!
The first Queen
The first Queen •
اموسعود اموسعود :
كيفك ياضفتنا اسئلة على الطاير: 1-اسمعك غريب لماذا اخترتي هذا الاسم؟ 2-اريد معلومات عن هذاالمعهدGEOS languag academy ottawa private? 3-هل تعرفين اخوات يسكنون قريبا من هذا المعهد؟ للمعلوميه بقي في رصيدي 2سؤال ساجعلها في حلقة اخرى لاني مستعجله الآن. في حفظ الله ووداعتة حبيبتي فرست.............
كيفك ياضفتنا اسئلة على الطاير: 1-اسمعك غريب لماذا اخترتي هذا الاسم؟ 2-اريد معلومات عن...
الحمدلله بخير مبسوطه بشوفتكم

1- اسمي امممم لان ابوي الغالي في فتره الملكه قال لي انتي ملكه هههههههههه وبعدين قررت اكتب اني الملكه الاولى احم احم وانا سارقته من اسم ملكه بريطانيا :35: اول مره اقول السالفه الصدقيه لاسمي :35:

2- معلوماتي عنه هي الموقع هذا
http://www.geosottawa.com/

3- للاسف لا لاني مو من سكان اوتاوا فزيارتي لها ماتجاوزت 4 ساعات :27:

الله يحفظك يارب وانتظر باقي اسئلتك :27:
The first Queen
The first Queen •
norbakr norbakr :
ماشاء يا فيرست كوييييييين البنات سألوكي كل الاسئله - ما خلولي سؤااااااااااااااااال هههههههههههههه بس حبيت اقولك انتي عسوووووووووووله و اشكرك على مساعدتك الدائمه لكل البنات سؤالي : هل استطعتي ان توازني بين بيتك و زوجك و ابنك و دراستك؟؟؟؟ هل استطعتي تحمل الاشتياق لأهلك؟؟ يعني قدرتي تتغلبي على هالشعور؟؟؟ و لا صعب؟؟؟ ايه احسن مدينه في كندا برأيك و تمنيتي تكوني فيها؟؟؟؟ هل استطعتي تكوين صداقات مع الاجانب؟؟؟؟ يا ترى السفر و الوجود مع الديانات الاخرى قوى عندك الايمان و القرب الى الله اكثر؟؟؟ و لا حسيتي بالتقصير؟؟؟؟ شكرااااااااا حبيبتي مقدما
ماشاء يا فيرست كوييييييين البنات سألوكي كل الاسئله - ما خلولي سؤااااااااااااااااال...
هههههههههههههههه
بس ماشاء الله جبتي اسئله حلوه
والله يخليك يارب هذا اقل شي اقدر اسويه لكم :27:

- التوازن بصراحه 100٪ لا لازم يكون شي اخر القائمه فخليت البيت :hahaha: << صريحه والله بس احاول التوازن قد مااقدر

- بصراحه امممم مو صعب لاني مااشتاق لاهلي كثير احبهم اي واحب كل واحد فيهم فرد فرد لكن مكالمتهم تكفيني اهلي يحبون بعض كثير لكن مو متعلقين في بعض ويمكن اللي يزود الموضوع ان ماعندي خوات والا لو عندي خوات يمكن اشتاق لهم لكن بس اللي عندي شباب والرجال ماعندهم الا بزنس :35:

- مزاجي صعب احب اسكن في مدينه هاديه وادرس فيها لكن بشرط تكون جنب مدينه كبيره وفيها حياه وحركه عشان احب المدن اللي فيها صخب وحياه ونشاط وعماير ووناسه لكن مو مناسبه للسكن والدراسه والحمدلله مدينتي فيها الشروط اللي في بالي

- بصراحه الصداقه مع الاجانب ما جت في بالي يعني مو متحمسه لها,, في معرفه بس ماتحمست اني اوثقها زياده

- وجود الاديان الاخرى مايزعجني والحمدلله محافظه على ديني واهم شي الصلاه اصلي اذا دخل الوقت وين ماكنت وسجاده الصلاه في شنطه السياره والحمدلله يعني اروح ادور مكان هاديء نوعا ما واصلي واغلب الاحيان يكون موقف السيارات فاقدر اركز في الصلاه ومافي موسيقى حتى لو ناظرني احد مااهتميت
The first Queen
The first Queen •
كراع نمله كراع نمله :
حيا الله فيرست كووين استمتعت بقراءة ردودك:39: لاحظت من خلال ردودك نقدك الدائم للعرب و وقوفك مع الغرب في صفهم على الرغم من وجود الكثير من السلبيات في حياتهم ومعيشتهم وعاداتهم0 طبعا غير دينهم0 &lt;&lt;&lt;ممكن توضحين لي لماذا؟:35: اكثر عضوه تحبينها وتتابعين ردودها؟ &lt;&lt;بصراحه من برأيك في ملتقى المغتربات من العضوات يستحق الاشراف؟ سبب غربتك؟ وهل مره ساهمتي في نشر الدعوه والتعريف بالاسلام في الغربه؟ احب الناس في قلبك؟ وشكرا لك
حيا الله فيرست كووين استمتعت بقراءة ردودك:39: لاحظت من خلال ردودك نقدك الدائم للعرب و وقوفك...
الله يحييك ويبقيك
الله يخليك يارب

- انا ماوقفت مع الغرب انا وقفت مع العرب بس بطريقتي اللي كثير يظن اني اوالي الغرب واناصرهم لكن فقط طريقتي في الوقوف في صف العرب تختلف :27:
اما ليش ماانقد الغرب فسبق وقلت ""انقد الشرق لان الغرب مايهمني! فانا مااحب انقد لاني بس ابغى انقد انا ابغى انقد لاني ابغى الخطوه اللي بعدها وهي الاصلاح فلو نقدت الغرب ايش راح استفيد؟! ماراح يقدم ولا يأخر نقدي بس تضييع وقت على الفاضي لكن لو نقدت الشرق فانا منه وفيه ودمي شرقي والحمدلله فراح اطلب الخطوه اللي بعدها الاصلاح لاني راح اعيش معهم وبينهم وتهمني مصلحتهم""
اما دين الغرب فمالي دخل فيهم لهم دينهم ولي دين ^^

- اكثر عضوه احبها واتابع ردودها هي بوادي الغاليه خاصه في مواضيع التربيه اقرأ ردودها كأني اقرأ كتاب مدرسي احاول اتشرب كل كلمه من ردها الله يسعدها يارب ويقر عينها بصلاح ذريتها

- بصراحه الاشراف اشوف انه تكليف لا تشريف ويعذروني المشرفات :35: فالاشراف في حق البعض ممكن يكون دفن لمواهبها وراح يقلل انتاجيتها في القسم عشان كذا مااحب الاشراف يكون للناس المتميزه عشان مايروح علينا تميزها

- سبب غربتي مرافقه لزوجي, بصراحه اني انشر الدعوه ماساهمت بتوزيع الكتب والمطويات لانه اخاف ادخل في محاسبات قانونيه لكن تعاملي معهم واحاول اتبع الاسلام قد مااقدر ويارب يكون سبب لهدايتهم

- ابوي الغالي ربي يحفظه ولا يحرمني منه