كـــشـــفـــت نـــفـــســـهـــا بـــنـــفـــســـهـــا!!!...

يا مرحبااا الساااع بكل غالية دخلت الموضوع، وما راح أرمس وااايد

لأن عندي ملاحظة جداً بسيطة لكنها كشفت لي ما وراء الأقنعة أو بمعنى

أصح ما وراء المعرفات الجديدة:cool:...

اتصدقون كل ما اتذكر السالفة أضحك من الخاطر لأن حبيبة الملايين طاحت

في الفخ بإرادتها:07:...أنا بس بغيت أحذركم من بعض المعرفات الجديدة

وأنا قلت بعض ما عممت لأن ما لي خاطر أرد على صواريخ أكيد مليون في المية

راح أحصلها في الموضوع...

السالفة يا طويلات العمر أنا كنت منزلة موضوع بس الذاكرة ما تساعد

عشان أذكر الموضوع والمشكلة الثانية أن الموضوع بفضل بنات الحلال

اللي ما ترتاح الوحدة منهن إلا إذا ولعتها حريقة بين العضوات انحذف

ولا كنت بغوص فيه مرة ومرتين وثلاث وألف وهذا المعرف بطلعه

يعني بطلعه!!!...واللي تتسبب بحذف مواضيعي تراني مش مسامحتنها

لأني ما أذكر أني ضريت أو أسأت لأي عضوة عشان تعفس لي

موضوع متعوب عليه سواءً كتبته أو نقلته...

المهم صاحبة المعرف الجديد يعني عضوة جديدة ومشاركاتها أتوقع

17 مشاركة، وكاتبة رد على موضوعي تقول فيه :bkh:...

أنا شفت لك كم رد تغلطين على كذا عضوة، وتتمنى أني ما أنزل مواضيع

عن الرد المسيء على المواضيع لأن على حسب ما أذكر أن فاقد الشيء

لا يعطيه!!!...يعني أنا صاحبة ردود سيئة فكيف أنصح وأنا فاقدة الذوق

واللباقة والإحترام في ردودي على العضوات!!!...

المهم خلونا نحلل هذا الرد:3_3_103:...

أولاً...عضوة جديدة بعدها ما طلعت من كرتونتها متى أمداج تقرين مواضيعي

وتشوفين ردودي السيئة!!!...أنتي يا عمري كشفتي نفسج يعني هذا معرف جديد

ولكن لعضوة قديمة يعني هامور من هوامير المجلس العام، بس خافت تشوه

معرفها اللي تعبت تصقله، وتطرح مواضيع، عشان يكون لها مكانة محترمة بين

أخواتها في المجلس العام، بس شكل إبليس لعب عليها وحط فكرة المعرف الجديد

في راسها عشان تاخذ راحتها وتدخل وتطلع وما تخلي شي في خاطرها ولكن

بمعرف جديد، وأنا سألتها وواجهتها أنها تذكر أسماء العضوات اللي أنا غلطت

عليهم بس ما ردت واختفت، يمكن لأنها حست أنها كشفت نفسها!!!...

ثانياً...صح تصير مهاترات ومشاحنات بيني وبين عضوات أخريات، لكن عمري

ما غلطت على أي عضوة بكلمة سيئة مشينة لا تليق بي ولا تليق بأن أكتبها لأي

عضوة من العضوات...واللي غلطت عليها أو غلطت في حقها، تتفضل وتقول لي

يا غزال أنتي غلطتي علي وما لها إلا طيبة الخاطر...هذا الموضوع واللي شايلة

في خاطرها علي بسبب كلمة سيئة أنا غلطت بها عليها، تتفضل وتقول اللي

في خاطرها...بس هذا اللعب اللي من تحت لتحت أنا ما أحبه ولا أتقبله...

اللي عندها وفي خاطرها شي علي تتفضل، ما يحتاج معرف جديد تهاجمني

فيه...وسلاااامتكن...