نغسل الربيان ونخليه على جنب
انا اخذته ربيان مجمد جمبو
نقطع الفلفل الحلو والمشروم الى شرائح
من كل لون نص حبة
وثلاث حبات بصل متوسطة الى شرائح
ناخذ اربع ملاعق بودرة حليب جوز الهند ونذوبها في كوب ماي ونخليها
بعدين ناخذ طبق الفرن ونحط فيه مكعبات البطاطا المسلوقة بشوية ملح
نحمر البصل
لين يذبل
نضيف شرائح الفلفل
ونحرك
نضيف البهارات
ملعقة طعام مسحوق الكاري - بابريكا - كزبرة مطحونة - زنجبيل مطحون - ثوم بودرة - فلفل اسود - ملح - فلفل احمر مجروش انا ما حطيت منها عشان بنتي الله يشفيها لكن اول كنت احط
وطبعا حسب الرغبة
بعدين نضيفها عالبطاطا
نقلي الربيان قلية بسيطة بس قد اللي تتحمر شوي
ونضيفه فوق الحمسة
في نفس الجدر احمر المشروم
واضيفه فوق الربيان
اصب عالمكونات كوب من الويبنغ كريم
و حليب جوز الهند اللي مساعة ذوبناه في الماي
حطيت فوقه جبنة موزريلا ونغطيه بالقصدير
وندخله الفرن 200 درجة لمدة نص ساعة
في الاخير نشل القصديرر حتى يتحمر الوجه
يقدم مع الخبز