كــــــــــرامة عيالك

لا طبعا راح انببه عيالي على كرامتهم وضرورة الرد على اي شخص يحاول يمس بكرامهتهم مهما كااان هذا الشخص
لو عودت ابني انه يسكت عن كرامته ولايرد راح يكون شخص امعه ولا راح يكون له شخصيه وكرامه قدام الناس
انا ولدي عمره 5 سنوات وعلمته ان اللي يحبك تحبه واللي يضربك تضربه وماخليه يسكت ابدا عن حقه

اكيد اختي على عيني وراسي بس لو اختي تهمه مصلحة عيالي كان ماسكتت عن اضتهاد عيالي بس انتي قلتي مره ومرتين وعشر عاد ممكن مره او مرتين عاد بقلب بعدها والله لوحش الا عيالي ينكسرون

حصلت مع بنتي و مع ولدي بعد
سواء من قرايبهم أو أصحابهم بالمدرسه
و كنت ما أتدخل ألا أذا سائت الأمور بينهم
فقط كنت أنصحهم مايسكتون و يدافعون عن أنفسهم و لا يسمحون لأحد يحطمهم
و يقلل من قيمتهم و أعطيتهم الأمان و الضوء الأخضر
و الحمدلله الموضوع ما وصل لأني أتدخل قدرو يأدبون كل من يغلط عيهم .....
لازم نخلي تدخلنا أخر شي بعد ما نلاحظ أنه الأبناء ما قدرو على ردع هالأشكال ....
تدخلنا من البدايه يخلي أبنائنا بلا شخصيه و يعتمدون علينا و يكبرون و تكبر معاناتهم .....
بنتي تسلطت عليها وحده تتريق على لون بشرتها و نصحتها كيف توقفها عند حدها و تحرجها و الحمدلله تأدبت البنت ....
ولدي تسلط عليه طالب بالمدرسه يتعرض له و يضربه و يهينه و شجعته مايسكت و يعامله بالمثل ولا يهتم لأحد
و فعلا ضربه الطالب مره و كفخه ولدي و طلع حرته و عقبها الولد يمشي جنب الجدار و بطل قلة الأدب ...
النتيجه بعد هالمواقف ولي لاحظتها صارت ثقة عيالي بأنفسهم ولله الحمد عاليه بسبب توجيهي الصحيح لهم بحل مشاكلهم
مع الأخرين بلا ضرر ولا ضرار .......
ما يمكن بشوف الأخرين يأذونهم و بسكت و أهون الوضع عليهم لازم أوجههم التوجيه السليم ياخذون حقهم و بس بعدها
يعيشون حياتهم .....

المشكلة انك توجهين اولادك للرد وتصير الطامة على عيالك وتاكلينها على راسك
مثلا ولدك يضربه ولد في المدرسة او الحي وفي الاخير يتضاربون ويصير ولدك قاتل وفي السجن لانك وجهتيه بأخذ حقه بالقوة او يصيب ولد الجيران بعاهة وينسجن وتصير فلوس وطلايب ومحاكم وسجون
اعتقد ان الحل بالتوجيه والحكمة وليس بالرد بالمثل في كل شي

ردك في محله ما أستغرب من كثرة الجرايم وياااا كثر ما نسمع ولد مراهق يطلب دية لأنه قتل خويه أو حتى عدوه إذا شفت ردود الأمهات وتعليمهم لأولادهم .. أنا أشوف حتى في مجتمعي أمهات كثير يقولون لأولادهم الي يضربك اضربه والله استغرب من الأم الي مثل كذا بكرة يكبر وما يحتاج نصيحتك ويمسك سلاح ويقتل خويه هو العنف كذا يبدا بالضرب وينتهي بالقتل ..
الإسلام دين السلام .. والمسلم من سلم المسلمون من لسانه ويده .. كيف تعلمين ولدك يعتدي ويضرب حتى لو كان مظلوم .. المفروض من صغرره تعلمينه اذا تضارب مع أحد من أقرانه تمسكين الاثنين وتسألين مين ضرب مين وليه ؟ والي غلطان يعتذر والثاني يقبل العذر ويسلمون ع بعضهم وبكذا حليت المشكلة وعلمت ولدك الرقي في التعامل .. يكبر وهو يعرف يتفاهم مع الناس مو الي يضربني أضربه ؟ ليه أخلي ولدي عربجي باسم القوة ؟ القوي الي يتمالك نفسه عند الغضب ويعرف يحكم الموقف .. مو القوي الي يضارب ويقتل ويهاجم .. ولدي في الروضة أول ما دخل أبوه خايف عليه قاله الي يضربك اضربه انا استغربت مع ان زوجي الحمد لله حكيم وهادي استغربت منه صراحة وفهمته انه غلط الي يضربك قول للمعلمة أو لماما أو حتى للمديرة بس ما تمد يدك على أحد .. وودايما أعلمه استخدم عقلك فكر قبل لا تسوي اي شي ..
وإنت يا صاحبة الموقف لا تدافعين ولاشي علميهم كيف ياخذون حقهم بهدوء أولادك كبار مو صغار الي يتكلم عليهم ممكن بنظرة يأدبونه .. وإنت ما قلت الموقف يعني ايش متسلط ؟ وولد عمره 28 يعني تقريبا بعمري لسه بتاخذين حقه ؟ أنا أقول لا تتدخلين والمفروض من صغرهم أولادك معلمتهم انه ما تنهز ثقتهم لأي شي يختي الي يشوف كيس زبالة وسخ في الشارع يبعد عنه ما يجلس يضربه وينكش فيه .. والكلاب تنبح والقافلة تسير مفروض مو اي كلمة تهز ثقتهم بأنفسهم