الحمدلله على سلالالالالالالالالالالالالامتكم .............
يقولون اهلي انهم رايحين الصيف للطائف و اني انا يومها كان عمري سنتين و نصف و كانت الخادمه تلعبني بالمراجيح انا و يا اخواني في المنتزه الا شوي سبحان الله امي تقول اني فقدتك و قعدت تناديني و لا جيتها و سألت الخادمه قالت ماما الحين اهي موجوده بس شلون اختفيت ماادري و امي تقول انا ادورك من جهه و ابوك من جهه و الخادمه و خواني اللي اكبر مني و و شي الللا امي تلقاني بعييييييييييييييد عنهم تقول ماادري اكيد احد اخذك و خطفك بعدين هون او شاف اهلي يدورون و بعدين هون و خلاني

انا يوم كنت صغيره طلعت بالحوش ومسكت بالدينمو حق المويا وكان حوله مويا تتسرب وقعد الكهرباء يشدني وانا فاقده الوعي وتطلع امي وتشوفني على حافة الموت وكانت حامل بالشهر التاسع
وتجي ركض وتمسكني وعلى طول الكهرباء ينتقل لجسمها ويقعد ينفضها بس رحمة ربي كبييييره
لان عمتي طلعت وشافتنا انا وامي والكهرباء قاعده تنفض فينا وقعدت تصارخ وتجمعوا جيراننا وانقذنا ربي بهم
بس سبحان الله من الصدف ان ولد عمتي كان موجود وساعد جيراننا في الانقاذ<<هههههه
وبعد سنتين توفى بسبب براده كان فيها التماس كهرب الله برحمه

المواقف كثيره بس ابي اذكر موقف مر علي لايمكن نسيانه مره كنت تعبانه صدري وشوي ضيق تنفس جلست ارتب غرفتي علشان انسى الالم لكن زاد علي ويمكن نفسي لاني كنت امر بظروف صعبه دقيت على زوجي ابي المستشفى قال انابعيد خلي اخوك يوديك جاء اخوي ياعمري ووداني لمستوصف اهلي اعطوني ابر ومغذي وحسيت بخوف شديد ودوخه عجزت لاقوم بعدين قمت وركبت السياره ابي اروح لبيت اهلي كانت اختي الصغيره معي ماتزوجت وحنا ماشين مادريت الاوكانه عمود صار على صدري عجزت لاتنفس وجلست اصارخ واصيح اقول الموت جاني شوفوه ورميت الغطوه والناس بالشارع واخوي يغطيني وارجع اشيله الام شديده مع ضيق تنفس واوصي اختي على عيالي وخلاص احس انه يبي يغمي علي واودع الدنيا واخوي المسكين يتخربط بالسواقه واقول له خل زوجي يسامحني اذااخطيت عليه وماحسيت بنفسي الاوانا على سرير بمستشفى حكومي والدكاتره عندي والاجهزه على صدري اكتشفو ان الدكتور الاول اعطاني ابر قويه وضغطت على الحجاب الحاجز وضغط على القلب بغيت اروح به حسبي الله عليهم جلست الى اخر الليل ورحت لاهلي واشوف عيالي نايمين واجلس اقبلهم واناابكي ماحسبي اشوفهم عاد اخوي يقول بغيت اضربك كف يقول انا اركض بك وانتي تقولين خلو زوجي يسامحني ماقلتي اخوي قلت ادري انك تبي تسامحني بس غصب تذكرت ان المراة اذاماتت وزوجهاراضي عنها دخلت الجنه علشان كذا طلبت انه يسامحني اذامت اخاف اخطيت عليه اوشئ والاانت ياخوي طيب وتبي تسامحني موقف لايمكن انساه ابدا اعاننا الله على سكرات الموت عاد المصون مااتصل الامن بكرى يسال عني لانه عند زوجنه الثانيه ويوم دري عن كلامي من اخوي استانس قال شفتي انك غلطانه علي قلت والله من حر ماوجس

مواقفكم مررة صعبه أذكر لكم موقف حصل لولدي الغالي كان عمرة تقريبا سنتين وكنت حامل بولدي إللي بعدة و هذاك اليوم وانا نايمه تقريبا الساعه ثلاثه صباحا احس بشئ يدق في بطني مثل النقر ومتواصل قمت من نومي إلا واشوف ولدي الحبيب وهو متشنج ويرفس ومتقلبه عيونه وانا اصحي ابوة ابي يوديه المستشفى ونوديه المستشفى ويسعفونه والحمد لله صحى وربي كتب له عمر جديد قالنا الدكتور لو تأخرتم دقائق ممكن الولد يموت او يصير له شئ في مخه او إعاقه لكن ربي رحمه برحمته الواسعه وخرجنا من المستشفى وولدي الغالي في حظني طيب وإحنا في الطريق يبنشر الكفر الحمد لله إنه ما بنشر وإحنا رايحين كان مات ولدي يارب لك الحمد والشكر بسلامه حبيبي

الموقف الثاني
مرة قمت قبل الفجر ابي اصلي الوتر وبعد ما قريت الفاتحه ويادوب بديت في قرآءة السورة إلا واحس بشئ مثل الهواءء الحار خارج من بطني إلى فوق صدري وحسيت بسواد حسيت مثل إنتزاع الروح حسيت إن روحي تبي تخرج مني والله يا بنات كني ابي اموت وما ادري عن نفسي إلا وانا اخر ساجدة لا ركعت ولا خلصت الفاتحه ولا قطعت صلاتي ما ادري إلا خلاني اخر ساجدة وسلمت من صلاتي وإنسدحت على جنبي وحسيت إن جسمي كله بارد إلى الان ماني عارفه إللي حصل لي لكن ربي كتب لي عمر جديد وقمت توضيت مرة ثانيه وصليت الوتر

الموقف الثالث
حصل لقريبه لي اخت زوجي كانت تعبانه مسحورة حسبنا الله ونعم الوكيل المسكينه رمت نفسها من بلكونه الطابق الثالث على الارض والارض بلاط وانا شفتها بعيوني بعد ما طاحت على الارض لأني سمعت صوت طيحتها كانت قويه ولما فتحت الشباك إلا واشوفها غرقانه بدمها وترفس مثل الذبيحه إذاإنذبحت الله يلطف بحالها وكلنا قلنا إنها ميته من قوة الطيحه إللي طاحتها لكن سبحان الله ربي كتب لها عمر جديد وهي الحين عايشه يارب لك الحمد بخير ونعمه ومتزوجه وعندها اولاد الله يحفظها ويحفظ لها ما عطاها

والله مووضووع شيق وملفت للانتباه من المصااعب الي بتحصل للعالم ياربي لك الحمد
اما انا كنت بنخطف يوم كنت صغيرونه اتوقع عمري 8 تقريبا صغيروونه كنت واقفه انا واخوي اصغر مني بسنه ع باب شارعنا كنت استنى ابوي من القافه الي فيني وامي ماتتدري عني طبعا مشغوله بالمطبخ
والله وتوقف ذيك السياره الددسن الي مليانه شباب بالحوض وراء وقدام مليانه شباااب اكثر من 8 اشخاص وقالولي انا واخوي تعالوو واحنا ناظر ببعض انا واخوي تعالوو نعطيكم حلاوووو وعصيررر ومااستجنا لهم وقالوو تعاالوو نوديكم الحديقه للالعااااب ويوم قالو كذا سبحان الله العظيم مدري من وين جتنا الذهانه انا واخوي ونحط رجلينا وركض وركض ولقينا باب بيتنا مقفول الداخلي طبعا مافيه مفررر بيتنا صعب اوصف لكم التصميم تبعه بس كان هناك حديقه صغيره وراء بيتنا تبعنا اتخبيت انا واخوي وراء الشجره والله سبحانه وتعالى عمى عيونهم عنا معنا اننا واضحييييين مرررررره ولدرجه انهم انزلوو يدوروون علينااا كلهم وربي الي خلقني انهم كنت اشووفهم اقرب من اشباااار بينا وبينهم والله مااقوول غيررر سبحانه ربي العظييييم وجلسوو اكثرر من ربع سااعه يدوورن الله لا يبارك فيهم وانا اخووي نتتفض من الخوووف بس الحمد لله ع سلامتنا
واللله اشياااء كثيررر حصلت لي بس الحمد لله الله الحااافظ ومرره بعد فلبيني نفس القصه
وانا واخوي بعد
بس الحمد لله
ومره اخوي الكبير خطفه سعودي بسياارته بس رجع يارب لك الحمد سالم تخيلوو جانا يمشي من البر ع رجووله والشرطه بكل مكاان ندووره والله اني ماابي اتذكررر بس موضوعكم ذكرني:44::44::44:
بس الحمدلله ع كل حاااااااااااااال