شوفي هذي كانت كوشة خواتي الثنتين بملكتهم << سويناها للثنتين مع بعض
طبعا الكور كانت ورد طبيعي بلون ليموني وتفاااحي ويتخللها ورد لونه وردي على فوشي لان وحده فستانها كان اصفر والثانيه بنفسجي
ومعلقه بكريستالات حلوه مررره اما الاغصان كانت احلى من اللي بالصوره وكانت مبرومه شوي معطيه حركه حلوووه
والطاولات طبعا كانت مزينه وكانت فكرتي بس قلت لفلبيني وسواها << مالي خلق بالشغل الكثير
انا سويت له عينه وهو طبقها كانت عباره عن بروازين للصور لونهاا على نحااسي ( ذهبي مطفي ) طبعا شلت القزاز والورق اللي داخلهم ولصقتهم مع بعض بحيث يكون كل برواز واصح من الجهه الثانيه وحطيتها بزاويه مايله على فلينه مستطيله صغيره مزينتها بورد واوراق وكريستال والبراويز كانت مستطيله حجمها وسط وواقفه على الفلينه بزاويه وصايره مايله والزاويه اللي بالراس نزلت منها 3 سلاسل من الكريستال ,, اما صحن المعجنات والحلو كنت جايبه مجموعة ورق شجر كبيره احجامها ودبستها مع بعض بحيث عطتني شكل قمع وحطيتها على الطاوله وبكل وحده دخلنا فيها صحن المعجنات << يعني نصه طالع ونصه داخل الورق
بس كانت حركات حلوه وناعمه
يارب تكوني فهمتي علي !!
اذا بتنزفين من درج حطي بنهاية الدرج قوس ولفيه بالتول والشيفونات وعلقي فيه ورد وكرستالات وتسكرينه بشريطه ساتان عريضه
ولمن توصلين تحت تكونين مجهزه خديديه حلوه من نفس الالوان وعليها مقص مزين بشريطه وكريستاله وتكون وحده واقفه باخر الدرج وشايله هالمخده واول ماتوصلين تاخذين منها المقص وتقصين الشريطه ثم تجي وحده تعطيك باقتك وبعدها تبدأ زفتك
حلوه هالحركه مسويتها اختي بالصيف اللي راح وكانت روووعه اهم شي الترتيب يكون حلوو ومتناسق
تقريبا مثل هالصوره الفكره بس كنا حاطين طاوله بنهاية الدرج اللي عليهاا دفتر العروس والهدايا والباقه حقتهااا