بعد إنقطاااااع طويل<< مااحد درى عنك..
اٌقدم إعتذاري لكل الأخوات اللي أرسلوا يطلبون طريقة الكوكيز..
والله الدنيا مشاغل الله لايشغلنا عن طاعته..
وراح أقدم لكم طريقتين..طريقه طبقتها اليوم وصورتها
والطريقه الأخرى والله ماسويتها اليوم لأنها تحتاج سمن نباتي وانا والله ماعندي..
لكن كلا الطريقتين مجربه ومضمونه بإذن الله..
أبدأ بالطريقه الأولى:
المقادير:
2 كاس وربع دقيق أبيض منخول
1 ملعقة شاي باكنج باودر
ذره ملح
2 أصبع زبده طرية بحراره الغرفه ((وزن الأصبع 100 جرام))..
ثلاثة أرباع الكاس سكر بني
ثلاثة أرباع الكاس سكر أبيض.
روح الفانيلا ((السائله أفضل))
2 بيضه
مكسرات ((ممكن الإستغناء عنها انا والله ماحطيت الا شوي فستق مطحون))
2 كاس شوكولاته هيرشي نصف حلوه..((يعني حلاها وسط مو اللي تجي سكر زياده))
مثل اللي بالصوره..العبوه هاذي تجي كاستين..
الطريقه:
نخفق الزبده مع السكر الأبيض والبني والفانيلا
بعد ماتصير طريه نضيف لها البيض ونخفق
ونضيف لها الدقيق والباكنج باودر والملح والشوكولاته والمكسرات ونحرك بملعقه
او نعجنها باليد..
نشكلها الى اقراص صغيره انا تقريبا هالحجم عمل لي 60 حبه..لأنها صغيره..
ونخبزها -الصينيه ماتكون مدهونه - ماتاخذ وقت تقريبا 10 دقايق او ربع ساعه بس..
واتركيها تبرد وقدميها ألف صحه وعافيه
ترا اول ماتطلع من الفرن تكون طرررررررريه حتى تظنين انها مااستوت
لا أتركيها تبرد وتصير متماسكه..
والطريقه الثانيه راح اقولكم المقادير والطريقه نفسها تقريبا..
ثلاثة أرباع كاس سمن نباتي
ثلاثة أرباع كاس سكر بني
2 ملعقه طعام حليب سائل
1 وثلاثة ارباع كاس دقيق أبيض منخول
1 بيضه
ملعقه شاي باكنج باودر وذرة فانيلا وذره ملح
1 كاس شوكولاته هيرشي نصف حلوه
مكسرات حسب الرغبه..
والطريقه نفسها..وترا كلها مضمونه بإذن الله...مع ملاحظه ان الطريقه الأولى
كمية الكوكيز تطلع أكثر واضح طبعا من المقادير..
تسلمين مشاعل والله يعطيك العافيه
..