كيفيكم بنات حوا يارب بخير
انا متابعة للقسم ودائما امدح ابداعاتكم وهاي اول مرة انزل شي هنا لان شفت تشجيعكم لاختي (مريم ريحانة بغداد) وتحمست اشوفكم عمايل ايدي وهاي الكيكة جربوها يابنات لانها حلوووووووة والكل انعجب بيها كانها جاهزة
ما اطولها عليكم يلى نبتدي
اول شي حبيباتي نسوي كيكة عادية او اسفنجية يعني بكيفج الي انتي متعودة على مقاديرها واذا تردون مقادير كيكتي ما عندي مانع وهاي الكيكة بعد ما بردناها ولازم وضروري قالب مدور
اول شي نقص الكيكة شريحتين حتى نحشيها انا حشيتها بكريم شانتي الفراولة مثل ما تشوفون
وبعدها نرجع الطبقة عليها ونقسم الكيكة نصفين متساوين مثل الصورة وشوفو الحشو ةشلون باينة ومشهية
نبدي نغلفها بالكريمة
ونقص من كل نص من الكيكة مثلث صغير وننتبه يكونون المثلثين مقابل بعض ونفس القياس
يارب تكون الفكرة واضحة
بعدها يابنات نصف النصين عكس بعض انا ما صورت هاي الخطوة لان تعبت خخخخخخ بس هية واضحة ان شاء الله ونبتدي نزين على راحتنا وبالمكونات الي عدنا وكل وحدة تتفنن يعني نحاول نطلع شكل الفراشة وهذا الشكل النهائي بعد التزيين
وهنااااااااااااااااا
ومن زاوية ثاااااااااانية
وهاي صووووورة اخيررررة
واخيررررا خلصت وبصراااحة تعبت بيها خخخخخ حتى تطلعلكم بهالشكل يارب تشوفوها
وتقولولي رايكم انتضر ردودكم ودعواتكم بنات ادعولي والله محتاجة هذا الدعاااااء
((اللهم اجمع شملها بزوجها واولادها ويسر لهم امورهم ووفقهم لما تحب وترضى))
اللهم امــــــــيـــــــــن
وصلى الله على سيدنا محمد وعلى اله واصحابه وسلم
جزاك الله خير
تجنن ما شاء الله
اللهم صل على سيدنا محمد وعلى اله وصحبه وسلم