كــيـــكــة " الـتــيــن " تسافر بك خارج الوطن !!!

مساء الخير:26:
اول مشاركة لي فيذااا<< عجوووز:

المهم ياطويلات العمر
سوق الاسهم منددددق ذا الايام ومافيه سفر:(
وعجبتني ذا الكيكه وعجبت زوجي!!
وكلما جبت لها طاري السفر قال: روحي صلحي لنا ذيك الكيكه !!
والاسهم منهاااره مافيه سفر!!!
وخلي ذا الفرن يلفح وجههك وجبهتك علشان يعطيك لون برونزي
كانك مسافره ومتسدحه ومتبطحه على الشواطئ !!!

الكيكه هذي عجيبه !! اقتصاديه!! مايحتاج تسافرين
لانك اذا ذقتيها وشميتي ريحتها!!
تحسين انك مو في بيتك ولا مع زوجك !!
تحسين انك في شارع الشانزلزيه ولا في جزر الهاواي خخخخخخخخخخ

واذا خلصتي من البلع ولحستي مصابعك !!
ترجعين لحارة بيتكم وكلن وحارته!!
الي في الجراديه والي في الخزان والي في الشميسي:

هذي الطريقه وقبل لااكتب الطريقه ماادري ليش!!
"ام عزيزان "و"بسر برحي" ينافسوني خخخخخخخخخخخخ

المقادير: لاتقولون عمى وش ذاااا!!

المقدار الأول:

3 بيضات " يارب تتنشط مبايضي وابيض الشهر الجاي واحمل"
كاس سكر بني<< ياويل الي تحط ابيض ترى ماتسافر بها الكيكه!!
أصبع زبده
كأس طحين
نصف كأس عين الجمل
ملعقة بيكنج بودر

المقدار الثاني:

ملعقة بيكربونات الصوديوم
تين مجفف << تلاقينه عند المهباج كيس صغير قد يدك
كأس ونصف ماء


الـــطــريــقـــــــة:

1* تخلط مقادير الاولى مع بعض في الخلاط " ماعدا عين الجمل" علشان مايتكسر,,

2* المقادير الثانية " تنقع " << تعبت وان أكتبها :eek: مع بعض لمدة "عشر دقائق"
ثم تطبخ لمدة" عشر دقائق" وتقطع كل "تينه" << تين الى اربع او نصف على حسب حجم التينه

3* تخلط المقادير الاولى والمقادير الثانيه " مع ماء النقع" + عين الجمل مع بعض
وتوضع في الفرن لمى تستوي<< لاتقولون كم احطها في الفرن " فرني خربان ومقربع
اي يوم بيقبع في جبهتي!!!:eek:

4* نزين الكيكة بالصوص
"نصف كاس عين الجمل مكسر+ قشطه + نصف اصبع زبده مذوب + ثلاث ارباع سكر بني ,,

وبالعافيه على كرييييشااااتكم:42:

وان كان الكيكه موجوده سابقا في المنتدى !!
حطو الرابط علشان اضف جبهتي واطلع من المنافسه:eek:

اذا اعجبتكم تكفوووون "ادعوا لي اني احمل":26:

حافظكم الله,,