ٌ كــيف نجدد حـياتنــا ٌ

نجدد حياتنا بتجديد افكارنا ... وتقوية الصله بيننا وبين خالقنا .. انا اظن لو طبقنا هذان الشيئان راااح تتجدد حياتنا الى الافضل ان شاء الله

تجديد الحياة يختلف من شخص لشخص ،، الفكرة اللي تناسبك ما تناسب غيرك والعكس صحيح ،، حاولي تتفهمي احتياجاتك واحتياجات زوجك وتخلقين اهتمامات مشتركة بينكم الاثنين ،،
السفر من اكثر الاشياء اللي تجدد حياة الناس ،، لازم يكون لكم رحلة بالسنة ع الاقل عشان تكسرون الروتين ،، والاهتمام بالتفاصيل الصغيرة بحياتكم الخاصة له مفعول عجيب ،، اللفتات الحلوة والمفاجأت اللذيذة ،، والصبر واستيعاب الاختلافات الشخصية اللي بين الزوجين ،،، الرجل دايما يحتاج للابهار ،، لازم تبهرينه بعمل شئ غير متوقع من فترة لفترة ،، انا ما عندي تجربة بس هذي الاشياء اللي استنتجتها من كلام الناس اللي حولي وتجاربهم ،، بس نصيحة لكي اختي العزيزة انتبهي تحملين هالسنة ،، ترا الطفل بيجي ويجيب معاه مسؤوليات جديدة وانتوا لسى بالبداية ،،، وان اشاء الله ربي بيرزقك الذرية الصالحة في السنين الجاية ،،،

مبروك الف مبروك لك الزواج والله يسعدك ويوفقك في حياتك الزوجيه ويكفيك شر الحاسدين
بس يااختي انتي توك لك شهر يعني يبي لك خمس سنين علشان تتطفشين وتدورين على التجديد
انا لي تسع سنين تقريبا او اقل وودي بالتجديد بس ماعرف كيف لان السفر يبي له فلوس واحنا من سنتين نجمع فلوس علشان نبني بيتنا اللي ماخلص ويبي له وقت وفلوس
بس اعتقد ان التجديد يكون بإنجاب الاطفال

الفففففففففففففف مبروووووووك :icon28:
والله يهنيج ان شااااااء الله

اناواعوذ من كلمة انا مزوجه من كم سنه ( حنطنا ) بس الحمدالله بعدنا ما ملينا :D
واعتقد من راي ان بعض الالعاب الخفيفه اللى تدخل المرح ضروريه للحياة الزوجيه
مثل لعب الورق والدومنه والشطرنج ==== وغيرها من هاي الالعااااااااب

السهر ع التلفزيون في بعض الاحيااااااان لفلم معين

الغدا او العشاء برع ( بالمطعم ) مب لازم كل اسبوع مره بالشهر وعلى فترات متباعده علشان يحس الواحد ان مشتاق لليلسه === وطق سوالف ( مب قصدي تحشون بالنااااااس خخخخ ) :30:

الطلعه والتمشي في السيارة === ونشرب شاي ونرد البيت يعني مب شرط على كل طلعه لازم اكل وشرب ==== مفجوعين هههههههههههههه :39:

نخصص ساعه تقريبا نقرا القراءن ونشوووووف منو يختم القرأن قبل == دوم انا اغلبه واعيد من الاول :27:

مهم جدا الزوجه تكون ( مشاغبه ) :30: اشوي


تسلمين اختي ع الموضوووع الحلووووووووووووو


تحياااااااتي لج