كوبونات الراقية تسجيل الدخول

العــــمرية
العــــمرية •
الحياة فرحه
حضرت سموي
نورتوا بقووة
أشكركم ع الحمااس
ان شاء الله رح أنزل الجزء اليوم
حنين السعووودية
حنين السعووودية •
سبحان الله
الله اكبر
استغفر الله
العــــمرية
العــــمرية •
........................
الجزء الخامس
الساع 6 مساءً
دق جوال ريم
ريم : يووه خالتي

الخالة نوره : السلام عليكم
ريم : وعليكم السلام كيف حالك خالة .؟
الخالة نوره : انا الحمدلله بخير وشلونك أنتي .؟
ريم : انا تمام الحمدلله
الخالة نوره : وراك ماجيتي لمنا مو قايلة لك لاتبطين
ريم : تعرفين قعدت أدور شغل وكذا حوسسه
الخالة نوره : طيب تعالي اللحين عندي أختي وبناتها يبغون
يشوفونك
ريم : خالتي مقدر وبعدين مااعرفهم
الخالة نورة : مو أنتي أول كنتي ماتعرفيني عادي تعالي
كان أغلي عليك تجين يالله ترانا ننتظرك أنا وأختي
............................
ريم أستسلمت وقالت لازم أروح عندهم
اللحين تزعل علي خالتي لا وبعد ينتظروني
يعني لازم أروح لمهم
..................
عند الخالة نوره
نوره : حياك الله ريومه تفضلي
منيرة ( أخت نوره ): ياحليلها , أنتي ريم أخيرا شفتك
نوره : تفضلي ريومه ايه صح خليني أعرفك على أختي
هذي أصغر مني بخمس سنوات وأسمها منيرة
ومآراح أصفها لك خلك أنتي تتعرفين عليها
....
فاطمة دقت على ريم
ريم : أهلين فطووم
فاطمة : هلا بالقاطعه واعدتني تدق بنفس اليوم وسحبت
ريم : ياخي نسيت . وش أخبارك طيب .؟
فاطمة : بخير دامك بخير
ريم : الله يسلمك
فاطمة : وش أخبارك أنتي ياعسوله.؟
ريم : بخير الحمدلله , وش صآآآر بتجون عندي .؟
فاطمة : والله مدري كلمت أختي ومترددة شوي
ريم : وليه ياساتر تراني ماني وحش !
فاطمة : مو كذا يعني ماتعرفك ولا لو تعرفك كان من أول
نظره وآفقت > هع
ريم : يعني تقدرين تقولين موافقين
فاطمة : ايه بس بنسافر لدبي قريب ويمكن بعد أسبوعين
نجي لك
ريم : وش عندكم ؟
فاطمة : بنروح نشوف خوالي
ريم : مو أنتوا متخاصمين
فاطمة : الا لكن كزيارة من زمان عنهم وتعرفين صلة الرحم واجبة .
ريم : طيب أخاف يسلبون حقكم زي المره الأولي
فاطمة : اصلا الحمدلله مافي شيء عشان ياخذونه منا
ريم : ومتى مسافرين أن شاء الله
فاطمة : امم بكرى
ريم : متى .؟
فاطمة : الساع أربع تقريبا
ريم : تاصلون بالسلامة وترجعون بالسلامة
فاطمة : آمين جزاك الله خير , الا وين أنتي ..؟ ودي أودك قبل نروح
ريم : عند خالتي
فاطمة : ماشاء الله من وين طلعت هالخالة .؟
ريم : يووه قصة طويله
فاطمة : أي عادي قولي
ريم : كنت مره في السوبر ...
فاطمة : يوه القصة غريبه والمشكله أنها طاقة الميانه مره
ريم : أي مره حليله وطيوبه تعجبك
فاطمة : يالله تأخرت عليك وأنتي عندهم
ريم : لا عادي مع السلامة
فاطمة : مع السلامة


...............
جو البنات ( العنود – ساره ) سلموا على ريم
منيرة : الا وش أخبار عبدالعزيز ومتى آخر مره كلمتي عليه .؟
نوره : قبل أربع أيام تقريبا
منيرة : وش أخباره .؟
نوره : يمدح نفسه كثير الحمدلله ويقول أدعي لي الأمتحانات النهائية قربت
منيرة : الله يصلحه ويوفقه يارب
نوره : آمين .
منيرة : هالبنت القشرا (مها )ليه ماتطلع لنا ع الأقل تسلم
نوره : الله يهديها دايم نايمة
منيرة : قوموها من زمان ماشفتها
نوره : والله متعبتني مره الله يعين يارب
مره مدوختني دايم نايمة وأنطوائية ومتغيره كثير الله يعين
( ريم أستغربت من عبدالعزيز ومها منهم .؟
لكنها عرفت أنهم أبناء نوره )
نوره : أقوول ريم ممكن طلب ؟
ريم : سمي
نوره : ممكن تروحين تقومين مها
ريم : طيب وين غرفتها
نوره : أول ماترقين ع اليمين بس أنتبهي تراها قشرا
ريم : هههههههههه لا أن شاء الله
.............
بتكلم لكم عن مها
(مها انسانه مرحة وحبوبة كانت مره متعلقة بأبوها
كثير ولما مات تغريت حياتها وصارت أنطوائية وغيريبة
ولا تحب تتكلم كثير وحالتها صعبة مره وعمرها (17)

رآحت ريم لعند مها
مها : مين
ريم : أنا ريم أفتحي
مها : أنا ماأعرف وحده أسمها ريم !
ريم : طيب أفتحي وبعدين تعرفين
مها (تفتح الباب ) : مين انتي
ريم : بسم الله أول شيء سلمي
مها : السلام عليكم ورحمة الله وبركاته
ريم : وعليكم السلام ورحمة الله وبركاته
مها : أول شيء مين أنتي ووش تبغين مني ؟
ريم : من أنا أسئلي أمك وش أبغى
فيه تحت خالتك منيرة وودها تشوفك تقول تعالي بسلم
عليك
مها : لا والله , قولي لها نايمة
ريم : ليه ؟
مها : أنا حره مابي أشوفها
ريم : أقولك خلي عنك الكلام وتعالي مايضرك دقيقة تراها
مها : مع أني ما أبغى بس عشانك وأنا ما أعرفك
ريم : أهم شيء , طيب يالله تعالي معي
مها : لحظه أزين شعري وأبدل ملابسي وألحقك وأهم
شيء أعرف من الملقوفه اللي دآخله بيتنا
ريم : الله يسامحك , طيب بسرعه
................
أنتظرو البارت السادس
العــــمرية
العــــمرية •
يالله وين الحمااس .؟
العــــمرية
العــــمرية •
الجزء السادس
.................
مها عرفت من أمها كل شيء عن ريم وكيف تعرفت عليها
............
منيرة : مبرووك مابغيتي تجين
مها (مدت بوزها ) : يمه وين العنود
منيرة : وش أخبارك مها ؟
مها : بخيييييييييير
منيره : الحمد لله
(طبعا منيرة ماكانت علاقتها مع نوره كذا (ولا سيما انها أختها من الرضاعة )
كانت ماتزورها أبدا
لكن اللحين تغير الحال وكل هذا عشان المصالح
منيرة عندها ولد راعي أستراحات وسهرات وبنات (الله يهديه )
عمره 28 وكل ماخطبت لولدها أي بنت رفضت بعد ماعرفت
عنه , لكنها قالت لأختها نوره أني مدري وش أسوي فيه وأبيه
يعقل مع دموع كذابة (عشان نوره توافق )
ونوره وافقت انها تزوج مها بعد سنة لكن مها
بعد ماعرفت هذا الشيء رفضت
وأمها أجبرتها قالت ماله داعي تفشليننا قدام الناس ,
ومها أستسلمت لهذا الأمر )
ريم : مهاو بأي صف ؟
مها : بثاني ثنوي
ريم : ماشاء الله
مها : وأنتي
ريم (بحزن ) : مآأدرس
مها : يعني متخرجه
ريم : لا
مها : أجل ؟
ريم : أنا بأول جامعه ماجيت الا النصف الأول
مها : وبتكملين السنة الجاية ؟
ريم : لا
مها : ليه ؟
ريم : الظروف ماتسمح ..
مها : الله يعين
بعد وقت
ريم : يالله مع السلامة أنا بروح
مها : أجلسي عندنا
ريم : جاني النوم أن شاء الله أجي مره ثانيه
مع السلامه
منيرة ونوره ومها : مع السلامه
.....
في اليوم التالي
في المطار
...
ساره : فطووم ماله داعي نروح بس حق نشوف العذاب
خلينا هنا أحسن
فاطمة : وصلت الرحم
ساره : طيب هم ليه مايجون لمنا
فاطمة : مدري عنهم وبعدين أنتي وش تبين
هنا مافيه شيء زين , عمانك ومالقيتيهم وش تبين
ساره : بس هينا أزين
فاطمة : بكيفك
..........
في الطياره
ساره : فاطمة أبغى أجلس عندك ماأبغى اجلس عنده
فاطمة : مآنقدر حبيبتي ماعليش أجلسي هينا وبعدين هو صغير
ساره : بس أكبر مني
فاطمة :انزين أنا مقدر أسوي شيء أجلسي عنده
ولا كأن أحد جالس جنبك
..........
(فاطمة وساره راحوا لدبي لعند خوالهم
أما ريم جلست طفشانه وملانه من المقهى لين
الشقة ومن الشقة لين المقهى )
.......
بعد أسبوعين
فاطمة : السلام عليكم
ريم : وعليكم السلام
فاطمة : ممكن تدليني وين العماره
ريم : يعني جيتوا
فاطمة : ايه
ريم : طيب روحي ل..............
فاطمة :مشكورة أفتحي الباب لنا
ريم : ان شاء الله

......
(طبعا غيرت الشقة اللي هي فيها لأنها صغيره
ونقلت أغراضها لشقة أكبر وراحت تشتري كيكة
وحلاو وأغراض بمناسبة جيت فاطمة وأختها )
.............
فاطمة : السلام عليكم ورحمة الله وبركاته
فيه شخصة
ريم : هههههههه أي أكيد
ساره : وينها ؟
ريم : هذاني
فاطمة ضمت ريم
وكمان ضمتها ساره
ريم : أخيرا ياسارة شفتك
ساره : الله يسلمك
ريم : أدخلوا ولا بتضلون واقفين
فاطمة : اللحين بس وين غرفة النوم
ريم : هناك أنا حطيت أغراضي عاد زين
فيه ثلاث سريرات
فاطمة : وشو ثلاث سريرات ماتجي سريرات
ريم : مدري مآ آعرف
............
(رتبوا أغراضهم وجلسو يتقهون مع ريم
وكملوا سهره حلوه وسوالف كثيره لين جاهم النوم
ونامو )
.......
تابعوا البقية في الجزء السسابع