كـل مـا فاضـت عيونـي

السلام عليكم ورحمه الله وبركاته

من اروع ماقرأت في الوجد
قصيدة الشاعر خالد بن مدعث الدوسري ويقول




كـل مـا فاضـت عيونـي باشـت الأضـلاع غـنـا
المـوارد فـي الضلـوع وكــل ضـلـع فــي ونــه
والتمنـي مـا يحقـق هـقـوت القـلـب ان تمـنـا
بـس قلبـي مـا يـدانـي تبـعـد الهـقـوات مـنـه
وا وجـودي وجـد مـن جلـي عـن ديـاره مجـنـا
تـو عمـره عـشـر واربــع والليـالـي مــا تحـنـه
مـــا وراه إلا عـجــوزٍ واخـتــه وعـــود مـسـنــا
بيـن فقـر وبيـن ديـن وبيـن ضيـم وبـيـن مـنـه
مـا ذبحهـم غيـر دمـع مــن الغبيـنـه مــا يكـنـا
ويـل مــن ســود الليـالـي بالمصـايـب يبتلـنـه
راح مثـل الذيـب وهبلـتـه حـيـاة الـذيـب ظـنـا
وآمــن والـمـوت يـومـه بـيـن مخـلابـه وسـنـه
راح ينـقـل دم قـلـبـه وان ضـــواه الـلـيـل ونـــا
الـذيـابــه مـروحـاتــه والـســيــوف يــدورونـــه
لـيـا ذكــر دم الـقـرايـب عـانــق الـبـيـدا وثـنــا
وان تذكـر ضحكـة امـه زاغ قلـبـه مــن مغـنـه
ما يلوعه في حشاه إلا ليا شاف البرق سنـا
غاب عشر اسنين ما به مـن يـرد العلـم عنـه
ان حـداه الـخـوف مـنـا هــزت الأشــواق مـنـا
يـوم طــال الـوقـت عــود للـديـار الـلـي ربـنـه
قـــال مــــا دام الـمـذلــه والــبــلاوي يبـتـلـنـا
والله ان الموت فـي الأوطـان بيـن الربـع جنـه
يـوم وقـف فـي المنـازل مـا لقـى بـيـت مبـنـا
غـيــر بــيــت للهبــايــب والــــذواري يلـعـبـنـه
راح يـمـه كـنـه الـلــي ضـاربــه رمـــح مـطـنـا
وعـذابـه مــا دري ان اسـهـوم بقـعـا يحتـرنـه
يـوم قـرب سمـع لـه صـوت مـن العـلـه يحـنـا
حصل امـه عندهـا ضيـف يقـول المـوت سنـة
قـال يمـه قالـت عيونـي مــن الـدمـع انعمـنـا
قـال ابويـه قالـت اطـوال النصايـب قـد خـذنـه
قال واختي قالت اقفى القوم باختك مع ظعنا
قـال ربعـي قـالـت اسنـيـن المجـاعـة فرقـنـه
قـال جيتـك قالـت ان المـوت مــا ظـنـي تـونـا
واستلـمـهـا نـــازع الارواح روحـــن مـرجـهـنـه
ثـم صـاح مـن التفـرق صيحـة اللـي فيـه جنـا
دق صدره وانطوى من حر مـا بـه طـي شنـه
كـل هــذا حــال قـلـب مــن خلـقـه الله معـنـا
الــهــمــوم يـوكـلــنــه والـــروابـــع يـوكـلــنــه
لـيــه ادور للسـبـايـب والـسـبـب فـيـنـا ومـنــا
النفـوس ومـا تـسـوي واليـديـن ومــا حصـدنـا
لا تسـودنـا الخطـايـا نلـحـق الشـرهـه زمـنــا
مـــا جـزانــا إلا عـمـلـنـا والـخـلائــق يثـبـتـنـه