كـنت شايله هم المشروع اللي ممكـن أسويه و سبحـان الله ربـي يسـرها ( قصتي البسيطه )

ما شاء الله تبارك الله

السلام عليكـم ورحمـة الله وبركـاته

بعلمكم وش صـار معي :icon32:
أنـا خريجـه جـامعيه , تخـرجت السنـه اللي فـاتت
كـانت دراستـي متعبـه جدا جداً جدا , لإنـي مريت بظروف صعبـه

كنت أدرس ( تعليم عن بعد )
و كـان يجيني حـافز و أدفعه رسـوم لـ دراستي
دراستي وضعها إني أدرس و أنـا في البيت

قدر الله وصـارت لي ظروف وإضطريت أترك البيت لـ ظروف صحيه

و كـنت أحيانا أجلس في المستشفى و أحيـانا في بيت جدي
ووقـت دراستي كنت أشوف محاضراتي و أحل واجباتي عن طـريق الجوال , و النظـر تعبان
فلكم أن تتخيلو الوضـع

سهـرت ليالي و كـنت أأجل مذاكرتي علشـان المريض اللي عندي, و تنازلـت عن بعض الملازم و الكتب اللي كـانت ممكن تساعدني في دراستي

و الحمد للـه بفضل الله و كرمه تخرجـت من الجامعه بمعدل مـرتفع و في 4 سنوات ما شاء الله على خطـه الجامعه

ما شاء الله تبارك الله


و بدأ مشوار البطاله و الملف العلاقي و المأساه التي تعاني منها بلادي :icon32:

و أقعد أحوس لكم في جداره , و المدارس الخـاصه و حلقات تحفيظ القرآن و الجمعيـات الخيريه ( لإن تخصصي إجتماعي )
في نـاس تسلك لي الله يجزاها خير و فـي ناس تقفل في وجـهي وناس مـا كانت ترد علي خير شـر :boom:

و أجي أدخل هنا أحوس بقسم الأفكـار و المشاريع .., وتشدني المواضيع اللي تكـتب عنها
و عن حماس أصحابها ما شاء الله لا حول و لا قوة الا بالله
و كان نفسي أسوي مثل هالمشاريع لكن كـانت المشكله إن مـا عندي راس مال و لا أقدر أتسلف من أبوي أو أخوي

و قـررت أروح لأسهل حـل أصير مندوبـه ( مسوقه )
لكـن قرايبي مو وجيه مندوبات :blink:
تبهذلـت ما في أحد جدي , و الدعايه ما كـانت تمام الله حق

و سبحان الله فجـأه تجي ترسل لي وحده من صديقاتي اللي مـا زالت بالجامعه دايم اتواصل معها لكن هالمره غير , جت تشتكي إن اللابتوت حقهـا أخترب
وضاع كل شغلهـا اللي سوتـه علشـان " بحث مشروع التخـرج " :icon32:

طبعاً يا أخوات مشروع التخرج هذا مأساه لأغلبيه الجامعيين , و خـاصه للي يدرسون ( عن بعد ) ..
اللي بيسويه لازم يكون مستوعـب جميع سنوات الدراسـه , يشبه لـ القدرات من جد بس أخس شوي :icon32:

و اللي يدرسـون عن بعد أكثر شي تلقونهم موظفـين أو كبـار في السـن
أو نـاس غير متفرغيـن
يا دوب يجي للإختبار و يحل ويطـلع
ف علشان كذا متأزميـن من المشروع
أنـا ما فرقت معاي لإني دافوره شوي هههههههههههههههههههه

المهم نرجـع لسالفه صديقتي حاولت إني أهون عليها و أساعدها وكذا
لقيتها فجأه تقول

""

أنا عادي أقدر أحل وضعي لكن فلانه بنت أختي تدرس معاي و متوظفه بوظيفتين ومتلعوزه
وش رايك تسويـن لها بحث تخرج بما إنك متخرجـه

و تحددين المبلغ اللي تبين ؟

"

أنـا هنا طارت عيوني :blink:
صادقه هذي ؟
من جدها ؟
قلت أكيد تمزح , أصلا لو قالت لي أسويه بدون الكلام اللي بالأحمر كـان سويته
بس هالكلام بالضبط فتح عندي أفـــآآق جديد
بديت أتخيل المشروع ب مخي في مدة تتراوح بين 10 ثواني و 30 ثانيه ههههههههههههه
و أتخيل الفلوس تلعب في يديني لعب
و أتخيل أني أوزع على هذا و ذاك كأني الوليده بن طلاله

ربي ألهمنـي و جلست أسألها و كذا
و على طـول طفشت البنت و قالت بعطـيها رقمك و تجي تتواصل معك و تفاهموا

ما أمدى سـاعه الا جـايه البنت
و سريع سريع حددنا كل شي , اسم المشروع كم صفحه .... الخ و حددت السعر 200 ريال على مشـروع البحـث ..
بعد يومين جاني رقم ثـاني , تقول جايتك من طرف فلانه و تقول قصه حياتها و كيـف إنها مشغوله
و صارت 200 ريال ثانيه

المجموع = 400 بس من بنتـين

ما شاء الله تبارك الله

أنـا نفسي يا بنـات قاعده أطالع للواتس كذا :blink:
الحمد لك يا رب
الرزق جـاني لحد عندي بدون راس مال و بدون تعـب و أنا جالسه على النـت و في حاجه أنا فاهمه لها و حـابتها

و الســـبب بعد الله :

الإستغفـــار

أقسم بالله يا بنات الفترة اللي كانت قبل هالموضوع و خلاله و بعـده كنت ملازمـه للإستغفار ( و بدون نيه أن ربي يرزقني حتى )
لإن الله و عد في كتـابه :
( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا )

الحمد لله قررت أن يكون هذا مشـروعي , وراح أبدأ في الأيام القدامه في كتابه بحوث و مشاريع التخرج حتى يكون عندي عدد كـافي و لا بأس به
أبيعه على طالبات جـامعتي في الترم القادم

لو بعت المشروع ب 200 ريال راح يطلع معي ب 10 مشاريع 2000 ريال
و كل ما زدت كل ما زاد المشروع

و الحمد لله عندي صاحباتي يروجون للمشروع الله يجزاهم كل خير
و عندنا منتدى لطلبة الجامعه أقدر أعرض فيه مشروعي

و أسأل الله أن يبارك في رزقي و رزقكم آجمعين

:icon35: