السلام عليكم ...
معايا وصفتين لـلـــكــــــــيــك جدييييييييده ومـــختـــلــفة ..
للأمانه .... كيكه الدايجستف اخذتها من منتدى ثاني للعضوه بثونه الله يعطيها العافيه ... اعجبتني وطبقتها ونقلت لكم تجربتي بالصور .....
وكيكه حبة البركه بالشيره .. اخذتها من دفتر أمي حق الطبخات ..
~ كيكه الدايجستف ~
المقادير والطريقه
خليط الطبقة الأولى : ( 10 حبات بسكويت دايجستف مكسر – ربع أصبع زبدة 25 غرام –
نصف ظرف كريمة " دريم ويب " – ملعقة صغيرة نسكافية –
نصف كوب سكر أسمر >>> استبدلته بالعادي لعدم توفره عندي )
نضع جميع مكونات الطبقه في قدر على النار لين تذوب الزبده ..
وننتبه لا ينحرق السكر مجرد تذوب الزبده ويتشربها البسكوت ..
مقادير الكيكة : ( بيضتان – علبة زبادي "روب" – ربع كوب زيت –
نصف كوب سكر – ملعقة كبيرة بيكنج بودر – كوب طحين واحد _ وشوي مويه )
نخلط البيض والسكر والفانيليا لييما حجمه يتضاعف ... وبعدها نضيف الزيت والزبادي ..
وبعدين الدقيق .. واخر شي البيكنج بودر >>>> مع ملاحظه انو نحطه بالمنخل
عشان مايطلع لنا فراغات بالكيكه ..
ونجهز الصينيه ندهنا بزيت ونحط دقيق ... ونصب الخليط فيها ...
ونحط على وجهها الطبقه الأولى اللي هي البسكوت اللي كسرناه والسكر ..
وندخلنها الفرن على العين اللي تحت وتاخذ تقريبا نص ساعه
ونشغل فوق مجرد دقيقتين عشان البسكوت بسرعه ينحرق ..
وهنا يوم طلعتها وخليها تبررررد وبعدين قطعيها ....
ونسوي لها صوص للتزيين ... 2 علبه حليب نستله الصغيره و6 حبات كيري وبالخلاط لين تتجانس ..
وحطيها بكيس نايلون واثقبيه من الطرررف وزيني فيه ..>>> نسيت اصورها هالخطوه ..
وهذا شكلها وقت التقديم ..
بلييييييز لا أحد يررررد لين يكتمل الموضوع ===>
المقادير :
1 فنجان سكر
1 قنجان زيت
1 فنجان مويه
3 حبات بيض
10 عشره ملاعق حليب
3 ملاعق دقيق
وملعقه كبيره بيكنج بودر
وملعقه صغيره فانيليا
الطريقه :
نخلط البيض والفانيليا والسكر ليما يتضاعف حجمها ..
ونضيف الزيت والدقيق ونخلطها ..
بعدين الحليب ..
واخر شي البيكنج بودر ومثل قبل استخدمي المنخل ..
جهزي الصينيه ادهنيها بزيت ورشيها بدقيق ... وصبي الخلييييط فيها ورشيه بالحبه السودا ..
ودخليها الفرن وانتبهي لها لانها بسرعه تخلص ..
اول ماتخرجينها خليها تجلس 10 دقايق كذا وصبي عليها الشيره ...
ملاحظه صينيتي كاااانت كبيره عشان كذا صار حجمها بهالشكل المفروض صينيه اصغر ..
وهذا شكلها اخر شي ..
دعواااااتكم ... وانتظر ردوردكم الجميله ..