كفارات العشير !! يغتابون ازواجهم بكل مكان وزمان

مسااء الخير عالجميع
بدخل بالموضوع دووغري 🙄 باكسبلور انستقرام طلعت لي صورة شفتها عند قريبتي قد نزلتها بالواتس قبل فترة دخلت على الحساب الا اتفاجئ انها هي بشحمها ولحمها تنزل صور سهراتها وقهاويها وبيتها وتكتب معلقات عن السعادة والنعم والحب والبايو حقها كله كلام حمد لله وقلوب حب ودبلة زواج وفاتحة لها بزنس وواضح من حسابها انها ماشاء الله مبسوطة مع العلم ان حسابها هذا مفتوح وقليل متابعينها بس شكل احد من اللي اتابعهم يتابعها وحسابها مافي احد كلهم مشاهير عشان كذا ماخذة راحتها بالحساب وتعبر عن مافي داخلها
الى هنا حلو
لكن الصدمة انها بكل جمعة معانا بكل طلعة بكل مقابلة اول ماتبدأ بعد السلام سب زوجها والحش فيه مع اني ماسالت عنه ولا اشتكيت عن حياتي او تكلمت فيها عندها بس كذا اهلين كيفك وبعدها تبدأ الشكاوي اللي تنكد جو الجلسة لييييييه تكفير العشير والمشكلة ان حياتها تماما عكس كل اللي تشتكي منها تتفاجئين بسفراتها بالسر طبعا ماتعلم وتتفاجئين بمناسباتها السعيدة وماتدرين عنها الا اخر الناس وتتفاجئين بديكور بيتها واثاثها الفخم وهي تقول ان زوجها مطفر ووضعه المادي زفت ومقصر عليها وماجاب لها هدية بالعيد ومايعطيها وجه
وهو حتى حوشهم ماثثه باغلى شي جلسة خارجية ب ٥٠٠٠ الالاف وستارة خارجية ب ١٣٠٠ وعشب صناعي مع باركية مع اعمدة انارة مع كرسي مرجيحة لها لانها تحبه 😋
وغير اثاث البيت من المحلات الغالية اللهم بارك طاولة الطعام ب ٥٠٠٠ وورق الحائط والباركية والابجورات والكنبات الجديدة وهي ساكنة باجار
كل هالتفاصيل عشان تعرفون كيف وضعها المادي وكيف هي مخليته للناس عكس ذلك انهم بفقر وبخل زوجها كل زيارة لازم تذكر للحريم بخله وفقره وتقصيره عليه وانها ماتحبه ولا تغار عليه وانا شايفة خلاف ذلك
وللامانة كم حرمه مثل وضعها ماتبين الا الجانب الشين بحياتها حتى لو ماسالتيها اما الجانب الزين وربي لو تموتين الا تخشه عنك وتظهره عكس ذلك بفهم نهايتهم اااايش ؟؟؟ ماتخاف ان زوجها يوصله خبر انها تغتابه وتقول هالكلام عنه ؟؟؟ وربي اشمئز بقووة من اللي بكل مجلس تسبه قدام الكل وهي عندها بزارين منه وحامل برضوه منه والمشكلة ليته على حق الا كذب وتكفير عشير خلاص ليت هالعادة تنقرض مانبي نعرف لا شينه ولا زينه هذي حياتك الخاصة ماله داعي فضايح 😪😪😪😪