مو ملاحظين إنه هالقصة كثر تكرارها بالمنتدى !!
زوجها ملتزم ومطوع ويصلي وذكر الله على لسانه وداعية وإمام مسجد وحافظ القرآن ...... ويزني!
أقولها بكل وضوح .....أنا اكذّب كل من يكتب قصة من هالقبيل
لإنه القصة واضح كذبها .... وتكرارها أكبر دليل على أن هناك من يحاول نشر هالقصص عن الملتزمين بين الناس
وكاتب الموضوع سواء كانت زوجة أو غيرها , ممن يبغضون الخيانة والزنى والوقوع في الكبائر , لو كانوا صادقين في بغضهم هذا , لكرهوا أكثر نشر هذه الأقاويل التي تشوه صورة المسلم الملتزم ولحاولوا حل المشكلة بصمت حتى لو حدثت حقيقة لأن كل بني آدم خطّاء ..... أما ان نترك الخطأ المقصود من الوقوع في الزنى ونجعل هالة ضخمه حول كلمة ملتزم ويصلي ومطوع لنجذب بها الأنظار ونشوه هذه المصطلحات الطاهرة فهذا دليل على خبث الكاتب ...
أسأل الله أن يجعل كيد كل كذاب مفترٍ على الملتزمين في نحره وأن ياخذه اخذ عزيز مقتدر
شاركي في النقاش
سجلي الدخول لإضافة تعليق.
التعليقات
22- أنا أتوقع فيه ســــــــــــــــــــــــــــــؤ فهم لدى البعض فلمجرد رؤيتهم اللحية أو تقصير الثوب قالوا ملتزم..والحقيقة التي يجب أن نعرفها ونفهمها جميعاً أن الملتزم حقاً من إلتزامه وإيمانه يرفعه عن الولوج أو مجرد الإقتراب من الأماكن المشبوهة أو الأخلاق السيئة
فهو يعبد الله كأنه يراه ويعلم أنه لو لم يكن هو العبد الضعيف الفقير إلى الله يرى الله
فإن الله جل وعلا يراه ومطلع على كل صغيرة وكبيرة ..
فليس المظهر فقط هو دليل الشخصية...نسأل الله أن يصلح حالنا وجميع المسلمين وأن يرزقنا مراقبة الله في كل أمر من أمور حياتنا وييسر لنا الصلاح والفلاح في الدنيا والآخرة..آمين - الواحد وش يدريه البيوت اسرار واذا على اللحية وتقصير الثوب مو كل واحد حط لحية وقصر ثوبه صار منزه مو شرط يمكن يصير مجرد تمويه ويغطي عيوبه فيها واحتمال يكون شي غصباً عليه يسويه لازم مانحكم على الموضوع او المشكلة بالجذب على طول ماندري وان دل فهذا يدل على غموض هالرياييل قطيعة تقطعهم ماينعرف صالحهم من طالحهم.
انا اذكر وحدة زوجها ولا احسن من اخلاقه وبالاخر طلع على علاقة مع الخدامة وهو لحية وثوب قصير مو شرط تصير السالفة من الخيال لازم فيه شي من الواقع. - بعضهم ياخذون الشكل هذا كوظيفة يتكسبون من وراها اكثر منه التزام
- والله اعرف ناس كذا ظاهرهم تقولين ملتزمين وداخلهم الله اعلم
وانا اسميهم المنافقين
وفيه وحده مأذيه المسلمين بلسانها لدرجة القذف وداخله دار تحفيظ القرآن الكريم
بصراحه هذي اللي انا اتعجب لامرها يعني الدار ماقدرت تصلحها لانها ماغيرت نفسها
( إن الله لا يغير مابقوم حتى يغيروا مابأنفسهم ) - صاحبة المشكله المفروض لو كانت صادقه وزوجهااا لحيه وملتزم
ماتقوووول هالشىء(لانهاااا تسىء للدين قبل ماتسىء لزوجها)
يعني برأيهم الشخص العاااادي من غير لحيه مقبووول منه الزنا!!!!!
الله المستعان...
مواضيع مشابهة
تابعي تجارب أخرى من هذا القسم.