بعد اذن صاحبه الموضوع
الي حابه تكفل يتيم عن طريق جمعية انسان الطريقه جدا سهله وماتحتاج تكونين موظفه او عندك حساب
تروحين لاحد فروع الجمعيه في الرياض في الشمال والغرب والجنوب والشرق يعني جنب كل الاحياء وموجود لهم فروع في المناطق الي جنب الرياض الموقع حقهم يفيديكم

الطريقه تروحين لفرع الجمعيه الي جنبك وتقابلين مسؤؤله الكفالات وتسالك اذا تبين كفاله عامه او خاصه

العامه تدفعين اي مبلغ لايقل عن خمسين ريال انتي وقدرتك خمسين ميه ميتين ثلاث ... الخ
وكل ماحبيتي روحي وادفعي لهم اي مبلغ تقدرين عليه .. وهذا النوع ممتاز للي ماعندها دخل ثابت مثلي وكثير غيري

الخاصه تسالك اذا تبين تكفلين بنت او ولد او ارمله والعمر الي تبينه
وتختار لك هي وتعبين البيانات وتدفعين كاش كفاله لمده 3 شهور بمبلغ قدره 750 ..... او 6 شهور مبلغ قدره 1500 .... او سنه بمبلغ قدره 3000
وتشوفين اسم الطفل او الطفله وبياناتها وماادري اذا ممكن تشوفين صوره لليتيم او لا
وياخذون رقم صندوق البريد ويرسلون لك كل فتره تقرير عن اليتيم واذا حبيتي تزورين اليتيم في مقر الجمعيه الفرع يعني
وتجيبين له هديه او لعبه او ملابس او حلويات اي شي بخاطرك يسمحون لك بس ممنوع تاخذينها وتطلعين بها اي مكان فقط داخل الفرع تجي هي وتجين تجلسين معها وتمسحين على شعرها وتبوسينها وتعطينها هديه تفرحها يالله شعور حلو
ياااااااااااااااااااااااااااااااااااااااارب اكتبها لي والله دمعة عيوني

واذا حبيتي تجددين ماعليك الا تروحين للفرع وتجددين واذا ماحبيتي خلاص براحتك

والي خارج الرياض تقدر بكل سهوله تتصل عليهم وياخذون بياناتها وكل شي وبعدين تروح للبنك تحول المبلغ وتاخذ الايصال وترسله عن طريق الفاكس للفرع الي كلمتهم وتكلمهم وتخبرهم انها ارسلت الايصال سهل جدااااااااااااااااااا
او عن طريق الاستقطاع الشهري تروح للبنك وتعبي نموذج الاستقطاع وتكلم الفرع وتخبرهم وقبلها طبعا يعبون بياناتها ومعلوماتها

لاتحرمون نفسكم الاجر والله شي مايتفوت للي تقدر عليه والكفاله العامه تكفي عن الخاصه اي مبلغ تقدرين عليه روحي للجمعيه وادفعيه والفروع منتشره في كل مكان في الرياض
فرحة هاليتيم وكفالته ممكن تحقق كل احلامكم وتسعدكم وتسخر لكم وتفرج هموم لكم

الله يكتبها لي ولكم ولجميع المسلمين


اسفه ياصاحبة الموضوع بس والله تحمست انصح البنات عشان مايفوتون هالنعمه والاجر

الله يكتب لك الأجر والدال على الخير كفاعله

الله يجزاك الجنة

الله يجزاك خير والله الواحد يغفل وينشغل بهالدنيا والتذكير زين والدال على الخير كفاعله

ماقصرتي والله يكتبلي واكفل يتيم