أهلين يا أخوات يا حلوات :42:
البارحة قلت لزوجي .....وش تبي على العشاء؟؟؟؟ قال لي مكرونة باللحم..<<< يا ريت ما سألته لأني ما أحب المكرونة ....
فقلت في بالي تعالي أألف طبخة...:01:
أوووكي أنا عندي لحم مفروم..طيب شو أسوي به...أممممممم...آه تذكرت كانت أختي قايلتلي عن كفتة أصابع في صلصة طماطم يطلبونها من المطعم وايد لذيذة...طيب إيش المكونات بتكون يلا يا مخموخي اشتغل وطلعلي شي حلو...
ما أطول ...سويت المكرونة باللحم وخليت شوي من اللحم للكفتة...وبصلت وبهرت وصبعت وشوشوت<<<شويت يعني خخخخ
طيب الكفتة جهزت والحين عليك يا مخموخي تطلعلي الصلصة.....بصلت وشوحت وثومت وعصرت وطمطمت وصلصلت ورمرمت<<<يعني رميت الكفتة في الصلصة هههههه
جا أبو العيال قال جهز العشاء قلت إيه على السفرة وراح وشاف الكفتة قال إيش هذا وين المكرونة؟؟ قلت الحين أجيبها .......وجبت المكرونة وغرفت وحطيت الصحن يمه ...وأروح وأرجع يا ربي ما أكل المكرونة ..بتبرد!!! وقعدت يمه قال لي أووووووه وايد حلو هذا الطبق يا ريت سويتي اللحم كله كفته؟؟؟؟؟ قلت وأنا في خاطري عليك بالعافية ....وخلصت الكفتة وبقت المكرونة!!!! وراح علي العشاء:06:
طولت وايد...أحس...سوري:(
المقادير:<<<أخيرا...ما بغينا
لحم مفروم _بصل_ بقدونس_ملح _فلفل أسود
(أنا سويت مقدار بسيط ربع كيلو لحم+1 بصل+2 م ط بقدونس+الملح والفلفل)
المهم تفرمينهم مع بعض وتشكلينهم أصابع وتشوينهم على الفحم أو الشواية الكهربائية
مقادير الصلصة:
طماطم مفرومة في الخلاط (البلندر) +شوية ماء
بصل
ثوم
صلصة طماطم
ملح +فلفل أسود+قرفة
تقلين البصل لين ما يحمر حطي الثوم وبعدين الطماطم والصلصة وخليه يغلي شوي حطي الكفتة وقصري على النار مرة وخليه على راحته لين ما تغلظ الصلصة وكل ما طالت المدة على النار كل ما كان ألذ....وبالعافية
واحة أمل @oah_aml
عضوة فعالة
المهم طلع شئ روووووووعه وعجب الباشا عيونى :cook:
الله يعطيك العافيه يااااااااااارب
وتسلم الايدين يا حلوووووووه :24:
:26: :24: :26: