كفتة البطاطس ****ولا اسرع من كده

السلام عليكم ورحمة الله وبركاته

انا اول مره اضع موضوع واتمنى يعجبكو
اولا اسمها كفتة البطاطس

المقادير
كمية بطاطس مسلوقه على حسب الحاجه يعنى زى ما انتى عاوزه
دقيق بقسماط او ان مفبش هاتى بقسماط جاهز ودقيه ونعميه
2بيضه مخفوقه
بقدونس مفروم
ملح وبهارات او حسب ما انتى عاوزه فلفل او كمون او بهارات
زيت للتحمير

الطريقه

اولا نهرس البطاطس كويس اوى ونحط عليها البقدونس المفروم ونقلب كويس اوى

ونحط البيض فى طبق والبقصماط الناعم فى طبق ونحط الزيت فى طاصة للتحمير ولما الزيت يسخن

نبدأ بس ملاحظه متخليش الزيت غزير علشان متفكش

نعمل البطاطس صوابع باليد ونحط فى البيض وبعدين نشيل ونحط فى البقصمات ونحط فى الطاصه

يبقى الترتيب نعمل صابع ثم فى البيض ثم فى البقصماط ثم الزيت ونقلب لما تحمر على الوجه

التانى ولما تتحمر نشيلها ونحطها فى طبق وبالهنا والشفا

على فكره ممكن تعملى كور وتحشى اى حشوه انتى عاوزاها

اه انا نسيت انا ام بسمه من مصر اتمنى تجربوها وتردو عليا والسلام عليكم