كفتة الدجاج لذيذه واكيد اولادك هيحبوها

مساء الخير بنااااات

النهارده هنعمل مع بعض طبق كفته بالدجاج بس لذيذه
وللعلم انا لسه مستجده في عالم الطبخ وان شاء الله يكون الطبق جديد انا كنت مصوراه وللاسف جوزي مسح الصور لانها كانت على جهازه بس الطريقه متعبه بس سهله هتفهموها على طول

المهم تحضري دجاجه وتغسليها كويس بالدقيق والخل والذي منه
بعد كدا تسلقي الدجاجه جيدا وبعد السلق ينزع الجلد

وبعد ما تبرد الدجاجه شويه تقطعي قطع في صحن

بعد تقطيع الدجاجه تضربيها في الكبه وبيطلع شكلها زي اللحمه المفرومه

بعدين نضيف عليها
2 بيض
عصير ليمونه
2 معلقه بقسماط مطحون
شوية شبت
بصله مفرومه
بهارات دجاج
فلفل وملح


بعد كدا نخلط الخليط كله في الكبه بس مش كتير عشان العجينه ما تسيبش منك زي ماحصل معايا وبتكون زي العجينه


ثما تصبع العجينه و تغمسي كل صابع في طبق فيه 2 بيضه مضروبه مع الفلفل والملح وهنا بعد ما صبعنا الكفته وحطيناها في البيض بس انا طالع معايا صابع تختوخ وصابع رفيع لان العجينه سابت مني شويه


بعد كدا الصوابع تحطيها في البقسماط وعلى التحمير على طول يمكن الطريقه متعبه شويه بس لذيذه واولادك هيحبوها

لكن انا ماحمرتهاش حطيتها في علبه في الفريزر ولما احتاج اخد واحمر ان شاء الله عجبتكوا