:39:السلام عليكم اخواتي كيف حالكم ان شاااء الله بخير
جالسة من النوم تعبانة وماعندك رغبة تطبخين بس مظطرة
بعطيك طريقة غدا حلو سريع ولذيذ كفتة بالفرن مع الرز
المقادير
لحم مفروم
بصل ‘ ثوم ‘ بقدونس ‘ بهاااارات ‘ طماااطم شرائح وبصل شرائح ‘ فلفل اسود
ملح
الطريقة
سوي طريقة الكفتة العادية
اخلطي اللحم مع البقدونس والبصل المفروم مع الثوم والبهارات مع الفلفل
الاسود بس لاتكثرين اللي يبيها حاااارة يكثر ولاتنسون الملح
وخلطي
ادهني صينية الفرن بزيت موكثير وكوري الكفتة شوي كبيرة
وحطيها بالصينية وبين الكفتة المسااافات في الصينية
حطي البصل الشرايح مع الطماطم الشرايح وحطي فوق البصل والطماطم شوي
زيت ودخليها الفرن شغلي اللي تحت وشوي زيت فوق الكفتة
طبعا الكفتة بطلع موية بعدين شوي شوي بتنشف وبتتحمرمن تحت
طفي اللي تحت وشغلي
اللي فوق بيتحمرالبصل والطماااطم ووجه الكفتة
طفي الفرن خوذي فحمة حطيها بقطعة قصدير بوسط الصينية وحطي فوقها قليل من الزيت
وبسرعة غطي كل الصينية بقصدير عشان يتبخر ويسلام على الريحة
كفتة مشوية تجننننننن
قدمي معااااه طبق رز جاااانبي
رز ايراني هو رز عادي ابيض بعد مايستوي رشيه بالزعفران المنقوع بموية شويا
وشوي ماء ورد كلهم فوق الرز
حبيتي تبخريه بيطلع روعة او بدون كله لذيذ
ويعطيكم العااااافية طولت عليكم ترا هي سهلة وسريعة جربوها مرااااح تندموا
ياالله شجعوني ابي اشوف ردودكم ياحلوات . :44:
ام فيصل 7 @am_fysl_7_1
عضوة نشيطة
يلزم عليك تسجيل الدخول أولًا لكتابة تعليق.
خواتي اشكر مروركم وردودكم الحلوة
بس ابا اسال كيف انقل موضوعي لاطباق عزيزة الساخنة لانه هذا الطبق من صنعي وليس تطبيق للاخوات الكريمات
ربي يسعدها اللي تقولي الطريقة
بس ابا اسال كيف انقل موضوعي لاطباق عزيزة الساخنة لانه هذا الطبق من صنعي وليس تطبيق للاخوات الكريمات
ربي يسعدها اللي تقولي الطريقة
الصفحة الأخيرة
يعطيك العافية
ومااننحرم منك