اليـــوم ساويت كفتة داوود باشا بصـــراحة كتييير بتشهي وطيبة وبنصحكم تجربوها يابنات .... مارح طول عليكم ..
خلونا نبدأ بســـم الله ...
1- كيلو لحمة مفرومة ..
2- بصلتين + 4 حبات توم _حبة فلفل اخضر حار + كزبرة ناشفة (هاي المقادير حطيتها في الخلاط)
3- بهــــارات(ملح+فلفل اسود+بهارات لحمة مطحــونة+شوية كركم +رشة كمون)
______________________________________________________
** بنعجن اللحمة مع كل المقادير السابقة بالترتيب يعني اول شي مقادير رقم(2) وبعدين البهارات بنعجنهم منيح لحتى يختلطو كلهم منيح ...
** بنبدأ نعمل اللحمة على شكل كور صغيرة شوي لأنو شكلها بيطلع احلى وارتب من الكبيـــرة ...
** بنجيب القدر تبع الطبخ وحطيت ملعقة اكل زيت بس لأنو اللحمة رح اطلع مي فمش محتاجين زيت اكتر ..
يتـــــــــــــــــــــــــبع:26:
** بنقطع 3 بصلات كبار جوانح زي الصورة الموضحة وبنحط كمان شي 4 فصوص توم وحبة فلفل حار اخضر (سيد البهارات
وبنحمرهم شوي لحتى يتغير لون البصل وبنضيف كور الكفتة ومابنحرك بالملعقة حاولي انتي ترفعي القدر عن الغاز وتقلبي بايدك القدر فهمتو علي حبيباتي مشان ماتتقطع اللحمة معاكي بالملعقة ...
** وبعد مايتغــير لون اللحمة رح تنزل مي منها كتير .. بتسكــرو القدر مشان تحتفظ اللحمة بنكهتها وبتوطو النار ...
** بعد 10 دقايق لما تبدأ المي تنشف بنضيف الخلطــــة هي (ملعقتين كبيرة صلصة بندورة+مكعبين ماجي+ملعقة صغيرة كمون_ملعقة صغيرة فلفل اسود+شوي ملح بس+كاسة مي ساخنة)
بنحركهم منيح مع بعض وبنضيفهم للكفتــــة ... وبنخليهــا تغلي على النار شوي وبنوطي عليها بعدين وبنخليها تلت ساعة... لحد مايصير قوامها تقيل شوي
** وبعدين بتشوفي الملح والبهارات وبتظبطيهـــم ولازم المرقة تبعة الكفتة ماتكون لاسائلة ولاجامدة تكون وسط يعني ...
وهاد شكلهـــا لما حطيتها بالصحن
يتبع:27: