وصفتنا اليوم مستوحاه من الفيلم الكارتوني ذا راتاتول واللي بتشووف الفيلم بتحصل هالوصفه واسمها
في الفيلم طبعاً:
خلطه بيطه بالصلصه
مقادير الكفته:
1 كغم من لحم الضأن، الهبر والمفرووم يؤخذ من فخذ الضأن
نص كوب بقدونس مفروم
1 ملعقه صغيره قرفه
1 ملعقة طعام دبس الرمان
1 بصله مفرووومه فرم ناااااعم
صنوبر مقلي
ملح وفلفل اسود
توابع وصلصة الكفته:
بطاطا مشرحه شرائح مستديره ومقليه قلي خفيف
طماطم مشرحه شرائح مستديره
باذنجان مشرحه شرائح مستديره ومقليه فلي خفيف
بصله مشرحه شرائح مستدير
ماخليت شي فالمطبخ ما شرحته حشى مشرحه مب مطبخ
والصوص عباره عن ثلاث حبات طماطم مجروخااات بالمكينه معاهم فص ثوم ومكعب ماجي.
الطريقه:
نخلط مقادير الكفته من بقدوونس وبصل ونبهرهم بالقرفه والفلفل الاسود والملح
نزيد دبس الرمان ونخلط
نحط الصنوبر المقلي ونعجن خلطة الكفته زين مازين
نفرد الكفته فالصينيه
ناخذ السكين ونسوي شقوق فالكفته بهالشكل
بعد مافردنا الكفته نسقيها صووووص
بعد ما نسقيها صوص تصير بهالشكل
يتبع ،،،
نبتدي نحط الخضرا فوق الصووووص بهالشكل
ونرجع نحط طبقه اخييييره من الصوووص فوق الخضار بس انتوا قللوا الصلصه لاتوصلون الصوص شراتي عشان يوم تبتدي تنطبخ ما اطيش برع البايركس
وشكل الصينيه على جانب وقبل لاتدخل الفرن
نغلفها بقصدير
وندخلها الفرن نولع الفرن التحتاني،، ومدة الطهي ساعه الا ربع
لين تنضج تماما وبعدين نفتح القصدير ونشويها من فوق عشان يتبخر الصوص
وتصير كفته متماسكه وشهيه ،،،،،
النتيجه النهائية
تقدم إلى جانب طبق رز بالشعيريه وصلصه الزبادي بالخيار
صحتين على قلوبكم
واسمحوووولنا عالقصور
غرشوبة زعبيل