الندوه العالميه للشباب الاسلامي اتصلي قيهم او روحي افضل لك بدون احد يدري خليها بينك ةبين الله ..

سجلت دخولي وحبيت اقول تجربتي انا كفلت يتيم ولله الحمد وذكرت ذلك في مواضيع لي وبعد كفالتي لليتيم الحمدلله تغيرت حياتي للافضل من كاااافة النواحي ولو اذكر النعم اللي انعمها علي الله لبكره ما احصيها والله العظيم !!
اللهم لك الحمد كما ينبغي لجلال وجهك وعظيم سلطانك
اقل شي من النعم اللي انعمها علي الله اني تخرجت وتوظفت على طوووووول في نفس السنه ما شاء الله تبارك الله في وظيفه راقيه وراتب ممتاز جدا ماشاء الله والحمدلله ربي منعم علي اللهم لك الحمد
واوصيكم في كفالة اليتيم لو بريال واحد وقليل دائم خير من كثير منقطع وخلي هدفك الاول والاخير رضا الله لان اذا رضي الله عنك تأتيك الدنيا رااااااااااغمه لا يكون هدفك دنيوي فقط اهم شي رضا رب العالمين والاخره الله يرزقنا مرافقة رسولنا الكريم صل الله عليه وسلم
وهذي تجربتي واسال الله التوفيق لي ولكم

ياليت تفيدونا اكثر جزاكم الله خير

انا بقولكم قصتي وقصت بنت خالتي
بنت خالتي تزوجت صغيرة وتطلقت على طول وبعدها صارت العيون عليها وليه تطلقت والكل كان يلومها بدون مايعرفون السبب وكانت تنخطب كثير بعد طلاقها وهي لسه صغيرة بس يا يجيها شايب ولا واحد متزوج وراعي حريم يعني كلهم مايناسبون وجلست اكثر من عشر سنوات على هالحاله وكل مايجيها واحد كانت ترفض واهلها يلومونها والكل يعايرها محد ماخذك الى شايب وجلست لادراسة ولاشي ونفسيتها جدا تعبانه لما دلها ربي على الكفاله اول شي سجلت بالجامعه وكملت وبنفس الوقت توظفت ورزقها ربي بزوج قريب من عمرها صح مطلق لاكن مشاءلله الكل يتمناه ومبسوطه ع الاخر الله يديم عليها
انا الحمدلله كان في موضوع متعطل لي ونفسيتي تعبانه منه وضروفي المادية جدا سيئة لاكن توكلت على ربي وقررت اكفل يتيم بمبلغ بسيط كل شهر اودية للجمعية والحمدلله على كل حال الشي الي كان متعطل اقسم بلله انه تيسر بعد اول مبلغ اودعته باسبوع بشكل عجيب ماكنت متخيلته ونفسيتي كويسة ومتفائله جدا واهم شي ان يكون اللشي هذا لوجه الله مو عشان امر دنيوي

(اللهم صل وسلم على نبينا محمد)
-----------------------
((من صلّى عليَّ حين يصبح عشراً، وحين يمسي عشراً، أدركته شفاعتي يوم القيامة)) أخرجه الطبراني بإسنادين: أحدهما جيد، انظر: مجمع الزوائد، ١٠/١٢٠، وصحيح الترغيب والترهيب، ١/٢٧٣ .