بعد ماقرات ف الموضوع اتضح لي ان منطقة نجران يتبعو الاسماعيليه وممكن فيها سنه ..
وعندهم التقويم الفاطمي وهو ثابت يمشو عليه بدون تحري للهلال وصامو قبلنا بيوم وعيدو قبلنا كمان والله اعلى واعلم ..
الصراحه كانت معلومه جديده عليه التقويم والمخالفه ف الصيام
لا اله الا انت سبحانك اني كنت من الظالمين

الجنه والنار بيد الله سبحانه وتعالى ودعوا الخلق للخالق
وصحابة الموضوع فتحت باب للفتنه بين المسلمين
رب الكون هو راح يحاسب كل شخص في قبره ولاراح احد يكون معكم في قبوركم
لاتسوون نفسكم المثاليين وانتم الصح كل شخص يمشي على الدرب الي فتح عينه عليه سواء بكيفه او لا
شيعه سنه تعصب ديني ابشع من فايروس كورونا
مع نفسكم ماعد راح ابرر لااحد نعم وانا على المذهب الاسماعيلي وافتخر زي ماانتو تفتخرون انكم سنيين والنعم في اهل السنه مااحد غلط على احد فلا تكبرون الموضوع وتفرضون تعصبكم الديني
صادقه عواطف تركي يوم قالت حنا في 2020 وباقي تتناقشون في مواضيع كذا طورو من انفسكم وتصالحو معها خلوكم ارقى من كذا
وفي ختام كلامي لاعاد احد ينسخ ردي وترد عليه لااني ماعد راح ارد على احد لان الجدال معكم زي القربه المفقوعه لازم انتو الصح وماتسمعون للطرف الثاني وسلامتكم
والي تقول عني كافره او تكفرني الله لايحللها يوم الدين

زهرة ليه انتي معصبة ترا بكره عيد

وش فيكم باقي شوي وتتهاوشون
كلن على دينه الله يعينه
مهما تعددت الطوائف والمذاهب والفرق كلهم يعبدون رب واحد ومؤمنين بالله
مو احنا اللي نحاسب البشر او ندخل في ايمانهم ونحلله ونصنفه اذا صحيح او غلط
خصوصاً في موضوع رؤيا الهلال معروف ان بعض الدول تتبع نظام الرؤيه بالعين مثل اغلب دول الخليج العربي
ودول تتبع نظام الحسابات الفلكيه مثل بعض دول المغرب العربي وسلطنة عمان
مين الصح ومين الغلط ؟
كلهم صح وكلهم الله وحده اللي ينظر في ايمانهم ويحاسبهم عليه
احياناً في امور مانعلم منها الا القشور نتركها لاهلها افضل
الواحد يالله ينشغل بصيامه وعبادته ويسأل الله قبولها عشان ينشغل بصيام وعبادة غيره ويشتط ويثور عليها
كل عام وانتم بخير وصحه وسلامه والله يتقبل صيامكم وصالح اعمالكم

شوفي الموضوع كامل وبتفهمين السالفه زين
بس حبيت اوضح لهم لااكثرو لااقل
زي ماهم لهم رايهم لي رايي بعد