اليوم بقول لكم قصة وحدة من البنات .. بس هذي القصة أنا متأكدة أنها حآصلة في كل بيت فيه بنت في سن الزواج
وأخواننا الشباب ما حسوا لا فينا ولا في خواتهم ..!
وكل أم حااسة ببناتها بس إحساسها ما يغير شي بالموضوع ..
.
.
أم عبير اتصلت عليها حرمة تخطب لولدها خالد ..
وتمدح فيييه وتمجده كأنه أحسن ولد بالعااالم !!!
وتسأل عن عبير وتقول : واالله يا أم عبير يقولون بنتك عبير حلوة .. صدق ...؟؟؟
< بالله وش بتجاوبها أم البنت
!!أم عبير : الحمد لله بنتي جميلة وما يعيبها شي ..
أم خالد : عسى شعرها طويل ..! عساها بيضاء ؟؟ شعرها نااعم ؟؟
كيف جسمها ؟؟ بالله وصفييها لي ...!
أم عبير تحاول تمسك نفسها وتجامل
أم خالد : ها يا أم عبير متى يناسبكم نجي نشوف البنت ..؟
< ضاااامنة الموافقة ما شاء الله ....!
أم عبير : والله يا أم خالد , عبير تفضل يجي الولد بعد ما نسأل عنه ,, وهو يشوفها
أم خالد : وشوووو من جدك ..! أصلا البنت مالها شوور ,, الشور شور أهلها .. وأنا لازم أشوف اللي ولدي بياخذها .. يناسبكم بكره ؟
< البنت اللي بتعرس ولا أهلها
أم عبير : برد لك خبر ..
تنتهي المكالمة .. وتنادي أم عبير بنتها وتقول لها : ها وش رايك .. موافقه ؟
عبير : على اييش ؟
الأم : على الولد ..
عبير : لا شفته ولا أعرف عنه شي .. شلوون أوافق !!
الأم : خلاص بواعد اهله وشوفيهم ..
عبير: وش أبي بأهله باخذه هو ولا أهله ..! وبعدين فكين من سالفة الأهل احنا اتفقنا أي موضوع يكون بيننا وبين الولد نفسه ..
أنا ما أبي أعرض نفسي على الحريم .. أنا انسانة .. مو سلعة جايين يشترونها ..!
كم مره دخلت على حرمة ,, وحريم يجون ساحبين خواتهم وبناتهم وقهوة وشاي ومعجناات وحلا وكركرة ,, والفرجة ببلاش ..!
وبعدها يروحون ولا نعرف ردهم !!.... خلاص أنا ملييييت ... أنا انسانة عندي كراامة ومشاعر وأحاسيس ما أبي هذا الوضع يمه ...
الأم مصرة أنهم يجون ,, وعبير تستسلم كالعادة !!!
قالت الأم لبنتها : جهزي لك لبس .. ما نبي بنطلون زي أول مره يمكن كان هو السبب !!
ولا تنورة قصيره زي ثاني مره ..!
وشعرك لا تسوينه كيرلي ..! هذول يحبون النااعم ..!
وتدهني بفكس خلي لونك يفتح ,,, ترا هذول يحبون البياض !!
عبير متعجبة وطبعا لا تعليييييق ..!.
.
.
تاخذ عبير جوالها وتدق على صديقتها سارة وتطلب منها لبس يناسب أصحاب المعالي ,, لأن ملابسها ما تتوافق مع مقاييسهم العالمية ...!
ويعلنون حالة استنفااار في البيت استعدادا لاستقبال الضيوف الموعودين ..
الأطفال يرسلونهم لخوالهم ,, وصواني الحلا والموالح تتجهز .. والبخور يتولع ..
ويجون الضيوف .. وتستقلبلهم الأم ..
طبعا أم الولد وتوابعها .. أختها وبنتها وغيرهم ,, ماهي الفرحة ببلاش ....!....!
بعد السوالف والقهاوي , تدخل عبير ,,
والعيون ترااقب
داخلة وهي كأنها تقول شوفووني .. عسااني عجبتكم ..
عساني مطاابقة لمواصفااتكم ومقاييسكم !!
تطلع عبير
,, ويطلعون وراها من ذلك المنزل اللذي احتفى بهم وكرّمهم ... وعرض لهم سلعة من سلعه !!
والولد ينتطظر : هااه عساها عجبتكم ...!
< آآه يا مخففة ,, لو بتشتري سيارة أنت أول من يحددها ...!
يمر يوم ,, يومين , ثلااث ,, ولا حولك أحد ..!
محد دق .. والبنت تقول خلاص ميئوس منهم هذول ...
وتمر الأشهر والبحث جااري بين بيونت خلق الله .. ومافي بيت ما طقووه ولا في عايلة ما شافوا منها ,
والولد في انتظاااار ...!
والبحث جااري ,, والمشااعر مالها أي حسااااب ...!
طيب ليييه ما ردوا .......!
يبقى السبب مجهووول ....
وعبير خاطرها مكسووور ..
مين بيواسيها ....!؟؟
وأمها ضاايق صدرها على بنتها ,, على هالخطيب اللي يمكن حتى هو ما درا ان أهله جايين يشوفون له ,,,,!
صديقااتها السعوديات مثلها . . والنظام مااشي ...!
لميين تشكي ولا تبكي ؟؟!
ولا تشكي لصاحبتها اللبنانية اللي بتضحك وتقول : شو هالتخللف ...!
...............................
يا نااس حرام علييكم ..
الله ورسوله ما قالوا كذا ..!
ليه أجازوا النظرة الشرعية ؟
لأن الولد نظرته غير عن أمه وخواته ..
مره حريم رايحين يشوفون وحده لولدهم , والولد هو اللي ومودينهم ..
شافه أبو البنت عند الباب .. سلم عليه ودخّله ,,
وأعجب بأسلووبه ,,
وقال : بنادي لك البنت ..
وشافها ,, وشاافته ..
طلعوا الأهل من بيت البنت وهم يقولون : لا البينت ما تصلح , شينه !!
الولد قال : الا تصلح ,, أنا شفتها وعجبتني ...!
...........
ما يستفاد من الحكي كله ..
يا نااس احنا بنات حمااايل ,, ..
اسألوا عننا وبتجيكم مواصفاتنا ..
بعدين يجي الولد ,, لييه انتوا اللي تجون ...
انا باخذكم ولا باخذ ولدكم ..؟!
يا عالم متى تحسون بهالوضع ... تراه من جد مزري ,, ومدمر نفسيا .. وغير لائق أخلاقيا ..!
لااا والمصييبة بعضهم يشوفونهم بشهر 5 ,, ويسكتون ,, ويجي شهر 12 يدقون ويقولون نبغاها
المحلاات وهي المحلاات ,, مهله التبديل والاسترجاع 3 أيااام ...بعدها ما عاد يلتفتون لك ,
وهي جمااد ....!
يا نااس حسوا ,,
ليه ما نعاالج المشكله ..؟!
لو كل بنت ترفض أن الأهل يجون ,, وتشرط ان الولد بس اللي يشوفها بيتغير الوضع ,,
التعارف بين الأهل يتم ان شاء الله اذا تمت الموافقة بين البنت والولد ,,
افهموا يا ناااس ,, هم الأساااااس .. مو الأهل !!!!!!!!!!
كل وحده اذا جا أخوها يخطب تحاول تفتّح مخ أهلها ...
اللي يبغاك ,, يجي و يشوفك .. هذا اللي جاد وشاريك وشاري أخلاقك ونسبك ..
,,
وأنت يا عريس الغفلة ,, ليه ما تقرر بنفسك ؟ :mad:
كم وحدة ووحدة راحت عليك وكان ممكن تعجبك وتسعدك ,,
بس ذوق خالتك وأمك ما كان نفس ذوقك !!!
أنت اللي بتعرس ولا أمك ؟....؟
.
.
(( الرجاء تمريرها للكل ,,, وللشباااب خاااااصة ))
بناات هذي الرسالة جاتني على ايميلي
وش رأيكم فيها ؟؟
طبعا انا حطييت هالموضوع لاني شفت بناات كثير يشتكون من هالموضووع :09: