انا متأخره في الحمل متزوجه من 13 سنه
اول كنت صغيره ويضايقني كلام الناس
 بس كنت ارد ويرتفع صوتي ويعرفون
ان هالموضوع يزعلني
بس الحمد لله كبرت وعقلت هههههه
 وعرفت ان موضوع حملي او عدمه مايمهم
كثر ماهو مجرد سالفه بيفتحونها 
وقريت كتاب استمتع بحياتك وثقفت نفسي والعريفي يقول اللي يحرجك بسؤال احرجه
وحط مثال اللي يسئل عن نسبتك في الثانوي
قله ليش بتوظفني؟
 يقول بها الاسلوب يعرف انك ماتبي ترد
ومنها ينفتح موضوع ثاني اللي هي الوظايف والبطاله
و و و و  وتتقفل موضوع نسبتك 
وصرت احاول ارد بها المنطق او اسكت واطنش تجيك وحده ليش ماتتعالجون وش السبب منك والا من زوجك  وصرت ما ارد
الا هذا ربي وهذا اللي كاتبه
تبغيني اعترض واكفر يعني؟
الله معطيني نعم غير الحمل اجحدها كلها
واعترض على الحمل ؟؟
اعطاني زوج وغيري عوانس
وزوج يحبني وراضي فيني ومايبغى لي بديل وغيري زوجها يهينها واللي زوجها متزوج عليها واللي زوجها مو محسسها بحبه
واللي ظالمها واعطاني صحه وعافيه
يارب لك الحمد وغيري فيهم امراض
شي له علاج وشي ماله علاج
واعطاني سمع وبصر ولسان
وغيري اصم وابكم واطرم
وهداني وغيري ضال
وامي وابوي موجودين الله يمتعهم بالصحه والعافيه ويطول لي بأعمارهم ع الطاعه جنتي في الدنيا غيري مايعرفون اهاليهم
واللي يتيم  فالحمد لله على كل نعم الله علينا
الحمل والاولاد مو شي ضروري
 وبعدين الله قال المال والبنون زينه الحياه الدنيا ماقال ضروره من ضروريات الحياه يعني نقدر نعيش ونتعبد الله ونتقرب له بهم او بدونهم 
وقال الله سبحانه ان من اولادكم واموالكم فتنه
او كما قال سبحانه يعني ان جو فالحمد لله
والشكر له نعمه اعطانا والله يقدرنا نحسن
تربيتهم ويجعلهم من اهل الصلاح والتقى
وان ماجو الحمد  لله والشكر له ابتلاء لحكمه
منه سبحانه ولنا الاجر من عنده وبيعطينا الين يرضينا ان كان في الدنيا او في الاخره 


اللي اقوله للي زيي متأخره في الحمل
لاتعطين الناس اكبر من حجمهم لا في يديهم دخولنا الجنه او النار مجرد فضول فيهم ولقافه وكلام ينقال ماينحسب حسابه مايدرون انه يمزق دواخلنا 
اسئل الله ان يعوض صبر كل متأخره في الحمل
ما اقول محرومه لانها بالعكس مأجوره 
ان الله يعوض صبرها خير ويمتعها بالذريه الصالحه الطيبه المقيمه للصلاه 
ويرزقها الله الصبر على عقول الناس وكلامهم 

كلامي ما اقصد به انقاص من حق متأخرات الزواج او الايتام او اللي زوجها معدد
او الصم والبكم 
هذولا فئات يمرون بإبتلاء بس غير ابتلائنا
ويشوفونا  بنعمه بالنسبه لهم
 الله يلطف بحالهم ويرزقهم الصبر ع البلاء
اللي قصدته دايم نشوف اللي ماعندهم اللي عندنا من نعم ونحمد الله ان فضلنا على كثير ممن خلق 

احسني الظن كلامهم عادي
عن غثى البزران الله يصلحهم


فعلا ترى كثير اعرفهم ربطت رحمها ماتبي ضنى كثير

هذا كلام الحريم اللي دايم ينعاد بكلللل جلسه

الله يعين
ترى بعضهم يتكلمون من حسن نيه واحنا حساسات بزياده انا مرات ينكسر خاطري لو امي تدعي لي
ما احب احد يشفق علي واعرف ان هالشيء عادي بس مرات الحساسيه تزيد
بس بخصوص لقافة بعض الناس يبغى لها لقافه مقابله ( وحده بوحده)
الحمدلله اولا واخيرا
كل ماكتبه الله خيره تأكدوا على قدر البلاء بيكون الاجر بإذن الله
وعلى قدر الصبر رح يكون الجزاء
وعلى قدر الانتظار بتكون الفرحه ان شاء الله